لما لا....... 😔

15

لما لا..... 😔
.
.
.
فعلاً احني شعب ما نحسوش بقيمة الحاجة الا لما نفقدوها

.
..
.
.
.
.
عند مالك و مها ⛬

مالك :مها اليوم خطبوك مني ناس
مها :خافت :من هما انت عارفني مانبيش نتزوج لين نكمل قرايتي
مالك :بس
مها :مش بس مالك انا رافضة
مالك :عمر.
مها :😳😳😳
مالك :خيرك انصدمتي خلاص تو انكلمه واقوله مافيش نصيب.
مها :-(حي على الغباء مها كيف ترفضي قبل ما تعرفي منو) :من عمر 😮
مالك :عمر خو ملاك، يعني انتي رافضه الفكرة بكل نقوللهم مافيش نصيب ولا يجي وتشوفيه..
مها :م م مش عارفة على راحتك...
مالك :تمام بعد غدوة يجو كويس ولالا... اسمعيني مها النظرات بينكم في الجنان بكري واضحة لو في شي بينك وبينه قولي لملاك عادي يعني انتو زي الاخوات وانا فاهم وعارف كل شي 😉.... وطلع وخلاها خايفة قريب تموت كيف يعرف كل شي ..
مها :شن هادا 😱يعرف كل شي حي علياااااا.... ههه دارها عمر الله حياتي 😂 والله دارها يهبل الحيوان نحبه 😁.....وتلوحت على سريرها وهي فرحانة...
-(مها نوعا ما كانت مطرشقة يعني فيها الطقة 😂)
.
.
.
.
.
.
.
.
نورا :شن قالتلك اختك..
مالك : قالتلي اللي يريحك ديره...
احمد :الصراحة ولد ماشاءالله ان شاء الله توافق....
محمد :اي خلاص معناها بعد غدوة يجو قولي ل خوك يا بنتي..
انا :حاضر عمو ان شاء الله 💜 😊
نورا :بنتي بري شوفي مها خيرها غبرت 😂
مالك :شكله اغمى عليها 😁.... و غمزلي😉

انا :😅..... (ومشيت لي مها لقيتها متلوحة على السرير فرحانة هلباااااااا) شنوو مها.....

مها :انا فرحانه خلوني. 😭😭😍😍
انا:هههه به امم هي نصبحي على خير ❤️
مها : وانتي من اهلو 😙..

انا : تصبحو على خير ❤️.
نورا :اي اركبي أرتاحي حبيبتي اكيد تعبانة.... (انا ركبت وخليت مالك لوطة يهدرز مع امه وابوه و بعدها بي ربع ساعة ⌚ ركب رقدوا لان تعباني هلبا )

عند رسل ⛬
رسل:(نضت جو الساعة 4 لقيت روحي في فراشي جنب نور ولما طلعت لقيت ايوب راقد و اللابتوب في ايده) :ايوب..... ايوب..
ايوب :همممم..
رسل :نوض ارقد جنب نور...
ايوب : باهه ادن الفجر..
رسل :لالا مزال...
ايوب :(ناض سكر اللابتوب و مشي رقد جنب نور و نور اول مارقد بوها جنبها لصقت في حضنه..) :هه مارقدتيش يا حلوه ♥️
نور : لالا رقدت لاكن انا نبي نني جنبك ❤️بابي..
ايوب :هي ارقدي حبيبتي الصبح قريب يجي راه.
نور : حاضر بابي.... (باساته على خده ورقدت).

ورسل توضت و صلت ركعتين و قعدت تستنى في الفجر قعمزت تقرا في قرآن.....لين ادن الفجر ناضت صلت و مشت رقدت....

صبااحــــــاً ⛬

طبعآ بما ان العيلة آمــس كلها تاعبة فمن سابع المستحيلات ينوضوا بكري ناضو جو الساعة 12 و طول عمتكم نورا خشت تجهز في الغدي اما مها فكانت طايرة من الفرحة و من كتر ماهي فرحانة لين نست انها تكشخ على عمر لان ما قالللهاش انا نضت الساعة 🕐 1 درت دوش وجهزت نفسي ونزلت بنحضر الغدي مع عمتي اما مالك فكان تعبان خليته راقد ونزلت و نفس الشي رسل خلت نور وايوب راقدين ونزلت لان مارقدتش....
نورا :رسل بنتي بري نوضي المطرشقة مها من الفرحة معش قدرت اتنوض..
رسل :علاش شن في....
نورا :آمس بعد ما روحتوا عمر خو ملاك خطبها فهمتي...
رسل :آآآ باهي مبروك ربي يتمم على خير ❤️.
نورا:سلمك هي بري نوضيها و نوضي نور وايوب وانتي اركبي نوضي راجلك بسرعة الغدي بيبرد هيي بسرعه..
انا :حاضر به...