فصليتي (بغداديه) ....... جنت نايمه واسمع امي تصيح عليه سهى بنتي كومي الساعه6:30 راح يجي ابو الخط كعدي سهى .. اي اي كعدت . بقيت بفراشي ومفتحه عيني وانتضر امي تنزل حته ارجع اكمل نومتي وبس طلعت رجعت نمت وبعد ربع ساعه اجتي عليه الام ....ولج سهى كومي عاد سهى ..... اي كعدت كعدت صباح الخير الام ... صباح النور يله كومي كمت من السرير وبست امي وكتلها الله لايحرمني منج يلغاليه اسفه لان تعبتج ابصعود ونزول الدرج الام ... ولامنج يابعد عمري يله بعد لاترجعين تنامين رحت اتمشى بأتجاه الحمام الي بغرفتي وغسلت وجهي وفرشت اسناني وطلعت ابدل لبست تنوره سوده قصيره وبيها شيالات وقميص وردي نازك وشعري كاويته من البارحه وهوه من الاساس سرح بس مشطته سويت بي فيكه وحذاء اسود كعب وصبغت اضافري وردي وحطيت مكياج نازك وردي واخذت جزدان اسود ونزلت من الدرج ورحت كلت صباح الخير الكل ..صباح النور الاب ...هله ابنتي الحلوه شلونج سهى ..... تقدمت خطوات وبست بابا من خده وكتله شلونك حبيبي الاب ... بخير مادام انتي بخير الام.... ها تره اني هنا رحت عليها وكتلها انتي هم حبيبتي وشمعت البيت وانتي الغاليه فديتج يا وردة حياتي محمد.... ها ولج هاي شنو اليوم طالعه اميره سهى... لعد شعبالك اني من الاساس اميره محمد ...اها بده الغرور مالج سهى ... مغروره ومعذوره 😜 الاب ...طبعا الي عنده هيج جمال حقهاتنغر محمد...... اي يابه انته ابقه دافعلها الاب .... معليكم هاي بننتي وادافعلها سهاوي سهى ..... اي عفيه بابا دافعلي لان محمد هواي يزعجني (وعيبت على محمد ) محمد .... بعد شكبرج تصيرين وتضلين تصرفين هاي التصرفات شوفه يابه جاي تعب عليه اسف لان كلت طالعه اميره قصدي طالعه عبااك صخله سهى ....بابااااا شوفه لمحمد يكلي صخله الام ...يله كافي تعالو تريكو محمد... كافي لو كيمر( كاهي لوكيمر )ههههه سهى ... ههه بايخه سهى ....كعدت اكلت وبعدين اجه الخط وسلمت على اهلي وطلعت رحت صعدت وسلمت ووصلت للكليه طبيت واني شايله المبايل وامشي وبكل ثقه ورافعه راسي و صوت الكعب يرن باذني ومامهتمه لاي واحد طبيت لاول محاضره وخلصت وطلعت كعدت ويه لكروب سهى ....مرحبا رند ... هلو سهاوى شلونج شنو سهى .... الحمد لله بخير رند.... راح اشتاقلج كومه لان هاي اخر سنه النه سهى .... يله عاد لتسوين درامه قابل راح نكطع كعدنه ويه الكروب انسولف ونضحك (((((((((( ....اسمي سهى احنه عائلتنه متكونه من اني وامي وابويه واخويه محمد واختي زينه بس متزوجه وعدها ثنين ولد وهيه محاميه .مواصفاتي بيضه وعيوني كبار وشعري بني على شقار يوصل جوه خصري
جسمي امرتب ورشيقه وطولي متوسط يعني 162 تقريبا احنه حالتنه الماديه ممتازه واني المدلله عند اهلي عندي سياره واخويه هم عنده بس بابا مايقبل اروح بيها لجامعه شخصيتي قويه ومااهتز وجريئه ولساني طويل ومااخاف واهلي منطيني الحريه التامه في التصرف لان واثقين من عندي كل طموحي انو اصير طبيبع وبس لان هذا حلمي من الطفوله اني متحرره بس بحدود اني اداوم كليه طب وهاي السنه الاخيره وهاي لايام الاخيره وبعدها تبدي الامتحانات واتخرج اني من المتفوقات بالكليه وبنسبه لشغل فمااشتغل لان ما عندي وقت واصلا امي تنظف البيت وكل اسبوع تجي خدامه تنظفه يعني ماكو داعي اتعلم الشغل ))))))))))))))) .... عفت الكروب وطلعت اتمشى بالكليه لان اني انسانه احب الهدوء والطبيعه والخضار طبعا اتعرض لهواي مضايقات ومو بس اني وهواي بنات وهاي الضاهره منتشره عند الشباب واتمنه تختفي من الكون 3 جنت امشي وكلي غرور وفجئه لاحظت اكو اثنين شباب جاي يمشون ورايه مااهتميت بس اشو زودوها وكامو يذبون حجي فرحت ركض يم رند صديقتي 22 لان اني طبعي مااسكت على اليتجاوز وياي بس مااعرف ليش خفت منهم حسيت الشر يطله من عيونهم كعدت وشافتني رند كالت ولج هاي شبيج مخطوف لونج كتلها ماكو شي كملت المحاضرات ورجعت للبيت طبيت ....... سهى ...