سهى .... واخيرا بابا قتنع لان ماعدنه خيار اخر
صار بابا مثل الي عالك بحلكه موس ان بلعه ينحرح وان طلعه ينحرح
بابا نفس الشي ان انطاني فصل فراح يفاركني وان مانطاني فراح يخسر ابنه
........
دز خبر وكالو بعد يومين اروح الهم
اصريت اخلي امي تاخذني لمركز تجميل ورحت حفيت ورديت صبغت شعري نفس الون القديم وسويت جلست عنايه للبشره
و سويت زرع ارموش وسويت حاجبي تحشى وشعري من الاساس سرح مايحتاجله شي وهوه طولان حيل
وويشمت على كف ايدي اسمي بالعربي ويمه طيور
باوعت لنفسي بالمرايه لا لا مستحيل اني سهى اتغيرت جذريا وصرت احله وبالاخص الرموش ناطيتني اطلاله خلابه بس شلفايده هوه اني خلك فصليه
سويت كلشي بنفسي وحسيت نفسي عروس صحيح اني ادري بروحي فصليه بس حبيت اسعد نفسي بشي
الي يشوفني يكول فرحانه بس اني محطمه من الداخل بس احب اكابر
جنت مستعده اواجه الحياة وصعوباتها
رحت لسوك وشتريت كل شي بسوك وما خليت حاجه
رجعت للبيت وطبت لغرفتي وكعدت ابجي صحيح هذا جان قراري بس مو معنا انو اني اتمنه يصير هيج
هوه اني حته مااعرف المن راح اتزوج هوه احله شي يطلع شايب غير انتحر 7
ضليت ابجي بسكوت وبعدين اجتي امي وكعدنه إلم بالغراض وسويناها 3 جنط كبار وحده ملابس طلعه ولخ ملابس سود ولخ ملابس الوان واخذت جنطه متوسطة
الحجم وحطيت بيها مكياجي والكاويه والبارمه مالشعر وعدساتي واكسسوارات مالتي
والخ حطيت بيها ادوات طبيه من العياده اخاف احتاحها
واخذت هم احذيه كعب
صارن كلها من جمعتها 4 جنط لان مامااصرت اخذ اغراض هولي لان كالت احتمال مايشترولج شي ويمكن بعد متصحلج الفرصه وتجينه حته ماتحتاجين شي ويكون كل شي عندج هناك
زاد هذا من قهري وحزني كعدنه اني وماما نبجي وهيه توصي بيه
كعدت الصبح بدلت ولبست بنطرون بيجي وبدي ابيض وقمصله نفخ بدون ردن بيجي بوت قصير ابيض وجزدان بيجي
وحطيت مكياج ولبست عدساتي الخضر طلعت حلوه ويه رموشي
وعفت شعري مفلول بس سرحته
نزلت ووعدت نفسي ماابجي
لان هذا قراري وقدري ولازم اواجها
نزلت اني وجنطي ولكيت كل الي احبهم موجودين بس محمد ماموجود
اول ماشفت المنظر كمت ابجي والكل يبجي ويايه وكلبناها مناحا
