لما لا....... 😔

4

لما لا..... 😔
.
.
.
فعلاً احني شعب ما نحسوش بقيمة الحاجة الا لما نفقدوها.
.
.
.
.
انا: نبكي بهستيريا ونخبط في وجهي :كان بيقتلي يا مالك شفتاه بيقتلني........... و غبت على الوعي.
مالك:ملاااك تسمعي فيا... قعد يدور في عبايه اي حاجه يغطيني بيها ومالقي شي خدي البطانية اللي كنت متغطية بيها ورفعني للمستشفى....
.
.
.
.

في المستشفى ⛬
(فتحت عيوني لقيت روحي بين الاجهزة و مالك مقعمز جنبي على الكرسي وراقد شاد ايدي وانا مش فاهمه شي مانتفكر في شي الا لما مالك قعد يضرب في علي بس راسي وجعع مش طبيعيي نحس فيه بيتفجر خلااص)
انا:مالك.. مالك
مالك:ناض مخلوع : نعم شن في توجع. فيك حاجة
انا: علاش انا اهني علاش الاجهزة هادي كلها شن صار.
مالك:توتر وقعد يلكلك:آآ انتي غبتي على الوعي هدا علاش.... ومن نظراته واضح ان في شي تلفونه يشرين..... لحظة بس.
(كان يبي يطلق ايدي لاكن انا ضغطت على ايده)
مالك:شنو تبي حاجه..
انا:لالا ماتتأخرش بس...... وطلقت ايده.. وانا قعدت نخمم معقولة كل الاجهزة هادي على خاطر دوخه..

عند مالك⛬
مالك:الوو السلام عليكم.
عمر:وعليكم السلام ورحمة الله.... منو معاي.
مالك:انا نكون مدير اختك في الشغل.
عمر:ايه به شن فيها ملاك كويسة هي.
مالك :الصراحه لا ملاك في المستشفى و حالتها خطيرة.
عمر:شن في في اما مستشفى خيرها ملااك تكلمم.
(مالك يسمع في بابا يتكلمم هو وماما)
بابا:خيرها اختك شن فيها.
ماما:فهمني امتى بتقولولها اني مش امها معاش تردوها للحوش انا عندي ولد ومانبيهاش تقعد في الحوش معاه.
عمر:امي هادي اختي تربيت انا وياها مع بعض وانتي ربيتيها حرام عليك.
ماما:لاكن هي مش بنتي قولولها انا مرت بوها تتفكر يا حاج لما قبل شهرين قلتلها ماتطلعيش من الحوش وهي طلعت مفروض معاش تخش للحوش مافيش بنت تكسر كلمت بوها وانت مافيش مشي ان شاء الله تموت مادخلكش فيها.
بابا :فوتها.... 😔
عمر: فاتهم وقعد يكلم في مالك: يا خوي ساعدها بالله عليك انا مانقدرش انجي غير قولي قبل هي شن عندها.
مالك:للأسف الشديد سرطان في المخ و متطور هلبا والعملية تبي أطباء محترفين.
عمر: لالا ياربي اختي صغيرة علااش هكي علااش ساعدها بالله عليك اكيد سمعت امي شن تقول ماتقوللهاش على الموضوع ساعدها وبعدها انا نخلصك قداش ماتبي نعطيك.
مالك:انا مش همي الفلووس خايف لو انفرها برا يدوا عليها الناس يقولو طالعة مع حد ماتعرفاش او هكي.
عمر:والله شن بنقولك طلب صعب هوا
مالك:خير ان شاء الله قول
عمر :تقدر تتزوجها اقرا عليها الفاتحة بعد ماتروح ببها من السفر طلقها عادي يقولوا عليها مطلقة خير من طالعة مع واحد ماتعرفاشي.
مالك:والله نشوف عيلتي قبل ونرد عليگ تمام.
عمر:تمام بارك الله فيك رد بالك عليها ارجووك.
