بدينه نجهز اني وامي وبسرعه بسرعه علمود نلحك وما اعرف شلون خلصت 3اسابيع بهل سرعه وما شفت مروان غير بس مره وحده قبل الحنه بيوم رحت لمركز تجميل سويت تنضيف وصبخت شعري وزرعت رموش ورجعت بيوم الحنه لبست بدله حمره
وسويت تسريحه ومكياج وسوينه الحنه ابيتنه والبنات كلها تركص واني كوه متحمله ما اهز جتف رحت صحت رند وزينه وكتلهم كوموني واني بديت امثل واكوللهم لالا ما اريد استحي وهمه خربانات ضحك عليه كمت ركصت وبرد كلبي ههه وبعدين اجه مروان حناني نكلبت ادنيه بالهلاهل وبعدها راح ويمكن بدلت ٥ مرات وبعد ما خفت الناس كنت ركصت وهلهلت وخربانه ضحك ونست روحي والكل يايه يركص علواهس واني لو بيدي انزع البدله والبس دشداشه بس غير عيب من كرايب مروان ثاني يوم كعدنه من الصبح اني اخذت البدله ورحت لصالون اني ورند وزينه وخالتي كعدت ام الصالون حطتلي مكياج ورفعتلي شعري وحطتلي تاج لبست بدلهوحطتلي الطرحه وبعدها رجعنه جانت الساعه ١ ضلينه نركص ونضحك و وصارت الساعه ٣ واجه عليه مروان واخذني ورحنه للقاعه جانت مكلوبه الامه كلب جنه جايبين مطرب وشعل الجو شعل اني جنت لابسه بركع ومروان كلساع ايكلي طالع شعرج ويكعد يعدل بي خبلني بحيث اله شويه واذب البركع واكله ها هسه طالع شعري وراها كالو راح نزفكم واول ما صعدنه لسياره بدو يرمون واني تخبلت 3 وكمت اكله لصكر امشي بسرعه حته ما اسمع سديت اذني من الخوف ومروان بس يضحك عليه بعدها زفونه الفندق ابغداد لان الطريق طويل منا لناصريه وبقينه بي اسبوع وراها سوينه سبعه ابيت اهلي ومن بعدها رحنه لايران واهاي جانت اول مره ازورها وجانت تخبل ورحنه زرنه امام ارضا وبقينه ابأيران ١٠ ايام وما خليت مكان ما رحتله وراها ورجعته رحت ودعت اهلي وتوجهنا لناصريه اول ما وصلنه استقبلونه بالطلق والذبايح واني محتميه ابمروان وساده اذني بس الحمد لله ما اغمه عليه يمكن تعودت بس الخوف ياكلني اكل طبينه البيت الشيخ علي ورحنه سلمنه وجانو امسوين حفله صغيره بمناسبت زواجي بس ابد ما شفت نضال والشيخه الكل سلمنه هدايه بمناسبت زواجنه ومن ردت اطلع اجت اشيخه وعتذرت مني ونطتني بطانيه واني سامحتها وكلت بلكي ولعل الله يهديها رحت لبيتي الي صاير كبال بيت الشيخجان بيت جبير ومجهز ابجميع الاثاث وكلش حلو اني لزمت الفرشات والبطانيات كلها ضميتها بالمخزن لان جانو هواي والمخزن فارغ وحطيتها بي عشنه اني والشيخ مروان شهر بسعاده بحيث جنت اكول شنو مسويه بحياتي والله عوضني بمروان السعاده والفرحه الي عشتها ماتنوصف ابد ..... بعد هذا الشهر اجتي عليه نضال وطبت للبيت وعتذرت مني وعلساس ندمانه تريد اتصالحني اني سامحتها وكلت ابدي وياها ورقه جديدهجان الشيخ مروان طالع جانت شايله جنطه سوده جبيره طلبت مني انو تشوف البيت واني ضليت افر بيها بالبيت ولمن وصلت للغرفه كالتلي انو هيه تريد اسويلها ستكان جاي واجيبلها مي 1 والله اني ما جذبت خبر رحت للمطبخ واحضر جاي ما طولت ١٠ دقايق واجتي عليه للمطبخ وكالت انو اتصلو عليها ويريدوها ابيت الشيخ رحت طبيت للغرفه ووكفت كبال ميز لمرايه وشلت المشط حته امشط شعري لا حضت بانو المشط نضيف ومابي شعر لان جان بي شويه شعر كلت يجوز اني منضفته وما منتبها بعد يومين كمت احلم ابكوابيس هواي وما اعرف شنو السبب مع العلم انو اني