لما لا....... 😔

3

لما لا.... 😔
.
.
.
.
فعلاً احني شعب ما نحسوش بقيمة الحاجة الا لما نفقدوها
.
.
.
.
عند مالك في مكتب آية ⛬
خش لقاها تتكلم بالتليفون.
آية: اما مطعم 🍴 لا حبيبي مانقدرش وبعدين تعرف انا مانبيش نطلع معاك  لان مانبيش عيلتي يشوفوني مع حد.......... وتلفتت تلقى مالك مقعمز على الصالون وحاط رجل على رجل ومعصب......... آآآآأآ استاد مالك اناا.
مالك :بصوت عااالي: كم مرة قلت ممنوع إستخدام التليفون في المكتب باش تفهمي لا وتكلمي في حبيبك تعرفي حاجة انتي مطرودة وخلاص معاش في حد يرجعك والا ولي وين ماكنتي تخدمي  فاهمة لمي حاجاتك واطلعي براا.
آية:تبكي: لاكن استاد مالك.....
مالك: اففف وقاعده تقولي لاااكن اطلعي برااااا مشش لاكن اطلعي ومن اليوم انتي مش سكرتيرة في الشركة هادي  ولا ح تكوني اي موضفة عادية انا الصبح حدرتك وانتي آخر فرصة خسرتيها برااااا.
-(خدت شنطتها وهي طالعة وقفت جنب مالك)
آية:تبكي على اساس: صدقني يا مالك اللي طلعتني على خاطرها  من الشركة والصبح خليتني نعتدر منها ح نخليك تندم انت وياها وتندم انت اكتر لانك حبيتها.
مالك: صكر ايده بقوة:اطلعي برا وردي بالك اديري حاجة لان يمكن وقتها ح نتصرف تصرف مش حلو بكل معاك يا بنت صاحب بوي... فهمتي عليا.
(طلعت آية وانا بسرعه وليت لي مكتب مالك مش عارفة علاش لاكن وليت خش مالك للمكتب)
مالك: الباين انك ح تبدي من اليوم
انا: عادي اللي يريحك.... استاذ مالك
مالك:خلي الرسميات على جتب لما نبدو بروحنا رجاءً (تمام) .
انا: ان شاء الله تبي حاجة
مالك:لالا قعمزي ارتاحي بنطلب قهوة تبي معاي.
انا: لالا مانشربش فيها شكراً.
مالك: شاهي نسكافي اي حاجة.
انا: لالا تسلم.
مالك: اوك على راحتك...... اتصل طلب قهوة ولما جت البنت جابت قهوة..... استني
البنت: نعم تبي حاجة.
مالك:ايه قوليلهم يجهزو لي ملاك المكتب اللي جنب مكتبي و قوليلهم انها سكرتيرتي الجديدة تمام.
البنت: تمام تبي حاجة تانية.
مالك: لالا يسلمووو 😊..... وطلعت...... خيرك ساكتة.
انا: لالا شيء نحس في روحي مريضة الفترة هادي بس.
مالك : اهاا لو تبي حاجه قوليلي عادي تبي تعايني بتاخدي دواء اي حاجة عادي.
انا: لا مش مشكلة مش قلت بتروح.
مالك:.......... شبحلي متع انتي شن دخلك.
(حسيت روحي في موقف بايخ من وليت انا بش نسأله اسكتي يا بنت وارزني واطلعي من الكتب علاش قعدة اصلاً)
انا: آسفة انا مادخليش اصلاً.. تبي حاجة.
مالك:جيت لمكتبي بش ناخد مفاتيح السيارة......
-(وخدي مفاتيحه وطلع خلاني بروحي في المكتب الله على الغرور اللي عنده مغروور افف كنت نحسابه كويس).
طلعت مشيت لي مكتب وجدان خديت شنطي وطلعت خليتها تكلم فيا ومشيت.
وجدان: يا مهبولة وين ماشية تعالي جاي حي عايا بتهبلني البنت هادي 😩
..
.
.
.
(اما انا قعدت نتمشى في حديقة الشركة و لما لقيت كرسي قعمزت قعدت نبكي  هكي خلاص مش عارفة علاااش لاكن قعدت نبكي)
.
.
.
.
.
.
.
عند مالك في حوشهم ⛬.
خلي نعرفكم على عيلته.
مالك ⛬عمره 26 سنة انسان طموح هلبا ويحب يساعد الناس ولاكن أحياناً غروره يغلب الطيبة اللي عنده وانسان يكره حاجة اسمها كذب و عنده هلبا هوايات وهكي... تمام 😂
عنده 2 خوت ولاد و بنت وحدة
خوه احمد:اصغر منه 25 سنة نفسه المدير التاني للشركة  انسان يحب  يتسهوك  وكان مادارش عركه مع حد معناها اشبح شن بيصير في الدنيا..
اختهم مها:23 سنة تقرا طب حلوة البنت وطيبة تحب ادير الخير وح تتعرفو على شخصيتها اكثر في البارت الجاي.....