مالك :وصلت ماديرش في بالك شي..... وصكر الخط وقعد يخطط كيف بيقول لي عيلته وبعدين جي قعمز معاي..... شنو تحسي توا احسن.😔
انا:مالك قولي انا بنموت صح مريضة باهي شن عندي مرض خطير هوا ولا لا عادي راه راضية بقضاء الله وقدره عاديي غير قو........ وانفجرت بالبكاء وكاني قداش ليا ما بكيتش...... عارفه ان عندي مرض الدوخة والغثيان مش من بلااااش تكلممم مالك قوليي اي حاجة ادووي قولي اني قريب انمووت قولي ان ايامي اللي قاعدة شوية..
مالك:خلااص اهدي مافيك حاجه بسيطة وبنسافروا انا وياك بش نعالجك... بس لو توافقي على حاجة.
انا:منهارة:شن المرض اللي عندي... 😔
مالك:هواا آآآآ ♋ سرطان في المخ بسيط عادي تتعالي بس وافقي تتزوجيني وتسافري معاي نعالجك.
انا:شن نتزوجك مالك انا عندي عيلة تو نكلمهم ويسفروني هما اعطيني نتصل بيهم تو نتصل بماما تجيني اعطيني تليفونك..... اعطاني التليفون وكتبت رقم ماما.... اها مالك تو ترد عليا وتجي اسمع هاا وفتحت المايك........ ردت ماما....
ماما:الوو
انا:ماما حبيبتي ماستاحشتيش بنتك انا آآآ
ماما:بطنفير: من كادب عليك وقالك انك بنتي.
انا:ماما انا ملااك بنتك.
ماما: اففف نفخ اسمعي يا بنت الناس انا مش امك انا مرت بوك امك توفت لما جاباتك وانا ربيتك تحملتك هلبا ومعاش نبيك تجي للحوش انا عندي ولد ومانبيكش معاه تماام معاش تولي وانا مش امك فاهمه مش امك.
انا: زدت انهرت اكتر من اللي سمعته صعبة هلبا واعرة ماقدرتش نستوعبها :ماما انا مريضة بنموت تعالي شوفيني حتى لو انتي مش امي انتي ربيتيني ارجووك ماما بالله عليك ماما.
مالك:يسمع ومصدوم كيف تهون عليها هكي كيف ام ربت بنتها وتعبت وهي تربي فيها ببساطة هكي تقوللها ملاك بنت كويسة حرام يلي تعيش فيه تواا حراام😩.
ماما: تبي تفتن بيني وبين عمر: اسمعي... حتى عمر يعرف انك مش بنتي رااه.... هي بالسلامة.
انا: ماما لالا انتو تكدبوا عليا ياربي فيقني من الكابوس هادا يا ربي معاش نتحمل علاش شن مدايرة انا بش يصير معاي هادا كله شن مداير...... قعدت نخبط في وجهي ومالك بدون اي ردة فعل حضني كنت محتاجة لي حضن فيه امان ماحسيتش ان حضن شخص نحبه لالا بالعكس حسيت وكإن سند ليا وكان معاش قعدلي في الدنيا حد غيره :علاش يا مالك علااااش 😭😭😭😭😭😭😭😭😭تعبت وحتى خوي طلع يعرف اشبح من يعرف تاني.
مالك:خلاص اهدي والله نتعدب لما نشوف دموعك.... خلاص.
(خش الدكتور وعطاني مهدئ)
الدكتور : حالتها حرجة ياريت تسفروها بأسرع وقت.... 😔.
مالك:تمام ح نسفروها 😓.... روح مالك لحوشهم بش يقول لي عيلته.
.
.
.
.
.
.
عند عمر ⛬ ♥️
كان مقعمز في الجنان و حيله مهدود وتعبان جي بابا قعمز جنبه وفي يده ظرف ✉ مده لي عمر وعمر خداه وقعد يشوفله.
عمر:شن هادا.
بابا :هادا المرحومة خلَّاته لي ملاك وقالت لما بنتي تعرف ان عندها ام اعطوهالها وانت بترفعه ليها انا بروحي مانعرفش شن فيه رد بالك تفتحه.
