لما لا....... 😔

2

⛬لما لا... 😔.
.
.
.
فعلا احني شعب ما نحسوش بقيمة الحاجه الا لما نفقدوها.
.
.
.
(واحني مقعمزين نهدرزو فجأة طق الباب)
وجدان : تفضل
فتح الباب وخش
انا:😲😲 من هدا
وجدان: احمد قداش مرة قلتلك معاش تجي لمكتبي.
احمد: الصراحه كسدت ومعاش عرفت مع مني بنتعارك.
وجدان: لفت كرسيها: كساد وقته الكساد توا اطلع ماعنديش خلوق ليك.
احمد: باهي ماما وجدان  عرفينا منو هادي.
انا:😂😂.
وجدان :هادي صاحبتي ملاك ملاك هادا احمد خو مالك.
احمد: اها قولي من الاول حبيبة مالك خير من آية المطرشقة.
انا: حبيبه منو 🤨 شن تقول
وجدان : ايه حبيبة مالك وتوا ياشطور اطلع.
احد: الله على الاخبار الحلوة اكيد امي تفرح لما نقوللها خلي نمشي نفجر القنبلة. 😶
انا: لا لالالالالالا ماتفهمش غلط تعالى يا استاد يا انت شن اسمك افففف منك وجدان شن المصيبة اللي حطيتيني فيها موقف بااايخ.
وجدان : ههههههه 😂 😂 وووووه تستاهلي لاكن عادي تستفادي.
انا: باهي بنمشي نعتدر من مالك لان لو خوه قال لي امه ح اصير مشكلة..... اففف قوليلي وين مكتب مالك توا
وجدان: اوووووه الباين في تطورات الدور الاخير الكتب اللي فوق مكتبي.
انا: والنبي اسكتي وعندي تصرف تاني معاك.
(ركبت للدور الاخير كيف بنطق على الباب جتني بنت اففف شكلها مستفزة)
البنت : يا أخت تبي مالك
أنا : ايه لو سمحتي مش هادا المكتب متعه .
البنت: لالا ماتقدريش تخشي من غير موعد وبعدين اشكال زيك مايخشوش لمكتب المدير
(مالك كيف طالع من المكتب سمع الكلام اللي قالاته البنت.)
مالك: بعصبية: هي آية شن تقولي انتي عيب تتكلمي مع الضيوف بالطريقه هادي والا والله حيتم طردك من الشركة والتالته تابته
آية: آسفة استاد مالك لاكن
مالك: مالاكنش اعتدري من ملااك توا
آية: مالك هي اللي....
مالك: اولا استاد مالك  و تانيا اعتدري توا
انا: مالك مافيش داعي عادي متعودة على نمادج زي هادي
مالك: آية
آية: ح ح حاضر انا اسفه يا انسه.
ملاك: شكراً
(مشت آية وقعدت انا ومالك ساكتين دارلي اشارة بإيده خشي للمكتب مشيت وراه وقعمزت على الصالون )
انا: شكراً علاش كبرت الموضوع
مالك:انا قداش ليا نبي نطردها لاكن بوي مش موافق لانها بنت صاحبه.
انا:المهم مش هادا موضوعنا
مالك: وقف على الروشن : تفضلي احكي.