خوهم معتصم آخر العنقود 22 سنة متع بنات كل يوم يكلم في بنت ويضحك عليهم كلهم ولان طرف وفلوووووس البنات كلهم يحبوه رغم ان شطان وديما مشاكل الا ان شاطر في قرايته وديما ناجح ومتفوق في دراسته يقرا علم نفس.....
و امهم نورا وبوهم محمد........
.
.
نورا: ولدي جيت تعالى كول حاجة.
مالك:(قعمز جنب امه وباس راسها) : لا والله الحمد الله.
نورا: ايه قوليي
ماللك :وووااك يا احمد والله الا لما نوريك : نعم يا امي
نورا:ولدي في بنيه في حياتك بالك تبيني نخطبلك وحده
مالك: اففف :لا امي احمد يتسهوك تعرفي يحب البصاره البنت هادي موضفة جديده في الشركه.
(خش عمك محمد وهو معصب).
محمد:و حطيتها بدل آية صح.
مالك: بوي  انت فاهم غلط البنت هادي ما ادير في شي ولا عمري شفتها تشتغل.
محمد: لا مش مادير في شي يا ولدي عيب تطردها شن دارت هي.
مالك: تتمعشق في الشركة وتكلم في حبيبها في المكتب وانت عارف انا ما نحب حد يشد التليفون في المكتب.
محمد: تمام دير اللي يريحك لاكن ردها تشتغل كان مش سكرتيرة تطبع وراقي ادير اي حاجة.
مالك: تمام على خاطرك بس...
-(خش معتصم كيف مروح من الجامعة وهو يدندن)
محمد :غير كان تعقل بس.
معتصم: شن بنعقل يا بابا الغالي خليني بالله عليك.
مالك:ياسر بلا دلع وتكلم باهي.
نورا:معتصم...
معتصم:نعم ياست الحبايب....
نورا:مانسيتش طريحة آمس تو نوريك معقولة الى الساعه 4 تكلم في البنات..
معتصم :مش بنات يا امي لايف....فهمها كيف انا ماشي الشركة وجدان تبيني.
مالك: تمام رد بالك من السيارة نلقى خدش بسيط والله لما نوريك فاهم.
محمد: مش انت توريه انا بناخد السيارة.
نورا:قولي شن هوا لايف هادا.
مالك:هادا فيديو تفتحيه والناس تبدا تبعتلك في رسايل.... ( يا امي كيف بنوصلهالك) ايه هكي بس فهمتي.
نورا: اهااا به..
(جت مها خاشة تبكي قعمزت جنب خوها مالك وحضناته)
مالك:خيرك مها شن في حد كلمك.
مها: لالا ما حد كلمني..
(مها كانت اقرب وحده لي مالك يحكو لي بعض في كل شي)
مالك: خيرك تبكي امالا..
مها: شي ما جاوبتش كويس وضايقت شوية.
مالك:عادي تتعوض شن رايك نطلعوا نتعشوا برا ونهدرزوا انا وياك.
مها:مسحت دموعها :تمام نغير حوايجي قبل.
مالك:هي نستنى فيك...
.
.
.
.
.
.
عندي في الشركة ⛬
(مشيت لي وجدان في المكتب لقيت عندها شاب في 20  ولا 22 في العمر هادا ويهدرزو ويضحكوا.)
وجدان :😂😂😂خشي ملاك هادا خو مالك.
انا: اها اهلين.
معتصم :وواااك شن الطرف هادي صاحبتك ولا موضفة جديده كان موضفة جديده بنبدا كل يوم انجي.
انا :🤭🤭ايه صاحبتها وموضفة  جديدة.
وجدان: وحبيبة مالك 😉.
معتصم :بجديات و لا تتسهوكي.
انا:مش حبيبته سكرتيرته الجديده.
وجدان:قصدك طردوا آية.
انا: ايه مش على خاطري...لقاها تكلم في حبيبها في المكتب... وهوا  مانع استخدام التليفون في المكتب ولالا.
وجدان: اكيد ممنوع 🤨لحظه لحظه يعني معاش في آية.
معتصم : آية لا yess و آخيرا نكرهها في الدم المخلوقة هادي.
وجدان: اصلاً انت عمرك ما حبيت بنت.
انا:😂😂هي وجدا نبي نروح يا بنت.
معتصم :مزال ماشبعتش من شوفتك.
وجدان:🤭🤭🤭خلاااص نغاارر
انا: معقولة حلوة للدرجة هادي..
معتصم:اكتر مما تتخيلي 😉. على فكرة انا طبيب نفسي لو مضايقة او اي حاجة تعالي قوليلي مع اني مزال مش متخرج لاكن نحب نعاين الناس الحلوه.
انا: تمام موفق....😍
.
.
.
.
روحنا الساعة 7 ونص من الشركة⛬
.
.
.
عند مالك في المطعم يتعشى هوا ومها ⛬
مها: احكيلي شن في.
مالك:شي تعبان من الخدمة وبوي يبيني نرد آية للشركة.
مها: انت طردتها.....علاش
مالك:مستفزة اليوم تكلمت مع الضيوف بوقاحه لا توصف.
مهاا:من الضيوف قصدك في إجتماع ولا حاجة.
