3.
~ Winner
~ TeOoWai_Wine
~ New Year Special
================
ဝိုင် တစ်ယောက် တည်ဦးဝေ ပြင်ဆင်သမျှကို ပြုံးပြုံးကြီး ငေးကြည့်နေလေသည် ။
"ဝိုင် မင်းငါ့ကို နည်းနည်းပါးပါး မကူချင်ဘူးလား "
"ကျွန်တော် ဘာမှ မလုပ်တတ်ဘူးလေ ဦး ကလည်း "
ဦး က သက်ပြင်းချပြီး ထမင်းကြော်ကို ဆက်ကြော်နေလေသည် ။ ဦး ဟင်းချက်နေတာကို ငေးကြည့် နေရသည်မှာလည်း အနုပညာ တစ်ခု ။
ထမင်းကြော်တွေကို ပန်းကန်ထဲသို့ ပြောင်းထည့်ပြီး ကျွန်တော် ထိုင်နေသည့် စားပွဲပေါ်သို့ ယူလာပေးသည် ။ မျက်နှာက ထုံးစံအတိုင်း တည်တင်းနေဆဲ ။
နွားနို့စိမ့်စိမ့်လေး တစ်ခွက်ကိုလည်း ကျွန်တော့်ရှေ့သို့ မမေ့မလျော့ ယူလာပေးသည် ။
"ဟာဗျာ ဦးကလည်း ဒီညတော့ ဝိုင် သောက်ကြမယ်လေဗျာ "
"မရဘူး "
Laptop တစ်လုံးဖြင့် အလုပ်ရှုပ်နေသော ဦးကြောင့် စိတ်တိုလာသည် ။ New Year ညမျိုးမှာတောင် သူက အလုပ်လုပ်နေတာကတော့ လွန်ပြီ ။
"ဦး "
"အင်း "
မျက်မှန်ကို တစ်ချက်ပင့်တင်ရင်း ဖြေသော်လည်း အကြည့်က laptop ကနေ နည်းနည်းလေးမှ ခွာမလာ ။
"ဦးဝေ "
"အင်း "
လှည့်တောင်မကြည့် ..... စာရိုက်တောင် မပျက်ပဲ ဝတ်ကျေတမ်းကျေ ထူးသည် ။
အလုပ်များနေလို့ စကား မပြောနိုင်ဘူးပေါ့ ? အိုခေလေ ရတယ် ... တစ်သက်လုံး အလုပ်ပဲ လုပ်နေပစေ !
"ဝိုင် ? "
ပြန်ထူးသံ မကြားလို့ လှည့်ကြည့်လိုက်တော့ ကောင်လေးက ထမင်းကြော် ထိုင်ပြီး စားနေလေသည် ။
"ဘာပြောမလို့လဲ ဝိုင် "
"...... "
လုံးဝ ပြန်မဖြေ ။ နွားနို့ သောက်ရင်း ဖုန်းတစ်လုံးနဲ့ အလုပ်ရှုပ်နေလေသည် ။
ဒီကလေး စိတ်ကောက်သွားလေပြီ ။
"ငါ မချော့တတ်တာ မင်းသိရဲ့သားနဲ့ ဝိုင်ရာ "
