شيخ مروان ...... وانتي من اهله حبيبتي كعدت الصبح واني كلي قلق على مروان ما اعرف ليش جنت متشائمه من هذا اليوم وخايفه على مروان وصلني لعياده وطريق كله يسولف ويايه ويضحك بس امبينه مس طنعه حته ما يقلقني وبعدها راح لاحظت بان اليوم بس يصفن ويباوعلي كملت نهاري بالعياده بس ما اجه عليه مروان ضليت ادك عليه مغلق انقبض كلبي اتصلت بي اكثر من مره وماكو مو من عوايد متت خوف ما صدكت راسا اجرت تكسي ومن وصلنه للفرعه شفت كومه ناس اباب بيت الشيخ انطيت الكروه ونزلت دخلت للبيت ومستغربه شنو جاي ايصير تلكتني شهد تلطم وتبجي سهى ..... خير شهد شكوو احجي شهد ....... ولج لحكي الشيخ مروان لا كي يم سيارته مصوب وكله رصاص وهسه هوه بمستشفى ال....... سهى ...... لطمت على صدري وطلعت من البيت وابجي من كل قلبي توجهت للمستشفى ورحت سألت عنه ودلوني على غرفته جنت امشي وما مصدكه بالخبر الي سمعته طبيت للممر وجان متروس زلم ومحد اكو بغرفت مروان غير الدكتور طبيت اركض وحاولو يوكفوني اخوت الشيخ بس ما قبلت طبيت للغرفه ودكتور منعني بس لمن كتله اني دكتوره وشوفته رخصتي قِبل ادخل طبيت للغرفه وشفت حبيب كلبي جان جسمه كله امزرف من الرصاص واكثر جرح انتبهتله هوه جان 1 ابركبته جانو ضاربي رصاصه بيها لزمتها بايدي اووف شكالت روحك من ضربوك سهى ....... كعدت يمه ودموعي تجري عشره عشره على رغم من حالته جان كل الي يكفيني انو هوه بعده عايش ويتنفس هوى سهى ...... ها حبيبي ليش نايم اكعد اني يمك اني سهى حبيبتك اجيت اني وابني لا حظت عليه بانو يكدر يحرك اصابعه يعني يسمعنيشيخ مروان ....... سهى كتلتهم والله كتلت ثنين منهم بس غدروني وضربوني واني وماادري....جان كوه يحجي وصوته تعبان سهى..... مو كتلك عوف هاي السالفه ليش ما سمعتني شيخ مروان ....... مو وكت العتاب هسه اني ادري انو ما راح اعيش هواي سهى ..... لا مروان لا تحجي هيج مو انته تحبني ليش هيج تسوي بيه شيخ مروان ...... سهى ديري بالج على ابنه واريد 1 تسمي نمر 2 سهى ..... لا دخيلك لاتحجي هيج نشالله تتعافه وتشيله بيدك وتسمي شيخ مروان .... سهى انتي لازم تتعودين على فراكي واريدج تربين ابنه احسن تربيه سهى ....... مروان لا تفقد الامل انته لازم تعيش تفتهم انته لازم تعيش ما اريد ابنه يتربه بدون اب انته مو جان حلمك اتصير اب زين واني متفكر بيه منو الي من بعدك شيخ مروان ...... بس للأسف مو كل الاحلام تتحقق واني راضي بحكم الله وراضي اني راح اموت سهى اني احبج سهى ...... لا انته راح تعيش اي راح تعيش لااتحجي هيج بعد كمت ابجي واصرخ و اجه الدكتور طلعني لان مايصير اضغط على المريض ما قبلت اطلع من المستشفى اجه الشيخ علي وحجيتله كل الي كاليا مروان عن هذاك الولد ورافد راح على الولد الي بالسجن وضاربه كومه حته يعترف ويدلي على بيت اهله وبعدين امدلي على بيتهم راحو كل عمام مروان وولدهم وزلم كومه من كرايبهم هدو على بيتهم بالرشاشات وكتلو كل الي ضربو مروان ضليت لصبح كاعده اجا الدكتور علينه وجانت الساعه ٥ الفجر