كالتلي انتي شنو اسمج كتلها سهى الشيخه ..... شوفي لج اني الشيخه واني الامره والناهيه بهذا البيت افتهمتي وچلمتي هيه المسموعه وديري بالج تعلين صوتج بهذه البيت او جدام احد من افراده فهمتي سهى .... اي عمه افتهمت ضليت واكفه بمكاني والكل صافن عليه وعلى شكلي الشيخه ..... شوفي ولج انتي شنو هذا لبسج انتي ماتستحين وبعدين جا ليش مامغطيه شعرج احنه هنا زلمنه اطب وتطلع يعني الحجاب مايصير يطيح عن راسج سهى.... عمه مو اني ماعندي شال الشيخه ... عمه بعينج انشالله شنو عمه ناديلي حجيه فهمتي سهى (يا هاي حاجه بيت الله وهيج تسوي لعد والباقين شنو راح يسوون بيه) سهى..... ها اي حجيه فهمت الشيخه..... يله امشي ساعدي البنات حته يحضرن ريوك سهى .... اي حجيه ضليت واكفه بمكاني وبعدين رحت يم البنات واني بس وكفت يمهم راسا راحو عبالك بيه وباء معدي صدك انقهرت اسمعهم يحجون ولهجتهم مختلفه عني افتهم كلمه والباقي لا صاحت عليه بنيه تطلع اكبر مني بكم سنه يله عيني يبنت المدينه شتغلي شبيج واكفه سهى... شنو اشتغل كالت هاج روحي رتبي الاكل على السفره سهى.... اوك اخذت صينيه منها وضليت واكفه وين اودي الشيخه .... فلك طرج وصابج جا ليش واكفه وما تروحين سهى ..... مااعرف وين اودي شبيج روحي حطي هناك سهى .....اي رحت بديت ارتب بالسفره وتفننت بترتيلها خليتها تفتح النفس بعدين رجعت للمطبخ وهمه صاحو الرياجيل حته يتريكون وياهم مشيت حته اروح وياهم ولزمتني مريه من ايدي كالت وين رايحه انتي خلك فصليه والفصليات ما ياكلون ويانه انتي تاكلين بقايه الاكل مالتنه فهمتي 1 واستخدمت كم مصطلح جنوبي مااعرفه وراحت ضليت اغلط عليهم بالنكليزي حته محد يفتهم عليه واكلله فيله لو حيه 1 مرت ربع ساعه وصاحولي الم السفره بديت الم بيهم بعدين كعدو الجهال ماشاء الله شكد جهال عدهم كملت لم السفره وبعدين صاحت عليه وحده وكالتلي تعالي غسلي اماعين اني باوعت وكلتلها اني رباب ..... اي انتي جا اكو احد غيرج فصليه هنا سهى.... سكتت وماحجيت جنت اضم بكلبي لحد ما يجي يوم وانفجر بوجهم بديت اغسل اماعين وهمه اماعينهم كومه مال عشيره لزمت الماعون باطراف اصابعي وشميته بي ريحت زفر مال بيض و اني ابد مااحب البيض قتلوني ولا تخلوني اكل بيض لعبت نفسي وسديت خشمي وبديت اجلف بي على كيف ودايره وجهي لان مااتحمل ريحت البيض ضليت اجلف بالساعه واني يادوب مخلصه نصها وماعدا الي كسرتهم بالكاك وكلساع طافر واحد من بين ايدي طبت الشيخه وشهكت واكلت ولج هاي شصاير هنا جا انتي شنو داتنتقمين منه جتي عليه ولزمتني من شعري وبدت تسب وتغلط عليه جوي البنات وشافو شكل المطبخ اتخبلو ونوب الشيخه كالت الهم سوت هيج قصد وهمه ماصدكو وهدو عليه وحاولت انهزم منهم وجان اطب كزازه برجلي شكبرها صرخت بعلو صوتي وهمه عافوني واني ضليت ابجي من الالم طلعت الكزازه من كف رجلي وعفتهم وصعدت اعرج للغرفه حته اجيب دوه والكاع انترست دم طبيت للغرفه وطلعت ضماد ومعقم وضليت ابجي واصرخ من الالم ولج يمه تعاي شوفي بنتج شلون صفه بيها الدهر ضليت لازمه رجلي والنزبف ماجاي يتوقف يراداها خياط واني مااكدر اخيطها المكان انترس دم واني تخبلت من شفت هيج واغمه عليه كعدت وشفت اني بعدني بنفس مكاني ضليت اتحسب عليهم حاولت اكوم مااكدر لازمتني دوخه وجسمي احسه خدران والم برجلي موتني والنزيف بعده بس قال حاولت بكل قوتي اكوم واجيب مبايلي كوه وصلت عليه باوعت بالكامره وجيهي اصفر وتعبانه عرفت انو اني خسرانه هواي دم ولازمني بطل دم كمت ابجي من الم رجلي وخابرت على ماما وحجيتلها الصار كامت تلطم سديت الخط منها ورديت اغمه عليه لان ماماكله من البارحه وباقيه بس على لفت الجبن الي اكلتها باليل وجسمي ماعاد يتحمل وفقدت دم هواي ورديت اغمه عليه بس هل مره فتحت عيتي لكيت نفسي بالمستشفى ولكيت الرجال الجبير والشيخه والدكتور كلي الدكتور حمدلله على السلامه كتله الله يسلمك درت وجهي عليهم وكلتلهم حسبي الله ونعم الوكيل عليكم الله ينتقم منكم ويطلع حوبتي بيكم بجاه النبي محمد .......