سعى .... عفت الاكل ورحت وكتله خلي المكان الك هوه بس يضحك عابت شكد باهت رند.... ولج هاي وين جنتي صارلي ساعه ادور عليج سهى .... جنت اكل رند .... دريت بيج ام بطن سهى.... لعد شعندي غيرها هاي العشق الاول والاخير فديته لبطني امشي تعاي دنكعد رند .... يله امشي كعدنه يم اهلي بالأمام وضل المطرب الي جايبي يغني بعدين كعد يسوي احله تحيه لاهل العروس واحله تحيه لاهل العريس بعدين كال وينهم اصدقاء العريس خلي يجون يركصون وصعدو اصدقائه وكهدو يوكصون جوبي وبعدين كعد كل واح يركص وحده وراها كال وينهم صديقات العروس خلي يجون يركصون همه استحو وماكامو يمكن بس اربعه وبعدين ظل يحيي لحد ما كال وينهم خوات العريس خلي يجون ا اني استحيت اركص منا الولد عيب فمـآ گمـت بعدين كالو راح نزفهم ضلو الولد يهوسون وبعدين من صعد و بالسياره ضلو يرمون اني هنا لزمتني رجفه وكلبي كام يدك بسرعه وماتحملت هبط ضغطي ومتت من الخوف ولكل انتبه عليه وبطلو رمي وضليت كاعده على كرسي وشربت مي وبعدين رحت صعدت بالسياره ويه اللنات وبعدين نزلت اشتريت عصير وكيكه ،،،طـبعآ آني يهبطـ ضـغطـي مـن آصـوآت آلطـلق وآلرمـي آبسـبب حآدثه آتعرضـت عليهآ بآلصـغر فأثرت عليه وخلتني گل مـآآخآف آتخربطـ وهذآ آلشـي مـو بيدي ،،،،،، وزفينه العرسان بفندق ابغداد نزلنه والشباب ضلو يهوسون زفيناهم وبعدين صعدت بسياره صعدت رند ونتظرنه لحد ما تمشي السيارات طلعت من السياره وضليت واكفه لحد ماتفرج جان يجي عليه هذاك الولد الي جان بالقاعه الولد .... ها شلون صرتي هاي كله لان عفتي الفه ومااكلتيها بسببي ههه هاج هاي لفه غيرها وعصير سهى ..... شكرا مااريد واصلا اني شبعت وعفتها صاحت رنظ ..... ولج سهى تعاي يله مشت السيارات سهى.... اي هياتني اجيت عفته وصعدت هوه مد ايده من الشباك وكال اخذيها لخاطري اخذتها لان مااريد افشله سهى .... شكرا استاد .... تمار ..... تمار اسمي تمار سهى ..... ها عاشت الاسامي تمار تمار ...... تسلمين سهاوي سهى .... خزرته وكته منين تعرف دلع اسمي تمار ..... ها ههه والله سمعت صديقتج اتصيحلج هيج اله اني مااعرف اسمج هههه علكيفج راح تكتليني سهى ..... ها صيحلي سهى تمار ..... يله عن اذنج سهى راح وراسا و نطت رند ولج منو هذا سهى..... شدراني واحد اعترض طريقي وجاي يعتذر رند.... متأكده بس هيج سهى .... اكلي تبن وسكتي قابل شعندي ويا ورجعنه للبيت ورحت يم مروه وكعدنه نسولف ونضحك نعست رحت طبيت الغرفتي وسبحت ولبست دشداشه وليل گله مـآنمـت مـع آلعلم جنت حيل تعبآنه بس آحس نفسـي مـخنوگه وگلبي مـقبوض ماجنت ادري شضامتلي الايام ......... ☆☆☆☆☆☆كعدت من الصبح على صوت امي ولي هوه احله صوت بالحياة حته اكوم احضر نفسي لان راح يجون العرسان كمت بدلت وتريكت وكعدنه ننتظرهم لحد ما اجو انخبصت الدنيه بالهلاهل ولأغاني وامي تطش جكليت مر اليوم عادي وثاني يوم رحت فتحت العياده لان صارلي 4 ايام مافاتحتها بسبب انشغالي بالعرس بدت تجي الزبائن وبعدين جعت ورحت صحت ولد صغير جنت دائما ادزه يشتريلي سهى .... تعال يسوري ادزك يسار.... اي عمه سهى كولي شرايده سهى.... شكم مره كتلك لادكلي عمه بس سهى يسار .... ماشي سهى سهى ..... باوع هاك خمسه وجيبلي لفه وقوطيه وجبس ليز واخذ الباقي الك يسار... لفت شنو تريدين سهى..... على ذوقك بس كون طيبه لان حموت جوع يسار ... بعيني يله باي سهى.... باي وكفت ارتب بالعياده وجانت اكو ادوات تعبانه بدلتهه رحت جبته من المخزن وكعدت ارتب يها جابلي يسوري لفت كص وكعدت اكل سهى .... يسوري تعال اكعد هنا