مرت الايام وجتي الفصليه واني ماشفتها ولا جنت طايق اشوفها اضطريت اعقد عليها واني حته ما سمعت اسمها بالعقد من النرفزه والعصبية ماتي واصلت ما جنت مهتم حته اسمعه امي بهاي الفتره راحت تعالج خارج العراق لان مريضه ومن تصير زينه ناذره تروح كبل بالعمره وستلمت البيت الشيخه خابرت امي وحجيت الها بكل الي صار وضلت تبجي وتلطم ورى يومين من جيت الفصليه ابويه خابرني وكلي انو ابو الفصليه خابره وكايله انو النسوان هادين عليها ورايح ابويه وطاب عليها ولكاها بغرفتها مغمه عليها والغرفه كلها دم وموديها بالمستشفى ابصراحه انقهرت عليها مارضيت على اذيتها وطلبت اينضفون غرفتها بس ما كدرت ادافع عنها لان اكو فد حزه ابداخلي لان اخوها جان سبب ابموت ابني بس الي حيرني ابوها شلون عرف كاتليها النسوان ظلت بس افكر ............ سهى..... رجعت للبيت ولكيت الغرفه منظفه وغاسليها ومغيرين الشرشف مال جربايه اظاهر ضميرهم امأنبهم لو ادري من البدايه مجروحه حته ينظفون الغرفه رحت صعدت لغرفتي اعرج امشي جني بطريق طبيت سبحت ولبست دشداشه قصيره سوده مع العلم انو جان شته بس مااكدر انام ابملابس شتائيه احس روحي اختنك كعدت على ميز المرايه امشط وابجي وندب حظي بقيت شعري مفلول ورحت ضمدت الجرح وطبعا همه لحد الان مايعرفون اني دكتوره مددت على الجربايه وخابرت رند وكعدت ابجي واشكيلها غلقت الخط وتلفلفت بلحافي بس حسيت كلبي مقبوض ومامرتاحه . وجسمي كله يوجعني من التعب وقتت مبايلي الساعه 4 ويه اذان الفجر وونمت واني مخنوكه وخايفه مااحس الا فزيت على صياح احد من كثر الم جسمي ماكدرت افتح عيني وتصورت هاي الشيخه جايه حته اتكعدني بس اصحيت على صوت رجال ايصيح ...... شيخ مروان ..... شكيت بيها عدها مبايل وبعد مارجعت للبيت اتوجهت نحو غرفتها وجانت ضلمه شعلت الضوه وضليت اصيح عليها ماكدرت اضربها لان كلت مجروحه هيه كعدت وضلت صافنه ومامستوعبه الي دايصير شيخ مروان ..... كومي انطيني مبايلج لاهسه ايصير موتج على ايدي كاعده تخابرين من ورى ظهرنا وتشكين لاهلج كوميسهةث ...... انرعبت من شكله وهوه جاي يصيح عليه فكرت اذا نطيته مبايلي الجبير امين راح احاجي اهلي اتذكرت انو اني بالجنطه عندي مبايل ثاني جنت امخصصته لعياده جانو المرضى يخابروني منه لان جنت اتراسل من خلاله معه المرضى انوب ضليت صافنه ورد ضربني ووصلت الدمعه لطارف عيني ومابجيت جنت كلش خايفه منه كمت على حيلي وطلعته من الجنطه وجان مغلق لان من اجيت ليهسا مافاتحته انطيتها وهوه يباوعلي وعيونه تجدح نار من الغضب ضليت ابجي واصرخ شلون هيج صار بيه وتغيرت احوالي اني الي الكل جان يدلعني سهاوي وهسه الكل يصيحلي يلفصليه واني الي جنت مااكل الامن ارقى المطاعم وهسه اكل مخلفات اكلهم لو اصلآ مااكل اني الي جنت مااكدر اذا مااطلع واتونس يوميه وهسه حابسيني بهالبيت اني سهى الي مدلله ولي بعمرها مامضروبه او احد غالط عليها هسه صرت دوشك مالكتل اني الي ما اشتغل ومااعرف حته اطبخ هسه صرت خدامه بهذا البيت ... كمت اصرخ وابجي ليش ليش هيج يصير بيه ربي رحمتك باوع الي ترى والله مااتحمل كل هذا 2 طلعو الدلال من عيوني ربي ساعدني ساعدني كمت اصرخ واضرب على رجلي بعدين هدأت شويه وكمت على حيلي رحت غسلت وجهي وتوضيت وكمت اقره قران واستغفر ربي ادري ذنوبي هواي بس والله اني ابعمري مامأذيه احد حته يتسلط عليه اشخاص ظالمين مثلهم كمت اقرى قران واني صوتي كلش حلو من اتلو القران كملت وصليت وضليت ادعي خلصت لا سهى مو انتي الي تنهزمين هذا اختبار من الله ولازم اجتازه ومثل ماهمه يعذبوني ويتقصدون ايجوعوني اني هم راح انتقم بس ابطريقتي الخاصه رجعت نمت وكالعاده كعدت على صوت الشيخه جانت شايله عوده وجتي ضربتني بيها على مكان الجرح مالرجلي ضليت لازمه رجلي واتلوه من الالم وابجي بدون صوت الشيخه..... يله يلمخمخمه كومي الساعه 6 وانتي ماكاعده كومي سهى ..... هزيت ابراسي وكتلها هياتني جايه كمت غسلت واباوع على عيوني مورمه من البجي رحت لبست اتراكسود اسود شتائي وسويت شعري ضفيره بأهمال وحطيتها صفح على جتفي وكعدت احط خافي عيوب حته اخفي اثار الضرب والطعن مال عيني وطلعت نزلت