Birthday Event _ 2 🎂🎂
☆☆☆☆☆☆☆☆
"နင်ရွှေဘို မပြန်တော့ဘူးလား ရှင်း "
"ပြန်ပြီး ဘာလုပ်ရမှာလဲဟာ နင်သာ မြန်မြန်ပြန်စမ်းပါ နင့်ရဲ့ ငယ် က နင့်ကို မေ့သွားဦးမယ် "
"No way ! "
ဇော် ကတော့ ထုံးစံအတိုင်း ရှပ်အင်္ကျီ တစ်ထည်ကို ဂျင်းဘောင်းဘီနှင့် တွဲဝတ်ထားသည် ။ စကားပြောပုံတွေ နည်းနည်း ပြောင်းသွားသော်ပေမယ့် အမူအကျင့်တွေက မပြောင်း ။
"ဇော် နင့်ကို ဒီမှာ ရွှန်းလို့ ခေါ်ကြတာလား"
"Yeah ! "
"ပြောတော့ မိန်းကလေးဆန်တယ် မကြိုက်ဘူးလေး ဘာလေးနဲ့ "
"လူဆိုတာ အကြိုက်တွေ ပြောင်းလဲတတ်တယ်လေ "
ဒါပေါ့လေ အကြိုက်တွေက ပြောင်းလဲတတ်သည် ။ အချစ်ကိုသာ ပြောင်းလဲလို့ မရနိုင်တာ ။
"မမရွှန်း မြည်းကြည့်ဦး သံပရာရည်နဲ့ တူနေပြီ "
မင်းယံ အပြောကြောင့် ကော့တေး ဇလုံကို ကြည့်လိုက်တော့ သစ်သီးဖျော်ရည်နဲ့ ပိုပြီး တူနေသည် ။
ပလက်စတစ်ဇလုံ ခပ်ကြီးကြီးတွင် ပန်းသီး ၊ နင်္ဂါးမောက်သီး ၊ ပန်းသီတော် ၊ စပျစ်သီး ၊ သံပရာသီး ...စတာတွေကို ရောပြီး ဝိုင် ထည့်ထားသည်။ ဆော်ဒါ ၂ ဗူး စပ်ပြီး ဟန်နီကန် တစ်ဗူးသာ ထည့်သည် ။ ရေခဲတွေက အများကြီး ။
"Oh God ! တကယ်ကြီး ဝိုင်အရသာတွေတောင် ပျောက်ကုန်တာဘဲ သံပရာသီး ဘယ်လောက်တောင် ထည့်လိုက်တာလဲ "
" ၄ လုံး "
"ရေခဲတွေ ပြန်လျော့လိုက်မယ် ရေခဲတွေ အရမ်းများနေတယ် "
"ကျွန်တော်ပြောပါတယ် ဟန်နီကယ် များများဝယ်ပါဆို "
"သောက်ကလေးရဲ့ မိန်းကလေးတွေလည်း ပါတယ်လေ နင့် မမမေ မူးပြီးငါ့ကို လာရစ်နေလိမ့်မယ် "
"မမမေ ကို စပိုင် ထပ်မှာလိုက်ပါလား မား "
"အေးအေး "
မေ့ ဆီ ဖုန်းဆက်တော့ တော်တော်လေးနေမှ ကိုင်သည် ။
"မေ ရေ ဘယ်ချိန်လာမှာလဲ မြန်မြန်လာ မေ လာရင် ဝယ်ခိုင်းစရာလေးရှိလို့ "
