dakjagongi atimu kang lara
nalika sikil gapukmu nyoba
ngadeg sinukarta sapinggire watu
kang ana ing samudra minangkalbu
ora usah selak
ora usah kumbi
yen nyatane atimu ora bisa
dadi segara kang bawera
nampa lethege banyu kali kang mili
saka tilase bocah kang kekocehan
ngumbar seneng ing sikil gunung
ora usah selak yen atimu lara
tetepa nyawang segara
rungokna swarane ombak wengi
sing pungkasane bakal mbisiki
apa sing njalari watu karang
bisa gempil dadi wedhi?
padhepokan sawunggaling, 2014
