لما لا....... 😔

1

⛬لما لا... 😔
.
.
.
فعلاً احني شعب مانحسوش بقيمة الحاجة الا لما نفقدوها وهادي حكمة تقعد معاك لآخر بارت في الرواية وفي كل بداية بارت ح نكتبها.
..
.
.
انا :ماما بالله عليك مش بالسيف افهموني عمر تكلم قول حاجة.
بابا:لا خلاص البنت ماليهاش الا حوش راجلها لازم تتزوجي.
عمر:آسف عندي شغل وتأخرت..... خدي بضاعته وطلع.
ماما:نوضي وتي روحك بسرعة
انا:نبكي :حاضر لاكن  ماما حرام عليك 😥
ماما:انهي الموضوع ونوضي وكان هادا مش راضيه عليه.
(نضت خشيت لداري متحطمه تعبانه من الوضع تعرفوا الراجل هادا بعمر بابا يعني كان عنده بنات اكيد ح يكونوا من عمري ياربي علااش يصير معاي هكي ياربي ساعدني)
.
.
.
.
.
اكيد تبو تعرفوا منو هادو صح
انا ملاك  عمري24 سنة خريجة محاسبة وقعدة مانخدمش لان مالقيتش شركة نخدم فيها
انا تعبت هلبا لان اهلي مش حاسين باللي نحس فيه انا مش عارفة كيف بنتصرف.
عمر هدا خوي اصغر مني 23 سنة
ديما يوقف معاي ويساعد فيا المره هادي فاتني وحطني في الامر الواقع اللي كان كل شي يضرني يلغي فيه توا طلع وخلاني بروحي.
هادي عيلتي وبدل مانقول السعيدة خلوها التعيسة اللي بدمرلي حياتي
شي يقهر يحرق الدم.
قبل ماننسى لو عايشين مع عيلتكم حياة حلوة قولوا الحمد الله.
ولاكن انا مقتنعة ب(إن الله إذا أحب عبد ابتلاه) 💛
_____________________________
- (نضت جهزت نفسي لما سمعت الباب يطق وانا نرعش  خايفة مش مستريحه)
جت ماما طقت على الدار
ماما: انزلي اعطي  القهوة للراجل بسرعة.
انا:ماما ارجوك..
ماما:قطعت عليا : لالا ارجوك لا هم يحزنون بتسكري فمك وبتنزلي ولا عندي تصرف تاني معاك
(هه هادي امي يا ناس لا وتقول فيها بكل بروود اعصاب وعادي طلعت وقربعت الباب في وجهي دموعي ينزلو بروحهم وجهي شاحب قلبي كل مرة قاعد يتكسر اكتر من اللي قبلها ومع هدا انا نقاوم نزلت سلمت علي اخته اللي هي بعمر حناي وخشيت المربوعة وراسي لوطة)
بابا :خشي نستأذن انا هي يا فتحي
انا : في داخلي نقول بابا لا لو سمحت ماتطلعش اقعد معاي خايفه: ح ح حاضر.
-(نشبح لوطة ركزت كأن نفرين مقعمزين نحسابة عمر خوي لا كن لا)
هادا الراجل اللي جاي يخطب اسمه فتحي
عمي فتحي: شنو يا بنتي حتى انا بنخليكم وتكلمي انتي ولدي على راحتك.
(اهني وكأن من صب عليا اميه سخونة يعني الولد اللي جاي يخطب شاب فرحت شوية في داخلي ولاكن قاعده مش مطمئنة من الوضع هدا مش مريح الوضع بكل وكأن بيقتلني ولا بيخطفي عم السكوت لحد ما هو تكلم)
الولد : اسمعي يابنت الناس انا مانبيش نتزوجك راه لاني مغصوب عليك دبري اي طريقة بش تخلي الموضوع يتسكر لان وضعي مايسمحش بكل..
انا: تلبكت و متوترة  : وانا انا مغصوبة عليك ومن الاول مش موافقة
.
.
.
.
(تعرفوا كنت نتخيل ان الحديث ح يكون هكي لاكن طلع العكس اللي قريتوه فوق كله وهم و وانا مش مركزه معاه شن يقول بكل اللي فوق كله انا نتخايل لو هو هكي قال لاكن طلع العكس وقطع حبل افكاري لما تكلم)
علي:انا يااا... ملاك اسمك ولا
انا:ايه....
علي:ما شاء الله اسم على مسمى...
عارفك مش موافقة لاكن بالسيف عليك بنتزوجو تبي ولا وأخيراً  بوي وافق يجي يخطبك ليا لان كان بيخطب لعمي.
انا: آآآ.....
علي:قص عليا: لا آآآ لاشي بتوافقي ولا عندي تصرف تاني معاك....... (بنظرة تخوف) فهمتي ولا كيف.
