كمت بدلت واجه مروان اخذني لبيت الشيخ علي طبيت سلمت والكل استقبلني ونضال كالبه وجها عليه لو بيدي جان لزمتها وقتلتها هل هجامت ابيوت طبينه وكعدنه ناكل كلنه على سفره وحده والكل فرحان ونسولف وطبعا اني لساتني ما متعلمه لهجتهم فهواي كلمات ما اعرفها من يحجون ويايه كمنه والبنات غسلو اماعين كعدنه كلنه بالصاله وبعدين استأذنت منهم حته اروح اشرب مي دخلت للمطبخ الحار وجبت اكلاص حته اشرب وتوني حطيته بحلكي وسمعت صوت نضال تصيح نضال ...... ولج لحكي سهى يبووو اني طلعت اركض وغصيت بالماي واول ما وصلت عتبت الباب مالمطبخ البارد تزحلكت لان جانت بيها دهن ما اعرف امين جا اجه الكل على صيحت نضال اني راسا صار عندي الم قوي وحسيت روحي راح اجهض الطفل و اغمه عليه ......... شيخ مروان ..... بعد ما اتغدينه رحنه كعدنه باديوان سمعنه صوت نضال تصرخ وبعدها صوت سهى دخلت وشفتها كلها دم ومغمه عليها رحت شلتها واباوع عليها حسيت جنت شايل روحي وديتها للمستشفى وستقبلونه الاطباء ودخلوها وبعد ساعات طلعت الدكتوره وكالت للاسف فقدنه الجنين ما اعرف اوصف شعوري هذا رابع طفل ايموت الحمدالله على كل حال كعدت على الكرسي وحطيت ايدي على وجهي وابجي حسيت بأنكسار شديد رحت شفتها جانت نايمه وكالو باجر تطلع رجعت للبيت وطبيت صحت البنات كلهم شيخ مروان ....... صحت بصوت رج البيت رج اريد اعرف شلون تزحلكت سهى استبرق ..... خويه والله ماندري بس لكينه دهن بالكاع يم المكان الي وكعت بي شيخ مروان ..... چا امين جا الدهن شنو انتو مو جوكت نسوان ما تعرفون تنضفون بسبب اهمالكم هذا راح ابني شهد ....... لطمت على صدرها عزززه صدك شيخ وسهى شلونها شيخ مروان ...... بعدها بالمستشفى وباجر يطلعوها وهسه اريد اعرف امنين هذا الدهن والله اذا اليوم ما عرفت منو حاطه الدهن بالكاع ليصير موتكم على ايدي اسراء ..... خويه والله نظفنه واني بيدي غسلت المطبخ وما جان اكو دهن حته من غسلنه الماعين ما جان اكو دهن شيخ مروان ...... جا مين جا احجوو هاااا اجتي عليه بنت حوراء جان عمرها ١٢ سنه كالتلي خالو اكلك شخله بس اخاف تكتلني عمه نضال شيخ مروان ...... شحدها تكيس شعره من راسج واني موجود اجتي شاورتني ريم .... خالو اني شفت عمه نضال من راحت عمه سهى للمطبخ تشرب مي جبت بطل الدهن بالكاع وبعدين صاحت على عمه سهى وعمه سهى اجتي تركض ووكعت واني جنت واكفه بالباب بس محدانتبهلي شيخ مروان .......حسيت الحراره تطلع من راسي صحت بكل صوتي نضااااال وهيه اجتي تركض لزمت وسحلتها من شعرها وطببتها للغرفه و ضليت اكتل بيها بالحزام لحد ما تعبت اني مروان اخر عمري املفي وحده مجرمه ابيتي ولج انتي ماتجوزين من مؤامراتج كافي واني مستحيل ابقي وحده عكربه ابيتي وانتي طالك طالك طالك وبعد ما تبقين دقيقه هنا يله نكلعي لبيت اهلج عفتها وطلعت رجعت للمستشفى لكيتها كاعده وتبجي شيخ مروان ...... لا تبجين كافي الله يعوضنه انشالله سهى ..... ولك مروان هذا ابني ابني شلون ما تريدني ابجي عليه راح حبيب كلبي وما شاف من الدنيه شي شيخ مروان ...... لاتخافين اخذت ابثاره وطلكت نضال وهسه هيه ابيت اهلها سهى .... ليش هيه شعليها شيخ مروان ..... ولج هيه كتالت ابني هيه الي جابه الدهن بالكاع سهى ........ حسبي الله ونعم الوكيل الله ينتقم منها نشالله تطلع بيها يعني ما كفاها الي سوته ويايه انوب تكتل ابني بس هم زين طلكتها لان هيج وحده مايصير تعيش بهذا البيت ولك مروان ساعت السوده الي رحت للعزيمه لو ما رايحه جان كل هذا ما صار شيخ مروان .......