بعد فتره نستلم النتيجه وبيوم استلام انتيجه كل كاعده طلعت من الاوائل وبذراعي وكلبناها مناحه اني وصديقاتي رند... ولج سهاوي شلون راح اكدر افاركج سهى ... ولج لاتبجين هسه تسيح الكحله ويبين الوجه الحقيقي هههههه رند.... ههههه هسه وكت تحشيش سهى.... ولله مراح اكطع وياكم ولعيونكم الاسبوع الجاي عازمتكم على عشه بالمول شكلتو 7 كالو كلنه راح نجي انشاء الله سهى .... يله بنات اني راح اخبر امي بانو نجحت واخيرا تخرجت وصرت طبيبه وبيدي الشهاده سهى ..... ماما باركيلي تخرجت الام .... كلللللبيش الف مبروك مثل متوقعنه يوم الي اشوفج بالدكتوراء انشاء الله يله تعالي لمطعم (......) عازمتج سهى .... اوك سلمت على البنات وتوجهت للبيت لان جان عندي نسخه من المفتاح وطبيت سبحت ولبست بنطرون كابوي وبدي ابيض مرسوم عليه وجه ضاحك وحطيت مكياج هادئ وسويت شعري كرون ههه ولفينه مثل الكبايه وطلعت خصل من كدام وصعدت بسيارتي ورحت للمطعم ولكيت كل اقاربنه هناك واختي وجهالها وزوجها . واهلي عازميهم بمناسبت تخرجي وجايبين كيكه عليها صورتي اني وبزي الطبيبه وكلش فرحت وتونست .... وبعد فتره رحنه اني وصديقاتي للمول ورجعنه ومرت الايام ولاشهر وبعدها طبقت سنتين وما صارت بهاي السنتين احداث جديره بالذكر ورها خلصت وصرت دكتوره عن حق وحقيق وبابا بنالي عياده وجهزناها بكل شي وبقه بس اشتغل بيها واول يوم اشتغلت لبست بنطرون ابيض عريض وقميص زيتوني دخلت اشويه منه بالبنطلون وجزدان زيتوني وحذاء كعب زيتوني واصريت انو اروح لصالون واخصل وشعري ظفرته صفح وطلعت خصل من شعري وحطيت مكياج ناعم وهادئ وليست عدسات خضر عبالك عيوني الحقيقيه امي ظلت تقره المعوذات بستها وطلعت بسيارتي لعياده وهيه جان موقعها بالسوك نزلت وكلي ثقه وحماس فتحت العياده وبديت ارتب بعض الاشياء وشغلت التلفزيون على قران وكعدت اتصفح بالتلفون وطك صور ونشرت صورة العياده على الفيس بوك وكتبت اول يوم الي في العياده وبعدين كعدت اخابر رند واحجي وياها سديت الخط وكمت وكفت اباب العياده واباوع الناس تروح وتجي وراسمه ابتسامه على وجهي وكلت اول زبون راح يجي راح اسويله تنزيلات ضليت كاعد بالساعه ومحد اجه صارت دنيه ظهر وجعت بس بقيت كاعده اخاف اطلع لحد ماصار العصر وكمت قفلت العياده قفل مؤقت وصيت ابو المحل المجاور ويخلي عينه على المحل اخذت جزداني وطلعت ورحت على مطعم قريب على العياده وكعدت بالمطعم اكل وبعدين اخذت رقم المطعم حته كل مااجوع اطلب اكل طلعت ورحت لعياده وكعدت مرت نص ساعه واجه زبون . اووه واخيرا اجه شخص كمت على حيلي وبتسمت ابتسامه عريضه سلم ورديت علي وكالي شنو مرضه ونطيته الوصفه وراح وتشكر مني وطلع كملت اليوم عادي ومر عليه محمد سئلني اذا محتاجه شي وراح صار المغرب وعزل السوك واني هم عزلت العياده و رجعت للبيت استقبلتني امي وكعدت اسولفلها شنو صار بيومي جنت فرحانه وحسيت براحه نفسيه بانو حققت حلمي وكتفيت من الدنيه وحسيت انو بعد مااريد من الحياة شي صار اليل و كعدنه نتعشه سهى ... اكول شنو رائيكم نطلع نتونس