الدكتور ..... البقاء لله المريض توفه حسيت الخبر مثل جبل ووكع على كلبي 1 سهى .... هههه ليش تكذب دكتو ترى عيب اصلا مروان ما يموت هوه يحبني دفعت الدكتور ودخلت للغرفه شفت حبيب كلبي جانو امغطي بجرجف ابيض شلته عنه وكمت اصيحانتو شنو امخابيل امغطي بجرجف تريدو يختنك كمت اهز بي من كتافه سهى ....... مروان كوم الله يخليك كوم ليش هيج تحب اتأذيني معليك بدكتور هوه جاي يكذب اني ادري انك نايم وتسمعني كوووووم ليش هيج ياربي اتأذه ابعزيز كلبي مروان حبيبي اكعد اكعد لاتنام كمت حضنته وابجي مروان ليش هيج مو انته تحبني يعني تقبل تعوفني ما اريد ابني يتيتم كعدت بالكاع والطم واصرخ وابجي من كل كلبي وما مصدكه بانو مروان يموت كمت على حيلي لالا مستحيل مروان يموت 1 كمت حطيت اثنين اديه على كلبه واضغط حيل حته ولعل يرجع يعيش سهى ..... مروان حبيبي كلي وين اليوجعك شنو الي اذيك خليني اداوي الك بس لاتبقه ساكت مروان مروان حاجيني ولاتخليني اصدك بانك متت كوم حبيبي كوم بعد نص ساعه امتلت المستشفى ناس واني حاضنه مروان وما اقبل ياخذو مني وبلكوه وخروني منه وودو لثلاجه جنت اباوع على سريره شلون يتحرك وجاي ينقلون بي كعدت بالكاك وابجي واصرخ سهى ........ ولكم لا تاخذذووو ما كفاكم موته اكرهكم كلكم اكرهكم واكره عشايركم وطلايبكم بسببكم راح الغالي وراح نور عيوني كمت اضرب على رجلي واصرح لااااا ولكم مايموت والله مايموت ليش ما تصدكوني معقوله جان يدري انو راح يموت وليل كله يوصي بيه بانو ما تزوج غيره وهوه مايدري بانو هوه النفس مالتي راح حبيبي الجنوبي راح ابو سوالف الحلوه راح وبعد ما اشوفه ياربي اني جنت عايشه علموده فاخذني اريد اموت وارتاح عسى واصير اله حوريه بالجنه لاتخليني اعيش على ذكرياتهما اعرف شلون وصلت البيت الشيخ علي حته ما اتذكر الي جان يصير جنت بس كاعده و صافنه حته ما بجيت ولا نعيت والكل متخبل من تصرفاتي جنت اباوع على انسوان شلون تبجي وتنعي واني جان شعوري انكسار لايوصف ما جنت امصدكه بانو مات وجان عندي امل بانو يرجعلي ضليت كاعده وبس طببو التابوت صحيت من هذا الوهم الي جنت عايشه بي وتيقنت بانو 1 هاهيه مات مروان رحت على التابوت وابجي واصرخ سهى ....... مروان حبيبي الله يخليك لاتعوفني منو من بعدك يعوضني انتو اسبب لو مو طلايبكم مايصير هيج بي كوم اكعد حبيبي معقوله انته ابو طول الحلو كاعد بالتابوت معقوله مروان حبيبي راح مني وبعد ما اشوفه يالله دخيلك ما اريده يموت لااااا هوه ما يموت ولكم هذا حبيب كلبي ما يموت ولك ااااه يمروان لا تعوفتي شالو التابوت واني ردت الحكه بس ما كدرت النسوان لازميني كوه جريت نفسي من عدهم ووحده من النسوان حطت عبايتها على راسي وطلعت اركض وره مروان سهى ....... عاجبك حالي هسه واني جاي اركض وراك احجي جاوبني ...