نسولف لان والله ضايجه وحدي يسار.... اي بس نص ساعه واروح لان عندي شعل سهى..... اي حبيبي ماشي تعال اكعد سولفلي عن احوالك شخبارك بالمدرسه يسار .... والله اسنه اول متوسط وامفكر ابطل حته اكدر اصرف على امي سهى ...... اسكت ولك شد حيلك حته تصير دكتور مثلي وتصير عندك شهاده يسار..... اي واذا ادرس لعد منو يصرف علينه سهى ...... اووووف والله قهرتني هاك الزم هاي فلوس اخذها الك وكل ماتحتاج دز عليه يسار.... لاعمه سهى مااريدها اني اشتغل ومااحب امد ايدي لناس سهى..... (والله فاجئني صحيح صغير بس عقله جبير وعنده عزة نفس) زين شنو رأيك تشتغل وياي وتترك بيع الجاي يسار ..... بس عمه اني مااعرف سهى ..... لا اني بس اريدك توكف ويايه بس باليل من 6 -8 لان اخاف ابقه وحدي باليل وحته تكدر تدرس وماتبطل يسار...... ماشي اني موافق بس اسئل امي واردلج خبر سهى .... اوك ظلينه نسولف وبعدين راح واني هم عزلت العياده ورجعت للبيت وبعد يومين يسار وافق وبده يشتغل ويايه مرت الايام وصار يوم السبعه مال ايمان مارحت لصالون اني رتبت نفسي بدلت لبست فستان احمر وحطيت مكياج نازك وشسورت شعري وسويت بي تسريحه بسيطه ونزلت ولكينت الدنيه مكلوبه مع العلم انو احنه بس كرايب جتي العروس وبدت الهلاهل وبعدين جتي رند وكعدنه نركص وذبينه لحم وشحم رند .... ولج اني بعرس اخويه مراكصه هيج سهى ..... يله ولج هوه مثل اخوج ركصي ومعليج رحت كومت ايمان تركص ويانه وهيه مكيفه يابه شكد فطيره هاي البنيه خلصت اسبعه واني وايمان كلش اتعلقنه ابعض صدك على كولت محمد هيه حبابه فعلا محمد عنده ذوق واحسن الاختيار بيها قوت علاقتي بيها وصرنه اني وياها ورند نطلع سوه مرت الاشهر بسلام وايمان صارت حامل مر على زواجهم 5 اشهر تقريبا ......... محمد......يابه تذكر صديقي الشيخ جواد من الناصريه الاب .... اي يابه شلون مااتذكره وهوه الي حله العرس بهوساته ودبكاته محمد..... اي يابه اليوم عرسه وعزمني اريد اخذ الاذن منك حته اروح الاب .... اي وليدي اذنك معك روح ثاني يوم راح محمد ودعنا ....... (كان يوما من ايام شهر ايلول أجميل.. استيقظت بكل حماس و كنت اظن بانه يوم مثله باقي الايام... لم اعرف بانه منذ هذا اليوم سوف تبدأ قصة حياتي ... ولم اكن اعرف ماذا يخبئ لي الزمن من اوجاعه واقداره المؤلمه من اليوم تبدأ حرب الحياة معي فمن ياترى سوف ينتصر انا ام الزمن ) .... من كتاباتي ......... كعدت من الصبح غسلت وتريكت ورحت بدلت ولبست فستان وسرحت شعري وحطيت مكياج ناعم وسلمت على اهلي رحت لعياده بدبت اشتغل وامشي بالزبائن وهناك جانت تقريبا الساعه 4 العصر ،،،،،،،،،،، اتصل عليه ابويه وكالي تعاي للبيت بسرعه ماجنت اسمع بس صوت صريخ امي وايمان طلعت بسرعه اخذت جنطتي وقفلت العياده و ركبت سيارتي وسقت باقصا سرعه جان كلبي يدك سريع وخايفه على اهلي وصلت للبيت ولكيت كالبيها مناحه بالبجي لزمت كلبي ورحت على امي سهى .... يمه شبيج منو مات احجي الام .... ولج يمه مصيبه مصيبه ووكعت على راسنه اااه سهى .... يمه احجي شنو صاير تره حموت الام ..... ولج اخوج داعم مره حامل وميته سهى ..... عززاا زين ومنو هاي المره ومن وين الام ....