محمد.... يعني انتي ماتشبعين دياحه دكافي ركدي الام ..... والله مشتاقه ازور صارلي هواي ما رايحه للامام الكاظم الاب .... يله اذا ما عدكم شي انروح هسه سهى .... لاماعدنه بس امشونه خلي نطلع محمد.... ولج اخ منج ماتكدر تكعد يوم واحد بالبيت الاب .... باعي سهى بنتي اطلعين لابسه عبايه فتهمتي سهى... اي بابه اكيد راح البس بابا على الرغم من انو منطيني الحريه بس من انروح زيارات لازم اطلع من البيت لابسه عبايه ومن اكمل زياره عود يحقلي انزعها سهى ....كمت من العشه ورحت ابدل الام .... وين تونه صبينه الاكل محمد.... عمي يااكل بعد بيها طلعه احسبو حساب عشه الها واني ادري راح اتخسرنه كعدت مطعم سهة ....رحت للكنتور فتحته وكمت اختار شنو البس طلعت ستره نيليه مقلمه بابيض ولبست البنطرون واستره لونه نيلي وبدي ابيض وطلعت سيت حذاد كعب ابيض ونيلي وجزدان بسيط على شكل فيونكه ابيض وسرحت شعري وسويت بي فيكه من ورى كملت انوماحطيت مكياج لان بابا مقبل اخذت جنطه وحطيت بيها شوية مكياج وكلت من اطب احطها بالامانات لان ميقبلون كملت لفيت شالي ولبست العبايه طلعت لكيتهم كلهم امكملين كتلهم ها شلوني مو اخبل الاب ... اي والله تجنين ولو تلبسيها على دوم احسن سهى ... لا بابا من اقتنع عود افكر البسها الام .... بكيفج احنه ما نجبرج على شي وانتي تتحملين عواقب قراراتج سهى ..... اي عادي اتحمل سهى .... طلعنه وبعدين وصلنه نزلت اني طبيت زرت وحسيت بهدوء وسكينه دخلت كلبي غمضت عيني واخذت نفس عميق من الحضره شميت عطر طيب ماموجود بس بالحضره ارتاحييت وزرت وندعين ،،،،،،،،،،، وطلعت اخذت الجنطه من الامانات وكلت الهم امشونه للمول ا بسرعه لان محتاجه كم شغله اريد اشتريها صعدت يالسياره ونزعت العبايه ومشطت شعري بين ماوصلنه رحت ابوجهي للحمامات وكلت الهم نتلاكه بعد ساعه بالطابق الثاني يم الدرج المتحرك لان الكل يعرف بانو اني من اريد اسوك احب اكون وحدي او ويه شخص يتحملني دخلت للحمامات وكعدت احط مكياج حطيت مكياج خفيف ونازك اخذت جزداني وطلعت من الحمامات كمت امشي بكل ثقه وخطوات رزنه وثكيله ومامنتبها على احد واتصفح بالمبايل هناك وسمعت احد يصيح سهاوي اي اني اعرف هذا الصوت صوت رند انداريت وشفتها كاعده على ميز الطعام هيه واخوها يابه شلون صدفه خرب اجيت عليها واضحك كلتلها ايا ملعونه انتي هنا وماكلتيلي رند....وعليكم السلام والرحمه هنا ضحكت وكلت السلام عليكم ردو رند.... ولج انتي موكلتيلي اني راح ازور شعندج سهى..... اي مو زرت وكملت وقنعتهم يمرون على المول ونتي ليش ماحجيتيلي وكتيلي اني هنا هيه هاي الصداقه رند .... اوكفي تره اني غرت من كلتي راح اطلع وكلت لامجد يطلعنه وبعد توسل واقناع كال امشو نروح للمول سهى ... يله كافي عتاب ومشينه خلي نعمل شوبنك لان محتاجه كومه اشياء رند .... يله لعد عن اذنك امجد اني رايحه امجد ..... وين تروحين كعدي استريحي سهى .... اكول امجد صديقتي واني حره بيها مشتاقتاها صالي 3 ايام ماشايفتها فلا تنغص عليه فرحتي امجد ..... ليسمعج يكول 3 سنين