ana mendhung tumiyung
nalika guwayamu nglayung
nyimpen wewadi lungit
sawalike langit peteng kang wingit
ana mendhung netesake grimis
nalika aku kepengin maca sasmita
saka mendhung kang nggembuleng peteng
--grimis kandha: langit lagi nangis
--langit takon: apa kowe ora miris?
saka tlethik wersa kang pungkasan
katon sliramu isih ngempet waspa
apa sliramu durung bisa nglenggana?
tetesna waspamu satengahe wersa
murih bisa langsung binasuh
klawan weninge tirta kang mijil saka angkasa
mendhung kuwi tumiyung mangulon
lamat-lamat cahya kuning miyak mendhung
semelete srengenge mbabar praba katresnan
papagen cahyane
papagen!
padhepokan sawunggaling, 2014