مالك: لالا كان تعرفيها صاحبت وجدان ملاك
مهاا:اهاا عرفتها تهبل البنت دمها عسل.
مالك:حسيت.. اصلا هي ولت سكرتيرتي..... وابتسم
مها: امممم..
مالك:خيرك تشبحيلي هكي..
مها: مالك متأكد ماحبيتهاش حسيتك دوبت فيها.. 😶
مالك:شن تقولي انتي انا اليوم بس عرفتها.
مها:😉تو نشوفوا.....
(كملو عشاهم وروحوا رقدوا اما انا ووجدان اول ماروحنا تعشينا ورقدنا من التعب نضنا تاني يوم وكان اول يوم في الشغل ليا جهزت نفسي وفطرنا وطلعنا).
.
.
.
.
.
.
(مررت اياام وفات شهر وشهرين وانا مالك ولينا اكتر من صداقة وكإن كل حد فينا يحب التاني مش قادر يحكيله اما الدوخة والغثيان والصورة المشوشة كل يوم لازم منها حاولت نبني نفسي ونطور من روحي كل يوم نتصل بي عمر نسأل على عيلتي وكل يوم عمر يقولي روحي لان عمامي يدورر عليك وعلي بيقلب الدنيا وكل يوم نحلم بالمرا متع هداكا اليوم الكل مستغربين من معاملة مالك معاي يتعامل معاي وكإن انسان مافيش من اطيب منه. وبرا المكتب انسان عصبي ورجع آية للشركة بدت تطبع في الوراقي هادا بس شغلها اما احمد ووجدان ديما عراكات ومشاكل
ومعتصم كل يوم مع بنت وكل يوم يتغزل بيا لين نتحشم ومها دابها داب قرايتها وبس هكي صارر في الشهرين هادو وما قلتش لي مالك على انا قاعده مع وجدان في الحوش )
.
.
.
-(اليوم لاني تعبت ودخت في المكتب مالك قالي روحي للحوش روحت بكري
مقعمزة نتفرج على الtv وتعبانة هلبا البااب يخبط بالقوة وحد يصيح بأعلى حسه)
هو:افتحي الباب والله لما نوريك تو تشوفي لما اندير اللي في راسي انا مش عاجبك بي رضاك تو يعجبك غصبا عنك افتحي قلت.
انا: ياربي صوت مني هادا سامعاته انا....
(فجأه في نص تفكيري اتكسر الباب وخش زي  المجنوون)
.
.
.
.
.
.
عند مالك في الشركه "⛬
(كان يكلم في وجدان &)

وجدان: إيه أكيدة نايضة.
مالك:تمام انا بنرفعلها الاكل وجاي.
وجدان:باه.
(طلع مالك وانا في الحوش  وصل مالك قعد يدرس في السيارة و الحوش مفتوح  انا  نبكي  و مقعمزة في الزاوية وعلي ايه ايه علي اللي جي ماتستغربوش  يكسر في الاتات ومالك مزال ماخشش )
علي:بصوت عالي : قتلك انا بالسيف بناخدك قلتلك.
انا: نبكي: خليني بالله عليك اطلع.
علي:قرب مني وطلع مسدس بيقتلني كان ايه بيقتلني يارب ساعدني يارب دير اي معجزة مانبيش نموت حط المسدس على راسي وقعد يخرط : قلتلك انا ح نتصرف تصرف مش ح يعجبك بكل شهدي هي. :عيط بصوت عاللي حسيت كاني انطرشت من عيطته  دموعي ينزلو حتى راسي صداع ماحسيتش بيه : شهديييييييي هيييي.
انا: :بالله عليك انت بدمر حياتك وحياتي ماتقتلنيش ارجوووك. لالالالالا.
خش مالك في ايده شكاير لوحهم وجي يجري بيكلم علي لاكن علي وجه عليه المسدس.
علي:شبحلي :هادا اللي هربتي معاه ااااا تكلمي هادا.
انا:علي ماادير شي بالله عليك لالا.
علي:تكلميي قلتلك.
مالك:احترم نفسك البنت اللي تتكلم عليها أشرف منك يا واطي.
انا: ممالك بعد من جنبه والله يقتلك فوته  بالله عليك.. مالك: قعد يقرب من علي ويهدد فيه.... حط المسدس والله تندم لو صارت حاجة لي ملاك تندم.
علي: مانبيش وادير اللي بديره انا مش محوله تماام.
مالك : تمام على راحتك.
(علي تلفت وحط المسدس في وجهي مره تانيه جي مالك من وراه خدي المسدس وبالغلط طلق رصاصـة فوق خدي  المسدس لوحه وقعد يضرب في علي قريب قتله انا حاولت نوقف رجليا مش حامليني بكل طلع مالك تليفونه واتصل بأحمد قاله يجي ياخد علي من هني  وجي جنبي.)
انا: نبكي  بهستيريا ونخبط  في وجهي :كان بيقتلي يا مالك شفتاه بيقتلني........... و غبت على الوعي.
مالك............. يتبع
ان شاء الله تعجبكم
💛 💛 💛 @mayoyra_s
جاري كتابةالبارت...... 4...
.....(لما لا.... 😔)