جيت مابيك تحقرني جيت أبيك تعز شاني

97

بالأستراحة
قفل من عندها وابتسم بخبث ...حلوو رجوعها لأبوه
وده يكشفها قدامه ...وينتقم لأمه وشلون فضل عليها وحده قاتلة رخيصه ..... ماتستاهل
كل ذا سواه لها ....

طالع منيف اللي يتحلطم :ياخي طفشت من وقت ماجينا وأنت ساكت وبعد ودي أعرف مين تنتظر
والدنيا تمطر ...

طالعه ببرود : مالك شغل تجلس ساكت ولا تقلع

منيف هز رأسه بقهر :أنا اشوف عادل معاد فكر يحاول يراضيك اتاري الحبيب ارتاح وأنا ابتلشت منيف تعال منيف انقلع منيف كور يده وعضها
آه ليت بس اصفقك

مصعب طنش كلامه وقال وهو يضم الجكت على جسمه يحس عظامه بدت تضرب عليه : قوم بس سوي اي شيء دافي نشربه بذا البرد

منيف صرخ : هييي حلت لك السالفة سواق ومشيتها بكيفي بس توصل لقهوجي تخسى

مصعب وقف وهو يتسند على العكاز

منيف فز بسرعة يساعده وهو يضحك بس طالعه بحده وقال : منيف تقلع عن وجهي

منيف صغر عيونه بقهر وابتسم بخبث :بالله لو سحبت العكاز وسكت من نظرة مصعب اللي كلها عصبيه لو يفكر يستظرف مره ثانية بيذبحه أشر بيده تفضل تفضل واي مساعدة أنا حاضر ..

مصعب مشى بصعوبه ..ويحس ألم رجله يزيد عليه كل ماتقدم خطوه ...بس مايبي يجلس تحت مذلة أحد قرب وأخذ الغلاية وحط مويه ...وشغلها وباله بعيد ...تنهد بضيق ...وسوى له كوب شاي بسرعك منيف وقف وقال : حلفت أخذه عنك
سكت وطنشه وخلاه يأخذه عنه ومشى بصعوبه وجلس رفع حاجب يوم قال منيف وهو يناوله الكوب : ياخي كان حسبت لي بكوب على الأقل يكون اجره لتمشورك فيني ومقلق نومي ومنغص على حياتي حتى أم العيال بدت تغار منك ونتهاوش بسبتك

مصعب بسخرية رفع الكوب وأخذ رشفه : أجل سلم لنا على أم العيال وتعذر لنا منها

منيف رفع يده وهو يهدد :والله ثاني مره تجيب سيرة أم العيال ذبحتك لا يغرك جسمي وقصري والله لا عصبت مافي حد يردني

مصعب حط الكوب قدامه وبخفه مسكه بياقة بلوزته وقربه منه : صراحه بطل وينخاف منك

منيف وهو يحاول يفك عمره وبضحكه :الله يقلع
أم العيال وسيرتها

مصعب فكه وهو يضحك :المسكينه انسبت وهي بعلم الغيب باقي

منيف بصرخه : أنت السببب كله منك لازم اصارحها عشان تسامحني

مصعب يحس لو يجلس شوي معاه زيادة بينلحس عقله منه صرخ بقهر : وينها فيه عشان تسامحك
الله يأخذك انا ناقص جنون

منيف وهو ماسك ضحكته مد يده بخفه وأخذ كوب الشاي وقف وقال بتحدي : اتحداك تقدر تأخذه
مصعب قفل عيونه وهو يقول : اللهم طولك ياروح والله لو ماترجع الكوب مكانه وتتقلع من المكان كله مايصير لك خير