عمر:امي بكري فتنت بيناتنا وفي مستحيل تكلمني تو نرفعه لي وجدان تعطيهولها.
بابا:دير اللي يريحك.
عمر:تمام انا ماشي..... سلااام..
بابا:ربي يرضى عليك يا ولدي..
-(مشي عمر هو ووجدان للمستشفى هو قعد واقف برا ووجدان حالتها لاتوصف وجدان تحسابه بيخش وراها)
وجدان:هي عمر اختك تستنى فيك 😭.
عمر:وجدان ان جيت معاك نبي نقولك ان امي قالت لي ملاك كل شي وخودي الظرف هدا اعطيه لي ملاك قبل ما تروحي.
وجدان :شن هادا...
عمر:هادا امها خلوتهولها قبل ما تموت وما تفتحيشي..... تمام نستنى فيك في السيارة.
وجدان: اي ت تممام........وركبت....
.
.
.
.
.
عند مالك في حوشهم⛬ ♥️
(قال لي عيلته ان لازم يجتمعوا في موضوع مهم يحكوا فيه قعمزوا العيلة مع بعض و استغربوا لان اول مرة مالك يقوللهم في إجتماع)
نورا:قولي ياولدي ان شاء الله خير خوفتني.
مالك:انا بنتكلم وماحد يقاطعني.
معتصم:خسارة ماجبتش ✂. مقص.
كلهم:مش وقت براده :
مالك: الموضوع جدي معتصم وحساس فيه حياة نااس.
معتصم:ان شاء الله خير قول.
محمد (بوهم) :تكلم ياولدي.
مالك:الصراحة البنت اللي نحبها مريضة عندها سرطان في المخ. ووووو........ حكاالهم على عيلتها وكيف خلوها في ظروف زي هكي وعلى علي كيف بيقتلني ...... 😔.
محمد ونورا:والمطلوب.
مالك:البنت مالقيتلهاش علاج في ليبيا ولازم تسافر برا ومافيش حد تمشي معاه قررت نقرا عليها الفاتحة ونسافرو برا نعالجها ونروحوا.
نورا:تبكي:هدا كله صار معاها يارووحي على البنية ايه يا وليدي زين مادرت خلي بعدين نمشولها في المستشفى ونشوفوها ونطمنوا على حالتها.
محمد:انا ربيتكم على الصح و حاولت اني نكون صاحب معاكم اكتر من أب و انت يا مالك اليوم كنت زي ماكنت نبيك تكون و لو درت الحاجة هادي وسعدت البنت حترفع راسي فوق وديما نقوللكم ياولادي ان مافيش فرق بين مريض ومش مريض وبين ابيض واسمر لان كلنا عبيد الله وديما تفكروها الحاجة هادي.
مها:كلنا معاك مالك وانت مافيش منك 🙂.
معتصم :والله وطلعت راجل 🙃.
احمد:هي امرضي يا وجدان خلي حتى اني نقرا عليك الفاتحة.
محمد :ضربه على راسه :تي تحشم ياولد.
نورا:خلاص وليدي توكل اكيد تبيك هي.
مالك:تمام انا ماشي........ وطلع مشي للمستشفى على امل ان ملاك موافقه وصل ركب للغرفة اللي انا قعدة فيها لقي وجدان تسلم عليا وبتطلع تروح.
وجدان:طلعت ✉ ظرف من شنطتها وعطتهولي.
انا:شن هادا.
وجدان:هادا من امك قالت لما بنتي تعرف ان عندها ام اعطوهولها اانا عطاهولي بوك توا ولما عرفت القصة تأثرت.... هي سلاام..
(هي طلعت من هني خش مالك وقعمز على الكرسي)
مالك:شن الظرف هادا جي من الشركه؟ ¿¿!!
انا: لا هادا من ماما الله يرحمها 😭.
(فتحت الظرف لقيت في ظرفين واحد مكتوب علي {إلى ابنتي} والثاني {إلى شريك حياتها } و بدون اي تفكير عطيته لي مالك)
مالك:بإستغراب:شنو هادا.