راضيه اركض كل العمر وراك بس لا تعوفني لا تعوفني .... ما اعرف شلون سحبوني وطببوني بالبيت ضليت انحب واصرخ وابجي بوقتها كرهت الحياة بمافيها جانت جايه للفاتحه ناس هواي بحيث البيت انترس ناس والشارع لان هوه جان شيخ والكل تحلف ابراسه ومعارفه هواي وجان طيب ويحب الكل ..... باليل كمت وسبحت وصليتله صلاة الوحشه معقوله هسه مروان يعني تحت التراب اووف اتمنه لو اني يمك هسه كعدت ابجي واون حته بوقتها نسيت اني حامل خلصت ايام الفاتحه وجانت امي موجوده وابويه وايمان بس محمد ما اجه حاولت امي تاخذني وياها بس اني ماقبلت كلتلها ورى الاربعين تعالي اخذيتي ومرت الايام وكعدت ابيت الشيخ علي واني جنت منعزله عن العالم جنت معتكفه العالم كله وكاعده بالغرفه كضيت ايامي اهديله قران وصلاة مع العلم انو جنت متأكده بانو هوه مامطلوب صلاة اجه يوم الاربعين والشيخ علي ما قبل نجيب مٌله(امرأه تلقي القصائد الحزينه للميت ) ونلطم طلب بانو نهديله ختمه ووزعو الاجزاء علينه وبده الكل يقره ومن كثر الناس الجايه هديناله كومه ختمات ....اجتي امي عليه حته ياخذوني ورحت لبيتي اني ومروان وكعدت استرجع ذكرياتي ويا لميت غراضي واخذت ويايه دشداه اله وشيشت العطر مالته وطلبت يتصدقون بكل غراض البيت ورحت ودعت بيت الشيخ جنت اشوف شكله بكل زوايه البيت واتذكر كل تصرفاته من ضحكه وعصبيه وهدوء واتمنه لو بس اشوفه مروه وحده .... صعدت بالسياره والطريق كله حاطه راسي على الجامه وابجي راح هاهيه بعد ما يرجع مروان .. ......... اشتقت لشخص لاتراه عيني ولاكن قلبي متعلق به كثيرا 💔🍃 ♡♡♡♡♡ مرت ست اشهر واني ابيت اهلي جنت فاقده الرغبه بالحياة واما ابني فاعتنيت بي وحسيت بانو هوه اخر ذكره من مروان بقيت على تواصل مع اهل مروان وبعد فتره حان موعد الولاده ورحت للمستسفى وبعد معانات جبته واول ما نطونيا شميته حيل وحسيت بي ريحت مروان وبسته كومه واذنت باذنه وكتلهم سميته نمر لان مروان جان يتمنه يسمي ابنه هذا الاسم وحظنته وضليت ابجي جنت اتمنه لو مروان يمي بهاي الحظه على الرغم من سعاتي ابولادت ابني بس ماراح تكمل فرحتي اله ابوجود مروان جنت اتخيل لو مروان هنا جان شنو صارت ردت فعله واتخيل فرحته ابشوفت نمر... سوده عليه جان يتمنه طفل بس ابد ما شافه هاي مات وما شاف ابنه رجعت للبيت وامي خبرت بيت الشيخ باني جبت بعدها نمت وحلمت بمروان اجاني وجان فرحانويوصي بيه على نمر كعدت فرحانه باني شفت مروان وسعاتي ما تنوصف ثاني يوم اجوي بيت الشيخ مروان وجانو فرحانين ابنمر وبالاخص الشيخ علي جان الكل فرحان الا اني جنت حزينه لان فقدت مروان وخطيه ما تهنه وشاف ابنه وجانت امنيته الوحيده يصير عنده طفل .......... جان الشي الوحيد الي مصبرني على فراك مروان انو يومي جنت اطلع دشداشته واترسها عطر واكعد اشم بيها وكل مايخلص العطر اشتري واحد غيره ♡♡♡♡♡♡♡♡♡ مرت الاشهر واني تعلقت ابنمر وهوه جان يشبه مروان ويشبهني كُبر ابني كدام عيني ومرت سنه على وفات مروان واني رحت ابيومها لناصريه ورحت زرت قبر مروان لاول مره اول ما وصلت قريب على الكبر رحت اركض عليه وكعدت ابجي وكانو اليوم مات مروان شلت نمر وحطيته على قبر مروان وما سمحت لاحد انو يشيله والعجيب بانو نمر ما بجه وضل يناغي من شفت هذا المنظر كمت