انا: قبل شوية جي خوك لي مكتب وجدان وو........................ َ
مالك: ووااك شن القصة هادي افف تو امي تعشش فيا.
انا: انا قلتلها تسكت هي ماتبيش.
مالك: المشكلة اني مانعرفكش خلي نتصل بيه قبل مايوصل
(اتصل مالك بي احمد ونسمع في يهزب فيه وبعدين جي قعمز جنبي)
مالك:بهدؤ :كلمته مش حيقول شي
.....
آآآآآآ نسألك؟؟
انا:اكيد ❤️
(تبو الحق خفت يكون يعرف علي ويقوله على مكاني)
مالك:شن الظروف اللي ماتسمحش لي وجدان تخليك برووحك هو صح انا مانعرفكش كويس لاكن ممكن نقدر نساعدك.
انا:اطمنت شوية: هوا شوية مشاكل بس نتعرفوا على بعض اكتر نقدر نحكيلك............ آآه راسي
مالك:خيرك شن في
انا:(حسيت الصوره بدت مشوشة ومش واضحة) :صداع مش طبيعي.... اخخ
مالك:نرفع نعاينك..
انا: لالا مش لازم خف الوجع عادي... شكراً.... لوسمحت وين الحمام|أكرمكم الله|.
مالك: جنب مكتبي على اليمين.
انا: تمام......... وطلعت.
(مستغربة شن هدا راسي قعد يوجع اخخ وجع مش طبيعي الصوره مشوشة مشيت بخطوات مهزوزه للحمام | أكرمكم الله | وراسي بتفجر علاش الوجع هادا زعما خشيت قعدت نتفرج على وجهي في المراية علاش وليت هكي خيره وجهي شاحب تحت عيوني ارهاق اخفيتهم  بالمكياج بش ماحد يلاحظ اني تعبانة خلاص تعبت ..... 😔
قطع حبل افكاري صوت تليفوني هادا عمر يتصل افف رديت عليه:)
عمر:بعصبيه :تقدري تفهميني وينك معقوله هكي تعرفي مانقدرش نقعد من غيرك في الحوش.
انا:(طلعت من الحمام |أكرمكم الله | ووقفت قدام مكتب مالك وانا مش منتبهه) : عمر انا مستحيل نرجع للحوش فهمتني مستحيل .
عمر: انا تكلمت مع بوي هو رافض فكرة تسكير الموضوع من راسه والله تكلمت معاه حاولت تقنعه......خلاص ولي للحوش.
انا: تأثرت :لا عمر آسفة هلبا مانقدرش  لما تلغوا موضوع الزواج من راسكم نرجع وتوا لا مستحيل مستحيل مستحيل..... سكرت الخط وانا نبكي عييت والله عيت شن العيشة هادي.. افف.
(طلع من وراي مالك)
مالك: شوية بنخطم.
انا: آآآ آسفة.
مالك :لالا عادي آآ جبتلك بنادول تفضلي
انا:خديتهم: شكراً......... ومشيت لي مكتب وجدان .
.
.
.
.
.
.
.
.
.
.
.
.
. عند وجدان في المكتب ⛬
(عندها احمد ويتعاركوا انا وقفت قدام الباب نسمع فيهم ونضحك)
احمد: و الله هادي شركك خوي يا ماما توا بسببك انتي حصلت هزايب من مالك عاجبك.
وجدان : اففف شن دخلي انا انت سألتني وانا جاوبتك خلي ان شاء الله يعطيك طريحة اطلع من مكتبي اطلع.
احمد: مش طااالع انا بنغني اسمعي صوتي هوا مش حلو لاكن عادي
وجدان: انت مرييض انا نكلم فيك في موضووع وانت تتكلم في حاجه تانيه.  احمد: والله نغني ونطلع بالك يعجبك صوتي.
وحدان:(عدلت تقعميزتها) : اففف هي غني.
احمد: شن انغني اختاري اغنية.
وجدان :غني اللي تبي احمد تربح عندي شغل بسرعة.
احمد: تمام إحم إحم
{م البداية  قلتلك إن مش ديماً يكون الحب كافي....... و الحياة لها حسبة تانية يومها نزلت دمعة منك فوق كتافي........ قلت أحاول  قلت حاضر بس أوعي ما تكمليش لو هتمشي إمشي حالا لو فضلتي ما تبعديش........ انا ما كنتش عاوز علق نفسي بحب نهايةُ جروح ليالي ابني في وهم وحلم ويجي في ثانيه ده كلو يروح واديني اخدتِ نصيبي من حبيبي جرح آسي كبير ساعات لما الجرح بيجي بسرعة بيبقى اهون بكتير}.  [حماقي  {م البداية} ]