كعدنه وبدت امي تحجيلهم عن محمد وتعدد محاسنه وكالت احنه جاين بشغلت خير وكذا وبعدين طلبت ايد البنيه وامه كالت نشوف ابوها طبت علينه البنيه والي عرفته اسمها حنان طبت لابسه فستان قصير ازرك فاتح ومكياج نازك وشعرها رافعته سلمت علينه وقدمتلنه وبعدين كعدت امي تسولف ويه المريه هيه وخالتي وراها اترخصنه وطلعنه رجعنه للبيت وبعد 4 ايام ردولنه خبر بالموافقه وسوينه المشيه مال زلم وحددنه الخميس يكطعون مهر سيد وبنفس الوقت حفلت خطوبه وجان بوقتها يوم ثلاثاء يعني بعد يومين رحت طبيت لغرفت محمد لكيته نايم كمت ادغدغ بي وهوه مايكعد جان الزم واضربه راشدي طير خده وهوه جرها الكصيبتي بكل قوته محمد .... يعني شلون منام الساعه 11 باليل شعندج جايه سهى.... حجيت ابدلع ...فوك ما جايبتلك جبس ليز ومحضرتلك فلم هيج تسوي بيه محمد.... اي وهسه على شنو كعدتيني او بالاحرى ضربتيني سهى .... شبيك حسومي جيت حته ندردش سويه . كام على حيله مخمد .... ها يله كعدت سولفي خلي اسمع سهى ... محمد اني احب واحد جرني من اذني محمد ..... شنووووو انتي شجاي تخربطين سهى..... هههههه دا اشاقه اوي ولك عوفني محمد... اي دا اكول ممعقوله هاي الصخله احد يكلبها سهى..... صخله طالعه على اخويه غير محمد ..... شوفي اني روحي واصله لخشمي وزعجتي نومتي عليه كله علمود تشاقين وياي سهى.... مددت على الجربايه مالته وآلعب بخصـل شـعري وكتله حمودي اني عرفت انو البنت انته اختاريتها احجيلي شلون تعرفت عليها محمد .... بالله الواحد شنو يحجي وياج هسه امشي طلعي يله دا انام سهى .... لا الله عليك بما انو طيرت نومة عينك تعال احجيلي الله عليك اخويه محمد.... منو كلج طارت نومت عيني اصلا اني لساتني نعسان سهى .... والله اذا حجيتلي اطلع وعوفك محمد .... اوك شوفي اني نوبه شفتها بالجامعه قبل سنه وعجبتني وضليت اراقب كل تصرفاتها وهيه مؤدبه وحلوه فضليت اراقب بيها لحد مندليت بيتهم واجيت اخطبتها سهى ... كمت من الجربايه وكتله بس هذا واني عبالي عايشين قصت حب وكذا شمرت الجبس عليه وكتله اخذا مااريده صوجي اجيت عليك هوه ضل يضحك ثاني يوم مارحت لعياده اخذت ماما ورحنه لسـوگ وشتريت فستان قصير وماما هم اشترت هدوم رجعت للبيت و اليوم الثاني كعدنه وبيتنه مخبوص جان عدنه خطار اني تريكت وسـآعدت مـآمـآ شـيه بگم شـغله وكملت وطبيت للغرفه وقفلت الباب طبيت اسبحت وبعدين لبست الفستان وكالون شفاف ونسقت ويا جزدان وحذاء ذهبي ولبست قللاده على شكل كلب بعدين شسورت شعري ورفعته وسويت تسريحه بسيطه وطلعت خصل من شعري وكعدت احط مكياج وبعدين لبست عدسات خضر ( وطبعا هيه عدسه طبيه ملونه فلهاذا مااطلع يوم اذا ما البسها والكل عبالهم هاي عيوني الحقيقيه لان ما لنزعها بس من اريد اسبح او انام) كملت وطلعت زينه .... ولج فدوه اختي هاي شطالعه سهى .... لعد شعبالج كل هاي الساعات الي جنت بيها بالغرفه علمود بس حته اطلع هيج صارلي ساعه اصبغ والبخ ابخلقتي حته اصبح جاهزه هههه زينه ....ههههہ ولج ليش متفتحين صالون وآلله آدگـومـين آتگرفين فلوس گرف سهى ... اكلج ليش ماتسكتين هوه اني العياده كوه ملحكه عليها انوب صالون الام .... يله بنات امشو نروح لبيت العروس سهى .... ماما اني ما اصعد بالسياره ويه البنات راح اروح بسيارتي الام ... بكيفج يمه سهى .... عفتهم صعدو الكرايب كلهم بسياره جبيره و ماما وخالاتي بسياره وزينه هيه وزوجها بسياره المهم يمكن طلعو 4 سيارات لبيت العروس عفتهم ولبست جبه فوك الفستان وطلعت بسيارتي وامشي خلفهم امشي ببطئ لحد ما وصلت ولكيت السيارات تارسه الشارع حرت وين اودي سيارتي وتندمت لان جبتها سهى ... اووووف يا ربي هسه اني وين راح اصف سيارتي كعدت افكر واباوع ولكيت مكات بنهاية الفرع رحت صفيت السياره بي بس اطريت امشي الفرع كله حته اوصل لبيتهم والفرع متروس ناس كوه مروه كدرت ادخل للبيت طبيت