angin sore, sumilir lir ndalidire
kangenku mring sliramu
ana ngendi dununge kangenmu?
langit sore, mung njingga abang tanpa wangsulan
krungu pitakonanku: ana ngendi kapangmu bakal tumangsang?
ing sore pang-pang jati kapangmu daklari
ing sore carang-carang ori kangenmu dakenteni
ing sore langit sore
kangenmu isih durung daktemu
ing sore langit sore
kangenku kandheg kerem ing dalu
apa maneh sing bisa dakluru
saka rasa kangenmu kang dudu darbekku?
Masangan Wétan, 2018