ابجي واضحك وللحظه شفت مروان واكف يمه ومبتسم كمت اصرخ وانعي ومصدومه وشما احجي ما اكدر اوصف ألمي بعدها رجعت لبيت الشيخ وبقيت يمهم اسبوع لان همه طلبو من عندي هيج قبل ما يخلص الاسبوع اجه عليه شيخ علي وكالي سهى احنه هذا ابنه و هوه ابن مروان الوحيد انتي بعدج ابنيه شابه والكل يتمناج باجر عكبه تزوجين و يربي ابنه غيرنه لو يضل بين الايدين فبما انو احنه نريد ابنه يصير عنده اب فبدال ما تاخذين غريب اني اريد ازوجج لواحد من الكرايب حته مايحس نمر بعدم حنان الاب سهى ...... اتفاجئت من حجي الشيخ بس اني ادري بانو هاذا كله لمصلحت نمر حقه الحجي عبالهاني راح ازوج واعوف ابني واني اصلا ماحيه فكرت الزواج من ذهني كمت توضيت وجبت القران واجيت سهى ...... شيخ علي اسمعني اني مستحيل اتزوج واحد غير مروان وهذا اني احلفلك بكتاب الله بانو الشيخ مروان قبل ما يموت طلب من عندي انو ما اتزوج غيره . وحتلو ما طالب من عندي جان اني هم ما تزوجت واحد غيره وبخصوص نمر فاني راح اجي عليكم كل شهر مرتين وابقه يمكم اسبوع واذا انتو فد يوم تريدون تشوفو فتعالو لبيتنه هلا بيكم واني مستحيل انطي نمر لاحد لان هوه اخر ماتبقه اليه من مروان واهذا اخر حجي عندي ..... محد من عدهم عارض حجيي وبعدها رجعت للبيت وبعد فتره ابويه فتح ويايه موضوع العياده حته ارجع اداوم بيها وبعد اقناع شديد وافقت واستمريت اداوم وكل فتره اروح لبيت الشيخ ونوبات همه يجوني واني ابد ما فكرت ولو للحظه اتزوج غير مروان وبخصوص البيت والعياده الي باناصريه فهمه من حق نمر لان البيت باسم مروان والعياده باسمي بس اني ما اريدها وراح اخليها انمر من يكبر جان كل همي بالدنيه هوه نمر جنت غامرته بحناني ولا يوم حسسته بالنقص وكلشي يريد يجي واني ما عدت سهى القديمه اني تغيرت ١٨٠ درجه وصرت هادئه وما اطلع اذا ما البس عبايه حته كمت ما احط مكياج لان مروان جان يغار عليه اذا ما البس واتذكر عبارتهمن جان يكلي اني اغار عليج حته لو جنت ميت الكل متفاجئ ابتغيري صار هاي السنه عمري 29سنه واني لساتني احب مروان وراح احبه للابد جنت دائما اهدي لمروان قرآن وصلاة واكثر من مره شفته بالحلم كل يوميه اصلي صلاة الليل واكعد ابجي على مروان واندعيله ودائما اتذكره واتذكر كلشي صار ويايه كانما اليوم عشته مرت سنتين على وفات مروان واني جرحي بعده جديد كانما اليوم مات وراح يبقه حبي اله بكلبي محفوظ ويوميه يزيد وما راح احب غيره طول حياتي ... ......... اشتقت لمن هو بعيد وبات يؤلمني ذلك الأشتياق يصاحبه حنينا صامتا يمزقتي الى اشلاء .. اشتقت له ولا اجرؤ بأن اعب عن اشتياقي وحنيني سئمت انتضار الشوق وسئمت مناجات الحنين سئمت من دالدنيا بأكملها من بعدك ارسم حروفا وادونها كلمه .....💔🎶 ♡♡♡♡♡♡ ابن الجنوب( فصليتي بغداديه ) ............ ولهنا وتنتهي رواية ابن الجنوب فصليتي بغداديه واتمنه تكونو استمتعتو بقرائتها واعتذر ان كانت هاي القصه احزنتكم
بنات تابعو هذا الحساب كاتبه تنشر قصص جميله وجريئه فضلا بنات تابعو sarablck963