التزمت ابصلاتي وتحجبت من اتزوجت ما اهتميت للموضوع جانت دنيه العصر كاعده بالصاله العب ابمبايلي وكاعده اشرب جاي سمعت صوت بزونه ورايه سهى ..... معقوله امين جاي يجي هذا الصوت كمت على حيلي و التفتت ورايه وشفت بزونه سوده بس اتباوعليه وكع الاستكان من ايدي ابوقتها خفت خوف ما اعرف شنو اوصف شعوري وجانت نضراتها مو طبيعيه كمن اصرخ ابعلو صوني وهيه تفتر حولي جمدت ابمكاني وغمضت عيني دخيلك ياعلي دخيلك ياعلي احضرنه كمت ابجي من كل قلبي واردد دخيلك ياعلي فتحت عيني لكيتها ماكو ضليت ادور ابكل البيت وما لكيتها وجانت البوب مزدوده امين طبت ما ادري رجع مروان وشافني مصفره وضل يسئلني اشبيج واني ما كتله على البزونه لان حسيتها ما تستحق انو احجيله بعد فتره لاحظت انو اكو دشداشه ضايعه دورت عليها بس ما لكيتها استغربت بس ما درت للموضوع بال بعد هاي الفتره زادت كوابيسي وجنت اشوف اشخاص طوال وبشعين عدهم انياب وظهرهم منحني وشكلهم يخوف ايضربوني واني انهزم ومن اكعد احس الي صار حقيقه مو حلم واتأذه من الضرب حته ابيوم الي اترك صلاتي احس لمن اريد انام اول ما اغمض عيني احس اكو شخص طويل اسود واكف فوك راسي واحس فدشي يكعد على صدري ويخنكني ومايخليني اتنفس والحاف يصير ثكيل وكوه وما اكدر اجره وبس اتعوذ وابسمل يروح هذا الشي . ابيوم جانت الساعه ٤ العصر جنت وحدي بالبيت لان الشيخ بالشغل خلصت شغل البيت وطبيت سبحت جانت اكو مرايه بالحمام جان عليها بخار مسحتها بايدي وباوعت على وجهي شفت ظل ورايه مشى سريع من يمي انداريت وشفت ماكو احد رديت باوعت بالمرايه وشفته واكف ويباوع عليه اتجمدت ابمكاني حسيت اليوم موتي نداريت مالكيته انوب طفت الكهرباء ومتت خوف حسيت اكو حركه من ورايه راسا حطيت خاولي على جسمي وطلعت شفت الكهرباء موجوده وضوه الحمام مطفي من الخوف باوعت حولي ما لكيت احد كمت ابجي من الخوف .........بعد ما طلعت من الحمام جنت خايفه حيل و احس انو اكو اشخاص ويايه بالبيت من كثر الخيالات الي اشوفها قررت بس يرجع مروان احجيله الي صار ويايه واجه وكعدت احجيله كل الي صار شيخ مروان ...... باعي سهى بخصوص الحمام يمكن طفت الكهرباء وبعدين اجتي لمن طلعتي واما بخصوص الضلال الي تشوفيها فهاي كلها من نسج خيالج وانتي لا تركين الصلاة ومن تخافين اقري المعوذات الاربعه واذا دخلتي للحمام سمي بالله قبل ماتدخلين وهذا كله يصير من قلت ايمانج سهى ....ما كدرت ارده لان حسيت كلامه كله صحيح جنت احس بالأمان من يكون الشيخ موجود واتمنه ما يتركني ابد باليل جنت نايمه وحسيت اكو طكطكه بالمطبخ درت وجهي على مروان لكيته نايم باوعت الساعه ٣ كمت على حيلي كلت خاف هاي البزونه تريد تاكل الحم دخلت للمطبخ وجان هوسه والجداري بالكاع وثلاجه مفتوحه تخبلت وجسمي برد وللحضه نسيت الي جان يصير ويايه وجنت اضنه حرامي سمعت صوت اهاه من ورايه انداريت باوعت على الزاويه شفت مريه عجوز اعيونها بيض وشعرها اشيب واضافرها طوال حيل وكاعده تاكل بيها وتضحك ابقهقها شكد ما اوصف ما راح احد يعرف كميت الخوف الي عشته تخيلو نفسكم مكاني سهى .... ببسم بسم الله الرحمن الرحيم كمت اصرخ وابجي واصيح على مروان شيخ مروان ...... هاي شكو سهى جا شصاير هنا سهى .... كعدت بالكاع واصرخ واأشر على المريه الي كاعده