(انا ياربي كيف بندير شن المخلوق هادا  لا لالالالالالا انا مش ح نوافق ردي عليه ماتخليشي يستغل ضعفك بسرعة ردي)
انا: نبكي وبشهقات :لا انا مسستحيل نوافق على واحد زيك مهما درت انا مستحيل نوافق فهمت ولا لا (شفتله بنفس النظرة وصوت هادي) مستحيل نوااافق.
(وطلعت من المربوعة ابتسمت بنصر و كنتش نعرف باللي ح يصير)
خشيت لداري وانا نبكي وفرحانه في نفس الوقت طلعت شنطة صغيرة حطيت فيها وحوايجي بعد ما طلعو  الناس ونزلت  بابا قعد يشبحلي مصدوم 😲
بابا: خيرك يا بنتي وين ماشية
انا:تعرف انت شن قلتلي قبل انا مستحيل اندير حاجه تزعلك ولو جي يوم ودرت حاجة تزعلك اطلعي من الحوش وتوا انا زعلاانه
ماما:ايه اطلعي اللي ينقص ينقص وبعدين تعالي جاي شن الكلام اللي قلتيه للولد.
(خش عمر وانا سكتت لان الباين سمع شن قالت ماما).
عمر:امي هادي بنتك حلوة اللي ينقص ينقص.
انا: عمر ماتتكلمش انا طالعة.
( وخديت شنطي بنطلع من الحوش وقفني صوت بابا)
بابا : كان طلعتي من الحوش هادا مش راضي عليك لين نموت.
انا: بابا حلوة حتى هادي كان ما تزوجتش ولد صاحبك مش راضي عليا وكان طلعت مش راضي عليا انا بنطلع ومش متزوجه مش عارفة شن  اللي غيرك يا بابا كنت انسان كويس.
عمر : ملاك ملاك استني
(انا طلعت وخليته وانا نبكي وين بنمشي اتصلت بصاحبتي وجدان هادي صاحبتي من لما كنا في الابتدائي)
انا:نبكي :وجدان الحقيني بسرعة.
وجدان:وين انتي خيرك تبكي شن في.
انا: طلعت من حوشنا مش عارفة وين بنمشي.
.
.
.
.
.
خلي نحكيلكم على وجدان شوية
(هادي صاحبتي هلبا زي اختي بالمختصر  هي عايشة في حوش بروحها لان امها وبوها متوفين وهي تخدم في شركة معروفة في جيهتهم بس للأسف انا ماقدرتش نشتغل فيها لان بعيدك علينا شوية)
.
.
.
جتني وجدان ركبت معها السيارة ومشينا للبحر صح كان الجو صقع شوية لاكن الجو حلو البحر ينسيك هموم الدينا والهموم اللي حاملها فوقك كلها تمشي قعمزنا على الشط.
وجدان :مااتبيش تحكيلي خيرك من السيارة وانتي تبكي.
انا : تعبت..........
وجدان :علاش تعبتي..
(حضنتني وقعدت نحكيلها شن صار)
انا:مش عارفه توا وين بنقعد...؟!
وجدان :ضربتني ببصاره:يا مهبولة وانا شن اندير بتقعدي عندي وتو نقنع مالك يخدمك في الشركة.
انا: من مالك هادا.
وجدان: هادا المدير متع الشركة ما شاء الله عليه يخدم هو وخوه وحتى ولد خالته كان يخدم معاهم غير الفترة اللي فاتت صارت....
انا: خلاص وانتي ماصدقتي ع المهم صحيتي كان انتي مش معاي مش عارفة شن كنت بندير.
وجدان:تليفونها يشرين : لحظة هادي خالي نورا ام مالك.
انا: ردي ردي وانتي شكلك متعرفة على العيله كلها.
ردت وجدان
وجدان: الو خالتي كيف حالك وكيف حال الصغار.
خالتي نورا:اهلين يا بنتي اسمعي جايك احمد جايبلك حاجات بش تفتحيله.
وجدان : حاضر  خويلة هي بالسلامة نتلاقو سلميلي على مها.
خالتي نورا: ان شاء الله 💜
وصكرت
وجدان : نوضي نوضي احمد جاي بسرعة.
انا: من احمد خيرك
وجدان : نوضي تو نحكياك في السيارة.
انا: تمام.
.
.
.
.
.
.
في السيارة⛬⚪
وجدان: هادا خو مالك العيلة هادي قالولي ان زمان كانو يعرفو عيلتي يعني ماما وبابا الله يرحمهم  فهمتي ومالك هادا صديقي وبنتهم اللي طلعت معانا هداكا اليوم للسوق عرفتيها
انا: ااااااااهاا ايه عرفتها البنيه هديكا حتى مره تلاقيت معاها في حوشك.
وجدان : ايه ايه هادي... خالتي نورا تتصل تاني ان شاء الله خير ......... الو خالتي
نورا: يا بنتي راهو مالك اللي بيجيب الحاجات مش احمد تلخبطت.
