صدمته بقوتي 🔥

١

#صدمته_بقوتي...١
اسمي نوريان عارفهه اسمي غريب بس نحبها غرابته
دكتورة جراحة معروفة داخل و خارج ليبيا و مطلوبة ف الدول الأوربية بحكم اني قريت ف بريطانيا بس فقط مشيت نقرا و قعدت سنة نخدم لاكتساب الخبرة و رجعت 🖤
قبل سنين ايامات التانوي كنت مرتبطة ب ولد كان بالنسبالي كلشيء بس نهاية علاقتنا كانت تحطيم ل بعض ف اضطررت اني نبعد عليه و كل حد يمشي ف حاله الولد اسمه فهد ✨ بس الشخص هذا نفسه كان سبب ف نجاحي حاليا و تدميري سابقا 🔥 و توا تعرفوا السبب 💔
عيلتي تتكون من أختين و ٤ خوت الله ايبارك 🔥 و ماما و بابا
خواتي رغد و رنيم ✨ و خوتي اسلام و عبد الرحمن و محمد و محمود ✨
هادو بداية الشخصيات و بقية الشخصيات تتعرفوا عليهم قدام 💛
————————————————————
مجرد حبر على ورق 🔥

مقعمزة ف المطار نستنا ف رحلتي نفكر شن يستنا فيا بعد ٥ سنين غياب منغير م حد يندري عليا حية او ميتة الا شخصين كانوا ملازميني ف كل تحركاتي و مكانوش مسيبني ولا دقيقة وقت سيبني العالم كله حتى عيلتي 💔 قعدت نفكر كيف بنمشي و شن هيكون الوضع بعد م تخرجت و قعدت سنة كاملة نخدم و تحصلت ع مبلغ نقدر ندبر بيه حالي و نفتح عيادتي ف بلادي و نفيده بيه ✨
شوية و نسمع ع المسافرين اللي ماشيين ل ليبيا عن طريق الترنزليت ف تركيا التوجه للطائرة
كان النداء اهوا اشبه ب قتل ليا و ف نفس الوقت احياء بالنسبالي
كان شعور الوحدة مرافقني و ف نفس الوقت القوة اللي اكتسبتها طول المدة اهيا مش هتدمر لين نثبت برائتي للكل و أولهم اهلي يلي تبرو مني 💔

#المقدمة رأيكم 🔥