اسمي مروان علي من الناصربه عمري 35 سنه مزوج بنت خالتي ابن شيوخ ابا عن جد الولد الجبير بين خواني احنه عشيره جبيره (والجبير الله )ومعروفه بالناصريه ابويه الشيخ (علي )عايش الله ينطي الصحه وطولت العمر رجال حقاني وصاحب حكمه ودهاء بالحق الناس كلها تحبه وتعزه يجوله من غير محافظات الشيخه بيد ابويه لاكن هوه تعب وكال اني مااكدرلها فرشحني للشيخه وبديت من عمري 22 وعشرين سنه ادخل الدواوين والكعدات والفصول لان لازم شغل ابويه كله احنه الحمد لله نملك بساتين وحلال خير من الله اني واخوتي نشرف عليهن ومن صار عمري 30 سنه استلمت الشيخه ،،،،،،،،،، اني ابويه مزوج نسوان ثنين الاولى هيه بنت عمه وهيه امي واسمها حميده وعندي خوات منها 5 كلهن اصغر مني اول وحده حوراء وهيه الجبيره ومزوجه من ابن عمي وعدها ولد وبنيه وثانيه اسمها اسراء وهم مزوجه وعدها ولد واحد وبعدين هناء واستبرق واسيل اصغر وحده مامزوجات اما الزوجه الثانيه اسمها نعمه وهيه بنت خالته وعندي اخوه منها 3 رافد ،،،،مزوج وزوجته اسمها رباب وعنده ولد 2 وبنات 2 ورائد ،،،مزوج وزوجته اسمه سناء وعنده 2 ولد وصگر،،، متزوج وزوجته اسمها شهد وعنده 2 بنات ولد1 وعايشه عدنه حبوبتي وهيه مره جبيره بالعمر كلنه نحبها والها چلمه ورأي بالبيت انسانه حكيمه ومسالمه وكل مااختنك اروح يمها واحجي وياها وتحلي مشاكلي ابحكمتها عايشين كلنه ابيت واحد وجبير حيل الحمد لله ........ اني اكبر اخوتي وخواتي رجال اسمر وطويل ضخم البنيه جدا ملتحي واربي شارب تزوجت من صار عمري 26 سنه اني من النوع المتعصب بحيث من اغضب ينعمي على عيني واكوم اتصرف بدون مااوعه على نفسي اني متزوج بنت اختها المرت ابويه نعيمه والي هيه الشيخه .يعني بنت خالتي واسمها فاطمه لمن صار عمري 25 حليت طلابه جبيره صايره بالعشيره ما كدر احد يحلها بس اني فخالي انطاني بنته كهديه الي وتزوجتها وكانت نعم الزوجه وكانت طيبه وعلى نياتها وحبيتها من كل كلبي ابويه سلم الشيخه الي مع العلم هوه جان بعده ابحيله بس هوه اعتمد عليه ابكل شي لان اعرف احل قضايه العشيره واخذ الحق من حلك السبع جنت ادرس اداره واقتصاد وتخرجت اما بالنسله للاطفال فاني ماعندي فاطمه حملت مرتين ومات الطفل ابطنها اما المره الاخيره ممات وضل عايش ابيوم طلبت اتروح لاهلها وديتها الهم وطبعا بيت اهلها قريب علينابعد يمكن 10 ابيوت والعصر راجعه وحدها لبيتنا وبالطريق مدعومه ......... اجه عليه ابن رافد وكال خاله فاطمه مدعومه وهسه هيه بالمستشفى وعفت كل شي ورحت عليها بس للأسف لكيناها ميته هيه وابني الرجال الي دعمها نسجن وتحلفنه نقتله ومانبقي عايش اجوي اهله بعد الفاتحه وسوينه كعده ضلو يحجون بحجت قضاء وقدر اني حيل انهضمت ابداخلي على موت فاطمه وماجنت طايق لكعده عمامي اصرو ناخذ فصليه واني ماقبلت بس كالو انته ماعندك جهال ولازم تزوج فناخذ فصليه حته تجيب منها اطفال وتطفي بحر الدم اني رفضت رفظ قاطع لان حسيت لبنيه راح تنظلم ويايه لان اني من هسه ماطايق الفكره اعترضت بي عمامي اصرو وماقبلو فطلبو فصليه وطلبو مبلغ جبير كلش حته مايكدرون بدفعون
يتبع