بالزاويهشيخ مروان....... هاي شبيج سهى ما كو احد يم الزاويه جا شبيج تسودنتي اجه عليه وكعد يقره قران على راسي غمضت عيني وفتحت لكيتها ماكو هاي لمريه هدأت ورتاحيت ورحت نمت كعدت الصبح اشتغلت وكملت كالعاده والمغرب اجه الشيخ مروان جنت كاعده اباوع فلم بالتلفزيون وهوه اجه وكف يم الباب انداريت وشفت مروان واكف ويضحك وواكف يمه ه وكل مايتقدم الشيخ مروان هوه يقترب قبله اجه وكف كبالي وخنكني واني كمت اصرخ واضرب بهذا الشخص وكل ما اضرب تجي الضربه ابمروان اخر شي ضربني الشيخ راشدي خلاني اصحه على الي جاي اسوي شيخ مروان ..... هاي شبيج لهنا وبس انتي وضعج ابد ما عاجبني كومي توضي وتعاي كمت توضيت واجيت صلينه سوه وبعدها جاب طاسه مالمي وفتح القران وطلع سورت البقره وكلي اقريها كلها وبعدين هوه هم كعد يقره سورة البقره على المي بعد ساعتين كملنه انطاني الطاسه وكلي روحي سبحي بهذا المي سبحت بي وصدك حسيت براحه ولمن صارت الساعه ١٢ كومني حته اصلي صلات اليل ويا وتعلمتها وبوقتها نمت مرتاحه وحته ما شفت كوابيس ولا ظلال واستمريت اسوي هيج لمدت اربعين يوم اقره سورت البقره وصلاة اليل التزمت بيها وحسيتها جزء من روحي ومن ذاك اليوم ما شفت كوابيس او اي ضلال بعد فتره ربطت الاحداث ابعضها وعرفت انو الي جان صاير ويايه هوه سحر بحثت هواي بالنت وعرفت بانو السحر بي طرق هواي وحته يصير يالشعر والملابساول ما عرفت ضربت على صدري عزاا اكيد هاي نضال لو الشيخه بس عالاغلب نضال سوته لان هيه جتني مره ومن بعدها بدت هاي الامور وربطت كل الاحداث ابعضها من الشعر الي بالمشط والدشداسه الضايعه وصلح نضال المفاجئ اليه بس ما جان عندي دليل عليها ولا حته شايفتها وهيه تاخذ الغراض فمن المحتمل اكون غلطانه حجيت الشهد كل الي صار وهيه نصدمت وكالت لادكولين لشيخ حته ماتصير مشاكل وبالاخص انتي ما عندج دليل عليها فخليها سكته احسن واهم شي انتي تعافيتي عوفيها عسى ولعل الله يهديها واني هم سمعت حجي شهد وسكتت لان مالي خلك مشاكل مر شهر واحنه على نفس وضعنه وكل يوم يزيد حبي لشيخ من خلال اسلوبه وتعامله وشخصيته وبعدين اجه عليه بيوم كال لازم اعدل بيناتكم لان الشيخ ما يحاجي نضال من يوم الي وكعتني من الدرج واني بوقتها كعدت ابجي واصرخ بس هوه هم زوجها بس اني ما تحملت ابقه يوم كامل وحدي وصار البيت موحش استغليت وقت فراغي باصلاة والقران وبديت اختم واما بخصوص العياده٣ مالتي بعدهم يبنون بيها مر على زواجي بالشيخ اشهر واني حياتي هادئه وسعيده واني حسيت نفسي حامل وبينت عليه اعراض الحمل حته بطني كبرانه وبيوم جنت جاي انظف وحسيت ابدوخه فضيعه وما كدرت حته اوكف على حيلي رحت مددت على الفراش واحس الحراره تطلع من جسمي اتصلت على مروان حته يجي ياخذني للمستشفى شعرت ابتعب وخمول وضليت اهذي فتحت عيني ولكيت نفسي بالمستشفى واباوع كل بيت الشيخ موجودين هنا ومروان ضحكته مرسومه على وجها سهى ..... ها مروان شكو شبيكم جتي عليه شهد وهلهلت يمه حبيبتي مبروك حامل ضحكت واجه مروان حضني والي عرفته حامل بالشهر الثاني واما نضال فجانت مايصير عدها جهال رجعت للبيت وثاني يوم عزمونه بيت الشيخ علي بمناسبت حملي اباوع على مروان الفرحه ما واسعته ولو بيده يطلع الطفل من بطني وخلي ابحضنه لان الشيخ ما جان عنده اطفال