لصاله وذبيت هلهوله شكبرها وخالاتي هم من شافوني هلهلت كامو ويايه يهلهلون وطبعا اني متعوده اي عرس ادخله اهلهل بي رحت بوستها وكتلها الف مبروك حبيبتي ورحت كعدت يم ماما بعدين طلعت اغنيه احبها وكمت اركص ومتونسه و كومت اختي ويايه واني محد يلحكني بارقص جني فيفي عبدو انهار كله جنت ابيتنه اركص وذبيت لحم بعدين خلصت الاغنيه ورحت كعدت بمكاني مـر آلوقت بعدها احتاجيت اروح للحمام سهى .... ولج زينه دليني منين الحمام زينه .... واني شدراني روحي فتري بالبيت وانتي تلكي سهى ..... اوك طلعت وكمت افتر بالبيت وازدحام عبالك دانزور هههه شفت درج صعدت وضليت اتمشى لكيت غرفتين ضليت حايره ياهيه ادخل اختاريت وحده وطيبت بيها واخيرا لكيت حمامدخلت وبعدين كعدت اعدل بمكياجي وفجا انفتح الباب بقوه جفلت وكع قلم الحمره دخل ولد عليها وتفاجئ من وجودي هنا وضل مصدوم ويباوع عليه كتله اسفه لان دخلت الغرفه مندون اذن وهسه راح اطلع تكدر تدخل ضل صافن كتله انته تسمعني هوه ص حه وكال ها اي اي اسمعج منو انتي سهى ..... اني سهى اصير اخت محمد العريس وانته منو امجد.... اهلا وسهلا اني اسمي امجد ...سهى عاشت الاسامي امجد امجد.... تسلمين سهى .....ما كتلي انته ستصير من العائله امجد .... اني ابن خالهم واجيت بس حته اخذ المفتاح مال السياره سهى .... اها يله باي واسفه على الازعاج امجد ..... اوكفي اوكفي بس سؤال انتي محجبه سهى ..... لا مدا تشوف اني واكفه كبالك هيج امجد .... ههه بله دا اشوف سهى ..... يله باي امجد ..... دقيقه نتظري سهى ..... نعم امجد .... لا ولا شي روحي آسـتغفر آللهہ شـل جمـآل آلشـآيلت سهى ..... طلعت من الغرفه وتوني جاي انزل اتذكرت الحمره رحت اجيبها وجان الكا شالها وضمها بجيبه اني راسا نزلت ونزعجت من هذا تصرفه اجه السيد وعقد الهم وكعدو واحد يشرب الاخ عصير وياكلون كيك وبعدين لبسها الذهب وطكو صور وركصو وراح احنه بقينه شويه وبعدين طلعنه هففف واخيرا كلساع وحده جايتني وتسئلني انتي مخطوبه انتي مزوجه اكوللهم لا يكولون وين امج ادليهم ويكعدون يدكون اسوالف وياها خطيه امي هههه رجعو للبيت واني طلعت اتمشى حته اركب سيارتي وجان يجيني امجد امجد ... نتظري انسه سهى هاج هذي الحمره مالتج نسيتيها واني ضميتها يمي سهى .... ابتسمت اله وكتله شكرا واتمنه تناديني سهى وبدون انسه احسن امجد.... ماشي زين تريدين اوصلج سهى ...... لا مايحتاج سيارتي موجوده امجد .... على راحتج باي سهى..... باي ......رجعت للبيت ونمت وما كعدت لثاني يوم الصبح حددنه العرس بعد شهر واني كملت ايامي بين البيت والعياده ورند داىما تجيني ونكعد نسول ...... مر الشهر بسرعه بدينه نجهز لعرس محمد ومابقه غير بس يومين على الحنه كعدت ثاني يوم واخذت رند ورحنه نشتري ملابس من السوك وبعدين رحنه على المول وهم اشترينه كملنه ورجعنه للبيت ..... بعدين رحت لمركز تجميل وصبغت شعري ورجعت باجر الحنه باليل كعدت بالصاله وشغلت مسجل مالغاني ورحت صحت كل العائله وكعدنه نركص اني ومحمد وماما وبابا مايقبلون كوه زينه كومتها لماما وكمنه نركص واني ومحمد تكابلنه بالركص وهزينه لما ملينه وبقينه نركص لحد ماتعبنه ونمت كعدت البيت مخبوص بالنسوان رحت كعدت اسلم واسولف وياهم بعدين سويت ريوك وكعدت اكل لفة جبن بعدين رحت كعدت يم بنات خالاتي وعماتي وكرايبي الي همه كلهم مزوجين اول ماكعدت لسلمت وبعدين كعدنه نسولف وكلساع ناطه وحده ودكول اكول سهاوي شوكت توزوجي سهى ... حجبت ابداخلي يابه قابل اني كاعده على كلبكم دكافي هسه هوه جاي واحد بي خير ورافضته اوف وله قهروني صارت الساعه 1 وصبو غده وبعدين كعدو يحضرون لان راح تصير الحنه مالرجال ابيتنه وبعدين دخلت سبحت وكملت واخذت ملابسي ورحت لصالون سويت شعري تسريح بسيطه وحطيت مكياج بيدي لان اني اعرف احط ولبست عدساتي ولبست فستان وردي قصير كله ورد
يتبع
#Nosha