وجدان : عادي مافيش مشكلة هي بالسلامة.
نورا؛ بالسلامة.
(وصلنا للحوش)
وجدان : انا بنخش ندوش كان شرين الباب افتحي راهو مالك مش براني عادي.
انا: وجدان الولد ما نعرفاشي ولا عمره شايفني شن بنقوله.
(مشت خلتني نتكلم)
وجدان : من الحمام: نننننن عادي شن فيها
انا: تمام غير اطلعي تو نوريك.
.
.
.
.

.
بعد ربع ساعة ⌚
طق طق طق طق
انا: لحظة بس..
(لبست وشاحي وفتحت الباب وااوو من هادا خيال لالا هادا انسان حقيقي لا لا والله نتخايل)
مالك: ااوه آسف شكلها وجدان عندها ضيوف.
انا: انت مالك صح
مالك : ايه لاكن من انتي معرفتكش.
انا: (ياربي معاش عرفت شن نقول افف) : انا ملاك صاحبت وجدان  تفضل خش
مالك :لا تأخرت ما نقدرش سلمي على وجدان وقوليلها هادو الحجات من امي.
انا: يوصل ان شاء الله
مالك: تصبحي على خير وفرصة سعيدة.
انا: تسلم وانت من اهل الخير ❤️
-(في سري نقول روح خير ما نطيح من طولي ياربي على الجمال خلقت لحية وعيون رموش)
روح هوا انا صكرت الباب وقعمزت على الصالون لما شفته نسيت اني حتى بنكشخ على وجدان 😭😭😭🤭
انا:وجدان شن هادا حق ولا حلم ياربي خلاااص قريب طحت قدامه.
وجدان: تجفف في شعرها: حبيبتي ماشفتيش البنات اللي في الشركة كيف بيهبلو عليه.
انا: والله عنده حبيبه ولالا
وجدان :مانعرفش لاكن في وحده في الشركة حاطاته في راسها.
انا: اهاا يعني بالسيف هي
وجدان: ايه بالسيف المهم تمشي معاي غدوه الشركة.
انا: باه اصلا خايفة حد يعرفني وين.
وجدان: باه  تمام وتي روحك انتي انا خلي نشوف خالتي شن بعتتلي تمام
انا: تمام.
(مشيت قعدت نفكر شن بنلبس طلعت لبسه حددتها قلت بش غدوة تبدا واتية.
وطلعت لقيت وجدات مقعمزة تاكل)
انا:ما شاء الله هادا من ايديات عزوزتي
وجدان:ههههه من ولت عزوزتك
انا: يلا الايام قدامنا وتو انشوفو 🤭
دوبت فيه
وجدان :اووووو مشاهدينا الكرام ننقل اليكم هدا الخبر وصديقتي العزيزه وقعت في الحب 😂😂😂
انا:😅اسكتي انبصر راه .... اخخ راسي 😣
وجدان:😲خيرك ملاك شن في
انا:لالا شي صداع بسيط بس
وجدان :تمام... استريحي شكلك ماكليتيش كويس
انا: تمام انا بنخش نرقد غدوه لما تنوضي نوضيني.
وجدان :تمام ياعمري ارتاحي انتي.
.
.
.
.
(خشيت رقدت وانا تعبانه اليوم رقدت طول ماحسيتش بشي حلمت بي مرا تقولي يا بنتي انا استاحشتك خليك مع صاحبتك ردي بالك تولي للحوش غادي
راهو بيدمرولك حياتك)
وجدان: نووووووضي وقت يابنت نووووووضي وقت عليا.
انا: ووك بسم الله صبح خيرك تلعلعي
وجدان : وقت عليا يا حب نوضي.
انا: تمام دقيقة.
(نضت جهزت نفسي  ومشينا للشركة)
وصلنا للشركة كانت كبيرة وديكورها حلو 😍
انا: محلاها الشركة.
وجدان: ايه حتى مديرها حلو 😂😂
انا: حرجتني : 😅 هو مش هكي انتي توا بتشديها في جرتي 😭
(قمت راسي لقيت مالك جاي ياربي قويني)
مالك: اححم اهلين وجدان صباح الخير.
وجدان :صباح النور مالك شن الجو
مالك : تمام صباح الخير يااا... نسيت اسمك 😅
انا: ملاك صباح النور.
وجدان: مانقدرش نخليها في الحوش بروحها لظروف ما تسمحش عادي لو قعدت معاي؟!

مالك: هو عمري رفضلك طلب ايه عادي
وجدان: تمام هي تعالي.
(مشينا قعمزنا في مكتب وجدان وقعدنا نهدرزو وهي تخدم فجأة طق الباب)
وجدان: تفضل
فتح الباب  وخش
انا:😲😲😲....... يتبع
ان شاء الله تعجبكم ♥️
💛 💛 @mayoura_s
جاري كتابة البارت 2..
..................( لما لا... 😔)