انا: اقراه تو تعرف...... وفتحت الظرف متعي فيه صورة لي ماما وورقة قعدت نقرا فيها المكتوب < بنتي حبيبتي يا ملاكي عارفة انك لما بتقري الورقة هادي انا مش ح نكون معاك لاكن انا في قلبك في عقلك و ح نكون طول عمرك معاك انا قلت لي بوك يتزوج صاحبتي قبل ما نمرض لما حملت بيك قالولي ان مريضة وممكن انموت بعد الولادة عارفة اني مافيش امل نشفي من المرض هادا انا قلت لي بوك يتزوج صاحبتي بيني وبينها عشره عمر وقلتلها تربيك وادير بالها عليك 😥 وتحميك وماعنديش شك انها ادير هكي بعد ما بوك اتزوج وانا قاعده ماجبتكش تغير عليا وصاحبتي تغيرت ولت انسانة تانيه
ان شاء الله توا ماعدباتكش انا درت ورقة تانية اعطيها للراجل اللي حبيتيه من قلبك و لو انا عايشة ماكنتش ح نحرمك من انك تحبيي لان حتى انا حبيت زيك والله يا ملاك عارفتهم عدبوك يا عمر امك انتي وعارفتهم ح يدمروا حياتك وان شاء الله تكون عندك ثقة في الشخص اللي بتعطيه الورقة وديما تفكري اني معاك وين ماكنتي اناعيلتي متوفية وماعنديش خوت ولاخوات خليتلك مفتاح حوش جدك عند بوك خوديه وامشي لي داري تو بوك يقولك وين هي تلقي صندوق تحت سريري في مذكرة اقريها.... وقلتلهم يسموك ملاك لاني انا اسمي ملك نحبك ياعمري وحياتي وقلبي وروحي وقطعة مني. >
.
.
امك ملك ♥️ 3.1.1996.
(انهرت بالبكي قعدت شادة صورتها ونتفرج عليها نسخة مني وكأنها توأمي محلاها ماما كيف كانت)
انا:نتفرج على الصورة ودموعي ينزلوا:يا عمري يا ماما دمروولي حياتي لوحوني في المستشفى وانا مريضة انتي كتبتي الورقة هادي قبل ماتجيبيني بيومين وبعدها خلااص مشيتي وقعدت انا برووحي حتى بابا تغير علياو الشخص اللي عطيته الورقة توا واثقة فيه هو كل حاجة عندي قطعة مني نصي التاني وكل شي فيا تعرفي اليووم شن قالي قالي لازم نتزوجو بش نعالجك من المرض اللي فيك.... وواا.... قص عليا مالك.
مالك :وانتي وافقتي. 😬😬
انا:اكيد مش لاني نبي نتعالج... لا لاني آآأأآ..
مالك: لانك شني........ تحبيني.
انا:ابتسمت من وسط دموعي :ايه وهلبا اا.....
مالك:وانا اكتر...
انا: ماتبيش تقرا الورقة.
مالك:لا بنقراها في الحوش لاني مش ح نقدر نبات معاك اختي توا بتجي تقعد معاك اليوم
......
انا: اهاا تمام.... ناض مالك بيطلع..... آآ مالك وين ماشي..
مالك: نازل للكافي تبي حاجة....... معاش تحملت انزلت بش نقرا الورقة. ....
انا: لا سلامتك....... طق طق الباب.... تفضل... خشو ام مالك واخته.
هما:السلاام عليكم
انا:وعليكم السلام 🙂
(ناض مالك غمزلي وطلع نزل للكافي وقعمز بيقرا الورقة..)
مالك:{هو يتكلم } نزلت للكافي بش نقرا الورقة وفتحت الظرف لقيت فيه ورقة وعقد (سنسله) بسيطة وحلووو انبهرت بجماله يالله خلي نقرا شن مكتوب <ولدي صح انا مانعرفكش لاكن.............. يتبع
ان شاء الله تعجبكم
💛 💛 💛 @mayoura_s
جاري كتابة البارت ..... 5.....
....(لما لا... 😔)