مو3 ايام هههه رند ..... الله يخليك امجد والله ساعه واجي امجد .... اوك سهى..... باي تلكانه بعد ساعه بالطابق الثاني يم الدرج مشينه وشتريت النواقص والاشياء الي احتاجها واخذت كم قطعة ملابس عجبتني كملت ورحنه حته نصعد لان جنت بالطابق الاول والمصعد متروس وعليه ازدحام فطرينه نستخدم الدرج للمتحرك واني اخاف منه وبالكوه قنعتني رند رند قبلي صعدت واني ضليت حاطه رجلي على اول درجه ومن خوفي ضليت حاطه بس رجل وحده ودرج يمشي ما اشوف غير وكعت ليوره اسمع اناس الي تضحك ولي تصيح الله ولي يكول ثول بنطروني نسلت من جوه وبقيت مصدومه ولبنطرون نصه مسلوت وصرت فرجه لكل المول وهذا الموقف طول عمري ماراح انسا حسيت نفسي بمسلسل كومتني بنيه ولميت غراضي ورحت للحمامات طلعت بنطرون ولبسته ضليت واكفه يم المصعد لحد ما صار مجال وصعدت لطابق الثاني ورحت على اهلي هاي رند العوبه بس ادور عليه الكل اتفاجه من شافوني مبدله وحجيتلهم القصه كلها محمد .... ولله يا اختي طلعتي عايشه فلم هندي واني ماادري سهى .... والله لو يصيغون الطابق الاول بعد من ذهب هم ما اروحله واتمشه بي بعد صرت مضحكه وكله بسبب رند رند...واني شعليه كله منج انتي ثوله سهى .... يله عاد امشونه خلي ناكل لان بعد مااتحمل رند..... اكو وحده اسوي سوايتج وبعدين تكول خلي ناكل ام بطن محمد .... هااا شكلت يابه مو راح تخسركم كعدت مطعم سهى .... اهوووو😡 بطلت ماريد الام .... لايمه معليج بيهم ايغارون منج محمد.... لا والله وعلوش نغار سهى .... كافي عاد يله خلي ناكل كعدنه بمطعم واكلنه ورجعنه للبيت واني راسا نمت بدون حته ماابدل كعدت رحت لعياده وستمرت حياتي لعدت شهور هيج وعلى هذا المنوال الى ان قرر اخويه محمد يتزوج ولي هوه احله يوم بحياتي .......... محمد.... يمه عندي موضوع وياج الام .... اي وليدي كول محمد ... يمه اريد اخطب الام .... اي يوم الامبارك واشوفك عريس من باجر ابدي ادورلك على عروس محمد .... لا يمه اكو وحده ابالي الام .... اها كول من البدايه وفضنه بيها الخير اكول لابوك ونسئل على اهل البنيه والله كريم محمد .... اي يمه ماشي .......... بعد مرور اسبوع سهى ... جنت كاعدع بالمطبخ ودخلت عليه امي الام .... سهاوي حبيبتي كومي حضري روحج دنروح نخطب لاخوج سهى ..... ماما صدك تحجين لو جاي تشاقين الام ..... لا والله صدك كومي تحضري وبعدين اني احجيلج السالفه سهى .... اوك ..... رحت لغرفتي وگعدت آدگ وآرگصـ هله هله وآخيرآ محمد حيزوج گلللووشـش وفتحت الكنتور وطشرت الهدوم طلعت تنوره سوده قصيره وقميص تفاحي ولبست وفوكاها مثل الستره بدون ردان سوده وكالون اسود شفاف وحذاء كعب تفاحي وجزدان تفاحي وسويت شعري كعكه ولميته كله وحطيت مكياج ناعم طلعت وشفت اخويه وماما واختي وخالتي كاهم جايين سلمت وطلعنه رحنه بسيارت محمد وخالتي مها طايره بيه طيور وكل ساعه دكلي كبرانه وحليانه و ليش لسه مامتزوجه شنو رايج ازوجج ابني حيدر واني طلعت روحي ياله وصلنه طبينه للبيت جبير كلش شكله مرتب ومبين حالتهم الماديه ممتازه
يتبع