على كيف واعرج واتألم فجأ حسيت واحد دفعني من الدرج ووكعت وضليت ادعبل على الدرج حسيت بالم بايدي ورجلي اليسار وكمت اصرخ ابعلو صوتي وابجي بحيث حته الجهال كعدو التمو كل البيت على راسي وبعدين نزلت الشيخه وكعدت ادكول .. يا هاي شلون وكعتي يمكن لان رجلج ملفوفه ووكعتي عرفت انو الشيخه هيه الي وكعتني كل مااحد حاول يقترب حته يشيلني اصرخ من الم ايدي ورجلي اظريت انو رجلي وايدي نكسرت .. ضلو حايرين بيه كمت ابجي واصيح ولج يمه تعالي شوفي بنتج وين صفه بيها الدهر ولك يابه تعال شوف مو انته الي ماتخلي احد يأذيني تعال شوف شلون الوحوش اكلتني محمد خويه ليش هيج سويت ليش وخليت اختك هنا بين الرجلين ياربيييي شوف حالي شوف حالي ماجاي امكدر اتحمل حسيت اكو حراره تنزل من راسي وبعد ماادري شصار بس كمت اسمع اصوات وصريخ ........... شيخ مروان ..... بعد ماطلعت اخذت منها المبايل ورحت لغرفتي من كثر ما كنت عصبي حته ماكدرت اركز واشوف ملامحها كعدت الصبح ورحت كعدت يم ابويه اخوتي بالديوان وكالعاده وكعدنه نسولف ومنتظرين ينادوانه حته نتريك ومانسمعلك غير بس صوت صريخ رحت واشوف الفصليه امدده على الارض وكلها دم وايدها ورجلها مكسره ضلت بس تبجي وتشكي واني هنا ماعرفت شلون اتصرف من جها حسيت انو لازم اساعدها ومن جها كلت انو هاي جزاتها لان هيه اخت القاتل مرتي بس مهما يكون مااكدر اعوفها بالكاع صار تضارب بافكاري وحرت ضل الكل مصدوم ويباوعلها وماتقبل احد يقترب حته يشيلها لان تتألم اخر شي اغمه عليها ضل ابويه يصيح عليه شيخ علي .....لك بابه شيلها حته انوديها للمستشفى جا انته شنو ماتفتهم هاي مرتك شيخ مروان ..... يابه اولا هاي فصليه مو مرتي وثانيه تستاهل كل الي دايصير وياها 3 ضربني ابويه راشدي وكال قسما اذا ماشلتها هسه لتشوف شي بعمرك ما شايفه شيخ مروان ..... يابه تضربني على مود هاي الفصليه ( زاد حقدي الها وكرهي وصرت لو بيدي جان موتتها) شيخ علي.....لك بابه جا انته ماتفتهم البنيه جاي تموت واني مااكدر اشيلها ومايصير اخوتك ايشيلوها شيخ مروان ..... امري لالله جيبولها عبايه صخام خلي تحطها على راسها لبسوها عبايه ورحت شلتها وحطيتها بالسياره وابويه والشيخه وهناء ويايه رحت نزلتها من السياره ودخلوها لطوارئ ضلينه منتظرين .............سهى صحيت على نفسي امدده على السديه والممرضات ينقلون بيه دخلوني عند الدكتور وضمد راسي وبعدين لزموني 3 ممرضات وحطو وصله بحلكي هنا عرفت انو راح ايرجعون العظم المكانه ضليت ابجي واتوسل بي حته يعوفني الدكتور..... شوفي اني راح بس ارجع العظم لمكانه ومااذيج والله سهى .... لا دكتور اني ادري راح اتوجع ترى اني هم دكتوره وهواي حالات جايتني هيج الدكتور ..... اي مادام انتي دكتوره فلازم تتعاونين ويانه وماتتصرفين مثل الاطفال وماتتحركين حته اكدر اعالجج . سهى.... هزيت ابراسي ودموعي تنزل على خدي حطو الوصله بحلكي ولزموني الممرضات والدكتور لزم ايدي ورجع العظم اتوجعت وجع ابعمري مامتوجعته ابوقتها جان ابكلبي صرخه تهز العالم كله ضلت بس ادموعي تصب 1 ورد هم رجع عظم رجلي وبعدين جبسها تمددت على السديه وردت بس اغمض عيني واموت وارتاح من هاي الحياة هاي سالي 3يام وهيج كسروني لعد بالايام الجايه شنو راح ايصير ماكول غير الله ينتقم منهم طلعوني وحطوني ابغرفه وحطولي مغذي بعدين طبو عليه اني لو بيدي اضوكهم حركت كلبي بس اااخ ماعندي لاحول ولاقوه بعد ساعات طلعوني من المستشفى ورجعت لبيتهم او بالاحرى مكان تعذيبي رحت كعدوني بالصاله الي بوسط البيت جوي بس احمويني اتحمدولي على السلامه والباقين ضلو بس واكفين واباوع على الشيخه الابتسامه مافاركت حلكها ضليت على لحم بطني ومن البارحه ماماكله ولو مو المغذي جان هسه اني متخربطه واني كبريائي مايسمحلي اطلب منهم شي جانت اكو دولكه مالمي يمي ضليت اصب ماي واشرب حته انسه جوعي ضليت كاعده ابمكاني وردت اروح لغرفتي حته اسبح لان وجهي كله دم بس مااكدر اصعد جنت كاعده على كرسي متحرك واني حسب خبرتي اعرف انو الكسر مالتي ماراح يطيب منا لشهر طلعت الجده من الغرفه واجتي يمي وكعدت تسولف حسيت هيه الوحيده بهذا البيت تفهمني
يتبع
