لما لا....... 😔

16

لما لا..... 😔الآخير
.
.
.
فعلاً احني شعب ما نحسوش بقيمة الحاجة الا لما نفقدوها

.
.

عند رسل ⛬
نور :ماما جعاانة هيااا..
رسل :حاضر حبيبتي باهي

عطت لي نور حاجة تاكلها و طلعت لوسط الحوش وين ما ايوب يشتغل بس الصدمة ان ايوب كان مريض مش قادر يتكلم و حرارته منخفضة و صقعان هلبا شواربه زرق و عيونه و مش قادر يتحرك قعد يأشر بيده لرسل بمعنى تعالي...
رسل :مشتله و معاش عرفت شن بدير حرارته منخفضة هلبا 😔:ايوب تسمع فيا شوية بس انكلم حد من الشباب ايجي يرفعك للمستشفى 💔

أيوب قعد يحرك في راسه بمعنى باه...

مشت رسل كلمت مالك و لحسن حظهم احني كيف وصلنا للحوش ركب مالك يجري قعد يساعد في ايوب بش يقدر يتحرك...
ايوب :صقع يا ماالك مانبيش نطلع...
مالك : رسل جيبي بطانية....
رسل :تمام.....😔.
(رفعنا ايوب للمستشفى و على طول الدكاترة دارو كل شي بش حرارته ترجع عاديه لاكن شي و رسل تبكي قعد ايوب تحت المراقبة بعد 4 ساعات رجعت حرارته زي ماكانت جت ام ايوب بعد ما سمعت بيه مريض و تبكي حتى هى بعد ما سمحولنا نشوفوه رسل طلبت من امه انه هي تخش خشت شافت ولدها بعد 5 سنين كانت تبكي قعدت واقفة جنب الباب شافلها ايوب و حرك يده بمعنى تعالي مشتله..
ايوب :شد يدها و قعد يبوس فيها و يبكي... :امي
امه :اهههه سامحني يا ولدي غصبا عني والله ماقدرتش نكلمك...
ايوب :مسامحك...

(هربت آمِنة لكندا هي وواحد من الشباب اللي تكلم فيهم و رجع ايوب هو وعيلته زي ماكانوا قبل و احسن لاكن رفض ان يطلع من حوشه و حيقعد عايش مع نورا)

بعد اربعة شهور 😇

الدكتورة : شن بتسمو البيبي
انا :انس ان شاء الله 💜 😊.... دكتورة نقدروا انشوفوه..
الدكتورة :للأسف لا لان توا هو تحت المراقبة.....
انا : تمام به..
مالك :-(يفكر قبل سااعات الدكاترة شن كانو يقولوله)
الدكتورة:للأسف استاذ مالك كل المحاولات فاشلة يا تختار البيبي يا المدام...
مالك :😔 بس انا مانقدرش نحكم م مم مش قادر نختار بين ولدي ولا مرتي..
محمد :صاحبه :مالك اختار معاش في وقت.. َ
الدكتور :مالك ننصحك تختار المدام لان ممكن حتى 1 % نقدرو ننقضوا البيبي بعدها..
مالك : 😥دكتور حاول لو سمحت حتى شوية.
الدكتور : ح اندير جهدي...
في غرفة العمليات..
(خلاص خدو القرار ان لازم الام تكون هي عايشة المفاجأة بعد ما حولو البيبي و رجع نبض ملاك احسن من الاول سمعو البيبي يعيط 😊 و الدكاترة فرحو بشكلل المهم هادا اللي صار طلع الدكتور لمالك يبشر فيه)
Dr. :مالك انبشرك بمعجزة صارت داخل
مالك : شنو دكتور طمني..
Dr.:المدام و البيبي الزوز بخير الحمد الله قدرنا ننقدو البيبي و الام حالتها كويسة...
مالك : الحمد الله يا ربييي 🙏🏻

( وهادا اللي صار المهم مالك قال للعيلة ماتقولوش لملاك اللي صار لان هو يبي يقوللها ناضت ملاك بتمشي تشوف البيبي و مشت هي و مالك و هما في الطريق)
مالك : حياتي بنقولك حاجة للكن ماتعصبيش و هدي روحك تمام..
انا : شنو قول..
مالك : ملاك و انتي تحت العملية اعطوني اصعب خيارين في حياتي و في اقل من ربع ساعة اخترت.
انا : خشو الاصنصير : مالك خوفتني شن في خيارين شنو مالك المرض رجعلي ولا البيبي في حاجة...
مالك : لا مش هكي قالولي اختار يا انتي و يا البيبي..
انا: علاش 😭 شن في مالك اختصر.
مالك :لو اخترت البيبي ممكن معاش نقدر انشوفك والبيبي ح يعيش من غير ام لاكن الدكتور قالي لو اخترت الام مرات نقدرو ننقضو البيبي..
انا : يعني انت اخترتني انا... 😔
مالك : ماكنتش نبي نخسرك شوفي لما اخترتك شن صار حتى البيبي معانا تخيلي اخترت البيبي و صارتلك حاجة لاقدر الله.. مش ح نسامح روحي..
انا :💔مالك شكراً.
مالك :علاش تشكري فيا 😁
انا : شكرا على كل شي و الحمد الله انك انت مش حد غيرك ❤️
مالك :هي خلى انشوفو الباشا 😊
انا :هي 💚...
-(خشيت شفت انس ولدي مش ح تصدقوا قداش انا فرحانة لان وليت ام شعور الامومة مش عادي نحس في قلبي بيطير من الفرحة لدرجة لما شفت ولدي لأول مرة قعد قلبي يدق بطريقة غريبة زي اول مرة شفت مالك شعور مخلط بين ااالحب والحنان و كل شي بعدها بأيام طلعت من المستشفى واللي هو يجي يبارك و عمتي ومها مش مخلونيش اندير شي  مرت فترة 5 شهور وانس كبر شوية درنا عرس مها و عمر كانو بيطيرو من الفرحة اما احمد ووجدان قالو مزال مانبوش انديرو عرس وعلاقة سيرين و معتصم ❤️❤️كانت اقوا علاقة حب ممكن تسمعو بيها في حياتكم)