كافي سهى الله يعوضنه كافي ترى كل هذا الله قاسمه يصير ويانه لازم نصبر لان 7 هذا امتحان من الله بعدها رجعنه للبيت دزيت ورقت طلاكها لبيتهم وكتله لابوها هيه هاي بنت الشيوخ الي نطيتنياها بعد ما اريد نسبكم هاي بتكم كتلت ابني واذا ما تصدكون خلي تحلف على القرآن وتكول اني ما جنت سبب ابموته ولا حته كدت على سهى هيه بس تبجي وعفتها وطلعت وبعدها صارت كعدة زلم بسبب موضوع طلاكي منها لان هنا عيب الرجال يطلك مرته الا اذا مسويه شي وبالاخص الشيوخ عدنه عيب يطلك وبالخير يالله فضت السالفه .......... سهى بعد هاي الفتره حالتي النفسيه تعبت حيل بس الي خفف عني هوه بانو العياده نفتحت وكمت اداوم ولا بسه عبايه وبوش واشتغل بس بالنهار والشيخ مروان كاتلني ابغيرته بحيث حته بوش لبسني واني ما ضجت بالعكس اضحك على تصرفاته وغيرته يعني اني الي جنت قبل ابيت اهلي ما البس حجاب وهسه لبسني عبايه وبوش ..... مرت الاشهر واني شويه حالتي تحسنت وبعد فتره صرت حامل وما اوصفلكم الفرحه الي اني ومروان عشناها وكلنه لبيت الشيخ بس هاي المره ما عزمونه خاف هم نوب تصير مشكله هههه وصرت حريصه على نفسي اكثر وبيوم اجه الشيخ وهموم الدنيه على ظهره ... ........{انا أحبك متى ستعرف كم اهواك يا رجلا ابيع من اجله الدنيا وما فيها يامن تحديت في حبي له مدنا بحالها وسأمضي في تحديها لو تطلب البحر في عينيك اسكبه ولو تطلب الشمس في كفيك ارميها انا احبك ...فوق الغيم اكتبها وللعصافير ...والاشجار ...احكيها انا احبك ...فوق الماء ...انقشها وللعناقير ...والأقراح ...اسقيها انا احبك ياسيفا اسال دمي وياقصتا لاادري مااسميها انا احبك }..💋🎆 ................ سهى....... خير حبيبي شبيك شيخ مروان ....... لا ما بيه شي بس صايره طلابه ودا افكر شلون احلها . سهى ..... يله حبيبي ما تستاهل السالفه نشالله تنحل شيخ مروان ...... سهى سهى...... ها حبيبي شيخ مروان ....... توعديني انج ما راح تزوجين احد اذا صار عليه شي سهى...... كمت على حيلي شهل حجي مروان سم لله عليك تره خوفتني هواي شنو السالفه شيخ مروان ..... توعديني سهى ترى ما اتحمل تصيرين لغيري اغار عليج حته لو جنت ميت ... سهى ....... اسم الله مروان شبيك اليوم تحجي بالموت انشالله يومي قبل يومك و اوعدك وعد للموت ما اصير لغيرك اصلا اني ما موجوده بهل دنيه بس علمود حته احبك واتزوجك ... مروان تره انته بهذا حجيك جاي تخوفني احجي شنو صاير شيخ مروان ....... سهى انتي ما تعرفين بامور الطلايب بس راح احجيلج انتي تعرفين انو رافد شرطي واله مكانته المهم قبل يوم اجاني وكا لي انو عدهم واحد من السجناء الي جانت تهمته جبيره جايين اهله ومحاولين ويه رافد حته ياخذ رشوه وهوه ما قابل وبعدين بالمره الثانيه جنتاني يمه وهمه اجو يم رافد وحاولو هم ينطو رشوه ومن ما قابل ضلو ايهددون بي واني من شفتهم هيج سوو تعاركت وياهم لان على يا اساس ايهددون اخويه راحو وهمه يتوعدولي ومن طلعت من المركز واني جاي امشي بالسياره هجمو عليه ملثمين واني جنت متاكد انو همه الي هجمو وحاولو يضربوني بس ما كدرو اني ضربت طلقه على واحد منهم بايده وهمه راسا نسحبو واني باجر باليل اروح على ابويه ونشوف لسالفه صرفه ونحلها لان امبين من تهديداتهم انهمه مو خالين بس لاحضت بيهم صفت الجبن لان بسرعه يتنازلون ااخ بس الضاهر ناوين عليه فد نيه .. سهى ...... يمه مروان دخيلك شنو هذا الحجي دخيلك عوف الطلايب وامشي نروح نعيش ابغداد شيخ مروان ..... جا شنو اشايفتني وانهزم من ديرتي تره هاي لاشياء هواي تصير عدنه وان شاءلله نحلها ونخلص سهى ..... مروان عوف هاي الشغله الخاطري ترى اني اموت اذا صار عليك شي مروان اني احبك وذكر ابنه الي راح يجي اريد نأسس حياتنه بعيد عن هذي المشاكل شيخ مروان ....... انشالله سهى يله حبيبتي هسه نامي وراج كعده من الصبح سهى....... تصبح على خير