الله شنو هاي الروائح الجميله شكلها اليوم دولمه غدانه الام ... اي والله اليوم ابوج مشتهيها وكلت هم سهاوي تحبها حيل فسويتها حامضه سهى... فددووه شكد احبج نطيني بوسه دخل للمطبخ محمد محمد... اكلج اشو انتي اطبين وطلعين تبوسين بامي وابويه سهى ... وانته شعليك امي وابويه واني حره بيهم وهاي عناد بيك راح ابوسها مره الخ الام ... اشو انتو راجعين اصغار وتتعاركون حسام ... اي لعد اني شعندي غير سهى اتعارك وياها اجه وضرب علا ضهري حيل بايده سهى... اوووي ماما شوفي يله ماما صبيلي دولمه لن بعد مااتحمل اربد افرغ طاقتي السلبيه بالاكل الام .... يله امشو صيحو ابوكم حته ناكل سهى .... اوك اكلنه وكملنه ورحت نمت وبعدين كعدت ادرس ثاني يوم رحت وهم لحكوني نفس الشباب استمر هدا المنوال لمده اسبوع اخر شي كلت لازم اوقفهم عند حدهم سهى ... اوكفت ونداريت عليهم انتو شكد ماتستحون شعدكم لاحكيني استحو ار مجادله بيني وبينهم ضحكت بداخلي هذا من كل عقله يحجي وين احنه كاعدين كتله شنو قصدك لاعبالك ساكته عليكم ترى والله هسه افضحكم بالجامعه وراح اشتكي عليكم يم العميد لزمني واحد من ايدي وكال جربي وشوفي هنا اني ضربته راشدي بكل مااوتيت من قوه بحيث طبعت اصابعي على خده وكتله اذا حجيت كلمه اصرخ صوت الكليه كلها تسمعه لاعبالك تايها يا عديم الحيا هوه هنا شاط غضب وعافني وراح لان خاف من تهديدي لان الناس انتبهت علينه اووف معقوله هيج شكولات تلفيها الجامعه مااعرف ليش انتابني شعور بانو ابجي بس اتمالكت نفسي وصعدت العصبيه فول كلت اروح اشتري من الكفتريا بطل مي واروح اشتكي عليهم يم العميد بديت امشي سريع وكلي غضب ومدنكه على المبايل اتصل بابو الخط حته يجي اشتريت مي وفتحته وامشي وهذا الكعب مايساعد على المشي وهذا كله واني ماشاربه مي ولا واكفه هناك وماشوف غير اصتدمت بولد ونسكب المي كله عليه واتمرغل بالكاع والكعب انكسر بس ربج ستر وجنت لابسه بنطرون كابوي وقميص احمر الا جان انفضحت واني ماصدكت وكعد وطلعت حر كلبي كله وكمت ابجي وملابسي اتوسخت وكلها تصيح الله الله واني من الفشله بقيت كاعده بمكاني وابجي وفجا انمدت ايد عليه وكومني باوعت وابجي هذا نفس الولد الي صدمته وهوه هم ملابسه عليها مي بس قليل وحته هوه ماوكع بس اني بسبب الكعب والسرعه الزايده وهذا كله واني لساتني عصبيه( لان اختكم اسم الله عليكم اذا انزعجت تبقه يوم كامل مزعوجه ههه ) كتله اسفه وهسه وخر وخليني اروح اشتكي للعميد حجيتها واني انزع الحذاء لان الكعب مكسور حملته بيدي كال اوكفي اوكفي ياعميد تره انتي الي دعمتيني مو اني حته تروحين تشتكين كتله ادري واني اصلا مو عليك راح اشتكي واسفه مره الخ حاول ايوقفني بس عفته ومشيت رحت امشي حافيه ورجلي طالعه واحس الكل ايباوعلي نفضت هدومي وعدلت شعري ورحت للعميد وقدمت شكوى عليهم 1 هو كال هاي مو اول مره يشتكى عليهم وراح يفصلهم فرحت بهدا الانجاز وهدات شويه وكعدت بالحديقه واني شايله الكعب بيدي ولج اخ سهى تالي عمرج اتصيرين مضحكه للكليه كل ساعه اتذذكر الموقف وضحك ما ادري ليش هههه طلعت عبالك صخله على كولت محمد ونطحت الولد وخليت المي ينسكب عليهة هههه اباوع ياهوه اليجي يباوع عليه مستغربين لان نازعه الكعب وشكلي مكركب اتصل عليه ابو الخط وكلي اني اباب الجامعه رحت اتمشى ولكاع حاره وتصمطت رحت صعدت ووصلت للبيت راسا طبيت اسبحت وكعدت اجلف ابرجلي لان صارت كلها وصخ طلعت ولبست اتراكسود وكعدنه على الغده وحجيت لاهلي كل الي صار وبابا عاتبني 2 لان ماحجيتله من البدابه ومحمد كلب الدنيه وكال باجر اروح عليهم وثاني يوم راح محمد وتعارك وياهم وكتلهم كتله من هاي ازينه 1 مرت لايام واني كعدت اقره وبدتلامتحانات ومتحنت ومجاوبه بكل المواد بس لاحظت انو هذا الشاب الي اصتدمت بي جان يوميه يوكف من بعيد ويراقبني اني كلش انزعجت بس كلت يله اهم شي انو مايعترض طريقي سوو حفلت تخرج واني بيومها لبست فستان وردي طويل وبي ورد من فوك وسويت تسريحه ومكياج صعدت وقريت شعر وستمر اليوم عادي
يتبع
#Nosha
بنات عفيه علقو وصوتو حتى اكمل القصه
