كتلها حجيه الله يخليج كليلهم ينزلون غرفتي جوه لان مااكدر اصعد جان ادكول بعيني اني اكول للحجي واخلي البنات ينزلوها سهى.... اي عفيه حجيه هيه اصلآ بعدها هدومي بالجنط يعني بس خلي ينزلوها الجده .... اي وهسه اصيحلج اسيل حته اتسبحين جتي اسيل وساعدتني هيه جان عمرها 9 سنوات يعني ماتعرف بامور الفصل وكذا جانت كلش حبابه راحت جابتلي دشداشه سوده طويله وسبحت ولبستها كعدت هيه تمشطلي شعري لان مااكدر اسيل .... عمه انتي شعرج حلو وسرح ولونه اصفر سهى ..... ههههه شكرا حبيبتي مكدرت اتشده فطريت ابقي مفلول نزلو الجنط مالتي وحطوها بالمخزن اني هنا اتفاجئت بعدين كلت لاسيل اريد انام كالت عمه رباب ادكول راح اتنامين بالمخزن اني سكتت لان مابيه حيل احجي ومااكدر ادافع عن نفسي طببتني بيها جانت الكاع صبه ومبلله وعبالك توهم غاسليه وفارشيلي بالكاع وحاطين الجنط يمي ومابي حته تدفئه مددت على الفراش وصحت على اسيل سهى.... اسيل حبيبتي من اتصبون اكل جيبيلي ماعون ها بس لتخلين احد يشوفج اسيل ..... اي عمه ماشي مرت ساعات واني على نفس كعتي بس بعدين سمعت صوت اصياح خفت كلش واني حته مااكدر اكوم كوه ومااحس الا وطب عليه نفس الرجال الاخذ مني مبايلي هذا الرجال المتوحش .......... شيخ مروان ..... جنه كاعدين انشاهد تلفزيون ومنتظرين الغده صبو البنات اكل وجانو توهم ايريدون ايكعدون ومانسمع بس صوت كسر ماعون طبينه ولكينه اسيل كاعده تبجي وايديها مجروحه والمطبخ بي كزاز وتمن شيخ مروان ..... ولج اسيل هاي شصاير بيج وليش اتلعبين بجدر اسيل ..... خويه والله ماادري بس هاي عمه كالت جيبيلي اكل بدون محد ما يدري واني من فرغ المطبخ حاولت اصبلها اكل بس ماكدرت أوكع الماعون ونكسر (تحجي وتبجي ) شيخ مروان .... ولج ياعمه منهم كولي اسيل ..... هاي عمه الأيدها مكسوره شيخ مروان ..... شطت غضب وصحت على هناء حته تضمد الجرح طلعت من المطبخ وامشي سريع والغضب ياكلني على اي اساس اتخلي طفله صغيره تصب الها اكل جا احنه ماعدنه نسوان 1 رحت للمخزن ودفرت الباب بكل قوتي ورحت عليها وجانت نايمه على الفراش ودفرتها على بطنها وهيه صاحت و سكتت وضربتا على ايده المكسوره ورجلها وهيه متصنمه وما انطت اي رد فعلماهتميت وضليت اضرب بيها ولج انتي ابويه يضربني على مودج وطب عليه ابويه واخوتي وشافو الدم طالع من خشمها وحلكها شيخ علي ..... والك انته شبيك مخبل جا شلون تضربها هيج شيخ مروان ..... بويه عوفني خلي اضربها حته تموت واخلص منها شيخ علي ..... اسكت ولاكلمه تحجي والله اذا ضليت على هاي تصرفاتك لاخلي البنيه ترجع لهلها شيخ مروان ...... يابه متشوفها شلون دازه الطفله اتجيب الها اكل شيخ علي ..... اي اكيد اذا لبنيه كتلها الجوع شيخمروان ..... اي واني شعليه شيخ علي ..... ولك انته حته ماتستحق الشيخه اصلآ انته مو مروان القديم الي مايظلم احد ومادام انته هيج دا تصرف اني راح اسحب الشيخه وارجعا الي اذا ما تستعدل وتصرف زين شيخ مروان ..... ها يابه يعني هيج صار الحجي اخذها لعد لشيخه اني ما اريدها واما بالنسبه لهاي فهيه فصليه وجعلها تموت ونرتاح من همها طلعت من المخزن ورحت لغرفتي ......... سهى .... من دخل هذاك الرجال عليه اني متت خوف هوه رأسا جا ضربني على بطني وحسيت الدم يطلع من حلكي وراها اغمه عليه فتحت عيني ولكيت نفسي بالمستشفى ومحد ماكو يمي وبعد فتره اجه الحجي عليه وبقيت ايام بالمستشفى وحاولو الاطباء يخلوني اقدم شكوى لان متعرضه لضرب بس اني ما اكدر اقدم لان اذا قدمت شكوى يعني راح يموت محمد رجعت للبيت بعد هاي الايام القضيتها بالمستشفى باليل من نام الكل خابرت رنظ وكعدت احجيلها الصار سديت الخط وضليت كاعده على الكرسي جنت اريد اروح للحمام اخذت العصا الي استند عليها كمت امشي على كيف جانت الدنيه ضلمه وما اكدر اشوف شي رحت للحمام ورجعت جنت امشي ومااشوف من الظلام اصتدمت بالميز الي بالصاله ووكعت بالكاع كامت رجلي تموتني من الالم ضليت ابجي وكعدت حاولت اكوم بس ماكدرت لان اني مااكدر اكوم اذا مو احد يكومني ضليت كاعده وابجي بصمت واحاول اكوم بس ما اكدر يارب دخيلك عيني والله ما جاي اتحمل ضليت ازحف بالصاله واحاول اكوم وما اكدر رحت سندن نفسي ونمت بالكاع يم القنفه كعدت الصبح واحس وحده تدفر بيه برجلها فتحت عيني لكيتها رباب رباب..... هي انتي جا شعندج نايمه هنا مو عندج غرفه سهى ...... وانتي شعليج رباب ..... لا وفوكاها تراددني يله كومي بسرعه سهى ..... راحت وعافتني كلت بكلبي هاي شبيها ضليت كاعده لحد مااجت اسيل كومتني رحت للغرفه مرت الاسابيع واني على نفس جوعي ومعاناتي والكتل من الشيخه اما هذاك الرجال الي يكتلني ماشفته من يوم الاي كتلني رحت فتحت الجبس مالايدي ورجلي وصعدت غراضي فوك بالغرفه وكعدت ارتب اغراضي باوعت على شكلي بالمرايه كلش تعبان وضعفانه جتي فكره على راسي ...... ........... فكرت ابخطه بحيث اخليهم يتعلقون بيه حته اتجنب الضرب منهم وبنفس الوقت كوم اكدر اطلع واوكف بالحديقه لان اختنكت بالغرفه حديقتهم كلش جبيره كلش ومحاوطه البيت من جميع الجهات وبالوسط طرمه جبيره المهم كعدت ارتب ابغرفتي بعدين طبيت سبحت وبدلت وخابرت على ماما حته تدزلي رصيد لان ماعندي وكل مايخلص ادزلي كنكت على الرصيد وكعدت اباوع فديوهات مالطبخ وبديت اكتب بالورقه لان مااكدى اطلع المبايل كدامهم جنت حيل حذره وياهم حته ميكشفوني انو اني عندي مبايل تعلمت شلون اسوي كيك وشوربه حته اكوم اسوي النفسي لان كاتلني الجوع هنا جانت تقريبا الساعه 4 العصر جنت لابسه دشداشه ورديه طويله لان اني بعد ما خلصت اربعين المرحومه نزعته وطبعا صارت مشاكل بسبب هاي الشغله بس الحجي وكف وياي... اجانه خبر بان مرت الحجي الاولى راح ترجع من العمره باجر وهيه بالبدايه جانت امسافره حته تعالج وبعدين مناك رايحه للعمره واني صراحه فرحت لان كلت هاي ماراح تظلمني لان راح تجي من العمره المهم بديت احاول اقوي علاقتي بالبنات حته اكسبهم لصالحي
يتبع