ولج من الناصريه وهسه ابوج راح ياخذ عمامج ويروح عليهم سهى .... كعدت ابجي ومقهوره على هاي المريه خطيه شنو ذنبها .................... محمد .... رحت لناصريه لعرس صديقي جواد وضلينه نركص ونهوس وبعدين زفيناهم ورحت بتت يم صديقي ثاني يوم طلعت ورحت افتر بالسياره وجان يدك مبايلي شلته جاي اباوع منو المتصل ومااسمعلك الاصراخ مريه باوعت ومااشوف الا وادعملك مريه طلعو الجيران على صوت المريه وشالوها وصعدوها بالسياره رحنه للمستشفى ونتظرنه وجان يجي الدكتور وكال البقاء لله المره جبتوها متوفيه هہيه ولي آبطـنهآ اني هنا ماعرفت شاسوي والناس بلغو عليه واجتي الشرطه اخذتني طلبت منهم اجري اتصال وخابرت على ابويه وحجيتله السالفه وثاني يوم اجوي ابويه وعمامي وشيخ عشيرتنه وراحو عليهم وتفقو يكعدون كعدت عشاير بعد الفاتحه ..... راحو البيت المريه عمامي بعد الفاتحه وبدو يحجون ويصيحون والجماعه قافلين ومعندين يا 500 مليون يا فصليه وطبعا طلبو فصل مضعف لان اهل البنيه رادو فصل وعيال المره احنه سدينه اهل البنت لان طلبو فصل50 مليون وابويه انطاهم اما عيال المره طلبو 500 مليون لو فصليه لان بعتبار اني قتلت المريه وابنها ....... سهى .... مر اسبوع على حادثة محمد وبيوم اجى ابويه علينه من الناصريه وبوجه الف حسبه الام ..... ها ابو محمد بشر شصار تره كلوبنه على نار سهى..... هابابا كول شصار الاب ..... يردون فصل 500 ملايين لو فصليه او يقتلون محمد ويصير الدم لركب ايمان ... يمه سوده عليه الام ..... وين اكو فصل 500 مليون مدكلي تره هواي وين صايره هاي الاب .... حاولنه وياهم بس مايقبلون طلبو فصل مضعف انكينه لاهل البنت وبقه بس عيالها قافلين علينه لان قتلنه المره وحفيدهم الام .... يمه صخام بوجي راحو جهالي الاب .... اني مستحيل انطي جهالي راح ابيع البيت والسيارات والمحلات وننطيهم فصل سهى .... يعني شلون بابا نكعد على الحديده الاب .... اي لعد خو ما انطيج الهم لو اخلي اخوج ينقتل سهى .... بابا اني مستعده اروح يمهم الاب .... ولج انتي شجاي تخربطين مستحيل اقبل تروحين فصليه سهى ..... يابه ان جان ذهابي كفصليه يوكف الدم اني قابله هوه اني شريد من الحياة غير راحتكم الاب .... طلعو كلكم وعوفوني وحدي سهى ..... رحت كعدت يم ماما الي كالبه الدنيه بالبجي سهى .... ماما انتو ليش ماتقبلون اروح فصليه اذا هذا الشي راح يرجع محمد الام ..... يمه شلون تريديتي افاركج وانطيج لهذوله سهى ..... يمه هيه الفصليه مو يعني تزوج من عشيرت المقتول لعد ليش ماتوافقون اذا كل بنيه مصيرها الزواج الام .... اي يمه بس الفصليه تزوج بدون زفه وعقد محكمه وما الها اي حقوق ويخلوها تشتغل ويعتبروها خدامه ويضربوها ويعذبوها شمس .... عزاا واني كل ضني انو يعني بس تزوج متخيلت هيج وماكنت اعرف انو هيج الفصليه الام ..... هاي عود انتي الفاهمه وادارسه سهى ..... يمه اني شدراني بعشايركم وضيمها هسه كليلي شنو الحل الام .... خليها على الله هوه يحلها كعدت تبجي واني ابجي وياها ونوب هم جتي ايمان تبجي ............ سهى ..... رحت للغرفه وافكر هسه شنو الحل اذا نطيناهم 500 مليون فأحنه شبه راح نفلس واذا مانطينه يقتلون محمد ويصير بحر دم ناس تقتل من ناس واذا رحت فصليه راح يعذبوني عزاا اني ابد ماجنت اتخيل هيج الفصليه يله اتحمل علمود عائلتي همه ربوني وتعبو عليه وفرو اليه كلشي وعشت امدلله صار لازم ادفعلهم ثمن تربيتي وهم اضل مقصره بحقهم بس شلون ويه العيادة مااكدر اعوفها ولج سهى منو الاهم العيادة لو اخوج نمت من التفكير واليل كله احلم كوابيس كعدت الصبح اباوع الوجوه كلها حزينه رحت على بابا وكتله سهى .... يابه ماكو خيار اخر لازم ابادر اني وانقذ عائلتي من الدمار الاب ..... بنتي اني شعندي غيرج مااكدر انطيج سهى ..... يابه لعد خو مااخلي اخويه ينقتل اعتبرني زوجتني مثل زينه ولاتعتبرني فصل الاب .... يصير خير بنتي يصير خير .............
يتبع
