جيت مابيك تحقرني جيت أبيك تعز شاني

106

طول الوقت جالسة.. على اعصابها ...وتدعي الله
يهدي أبوها يغير رأيه ...خايفه حدها وكل ماقرب
الموعد المحدد الي قال بيوصل فيه تموت برعبها ...تتمنى عناد.. يرجع بسرعة ..عشان تقدر تسمتد قوتها منه وماتواجهههه ... أبوها بلحالها .. وبنفس الوقت خايفه وشلون تكون المواجهه بينه وبين عناد ..وبذات عارفة ... وشلون أبوها راح يجرحه ...بالكلام ..وعناد محترم ماهو من النوع الللي يرد ...ليتهم يرحمونه والله معاد يقوى اللي فيه يكفيه ...قلبها يتقطع على حاله ...جلست تستغفر الله وتدعي الله يقويها على اقناع أبوها ..
بدون مشاكل وزعل بينهم ...أول ماسمعت حركة بالصالة عرفت ان عناد وصل طلعت من غرفتها ...
دورته بالصاله ماله أثر طالعت جهة غرفة مكتبه شافت الباب مفتوح عرفت انه دخل مكتبه مشت بتردد ...ودخلت شافته متمدد على الكنبه ..وحاط يده على عيونه قربت منه وجلست وهمست : هااا بشر عساك حصلت خبر عنهاااا

هز رأسه بلااااا بدون مايتكلم ...

بشفقه على وضعه همست : عناد احط لك شيء تأكله لك يومين ما أكلت شيء ...

أبعد يده وطالعها بنظره مكسوره همس بتعب : مين له نفس يأكل روحي جيبي لي بس بندول رأسي بموت منه ...

عضت شفتها بحزن عليه ...راحت جابت له بندول مثل ماطلب ..أخذها منها وشربها ورجع تمدد ..احترمت سكوته وجلست ساكته مرت نص ساعة ...تتمنى ينام ويرتاح ودها تقول له روح للغرفة عشان ترتاح أكثر بس متردده ...ماتبي تضيق عليه مدام جا هنا فهو حاب يجلس لحاله... أفضل شيء تطلع وتخليه يرتاح ...بس قلبها وقف يوم مسك يدها يمنعها تقوم طالعته همس لها بوجع : تتوقعين أقدر احميها

مدري وش ارد عليه ...وشلون يقدر يحميها
وهي مرتكبه جريمة قتل ...وسرقة : الله كريم عناد

ابتسم بوجع :شوفي كيف القدر أنا محامي
وأمي ...ماقدر يكمل الغصه ذبحته ..

يالله دموعي نزلت على وضعه ...ونبرة صوته اللي ذبحتني ...بس فزيت يوم رن جرس الشقه ...
فك يدها همس بضيق : أبوك وصل

هزيت رأسي بدون صوت وهمست : الله يستر

عنادأخذ نفس بضيق ..أبد ماله حيل يتحمل يأخذها من عنده بس بعد حرام يكون اناني ومايبي مشاكل : شموخي تكفين لا تزيديها علي اطلعي معاه بدون مشاكل ...
والله مافيني أتحمل أي كلمة يحذفها ...علي
ارفقي بحالي على الأقل أنتِ

الشموخ بصدمة : تبيني ارفق بحالك واروح معاه لهالدرجة عناد ماتبيني بحياتك

عنا عض شفته بقهر فهمته غلط آه ليتها تدري وش اللي بخاطره بتبرير : مابي اي شيء اسمعه يوجعني إلا فراقك صعب علي وسكتتت مايبي يتكلم أشر لها تروح تفتح الباب ....
بس شافها واقفه ورافضه تتحرك وقف على حيله ومره من عندها وهمس بغصه : مهما حاولنا الليلة ليلة فراق مسكها من عند كتوفها وحط عينه بعينها آه ياكبر القهر لا صار ماباليد حيله