صدمته بقوتي 🔥

١٢

#صدمته_بقوتي_١٢

الحلقة الأخيرة ♥️
كانت نظرتي للباب فيها مليون شعور وقت شفت ماما و بابا و خوتي و خواتي جايين 🥺♥️ كان شعور القهر مصاحبني وقت ابتسملي محمد و نظرة عيونه تقول وعدتك بنرجع و تعرفيني منخلفش فالوعد ♥️
جت سارة حطت يدها ع كتفي و قالت الجلسة بتبدا و كلهم حيشوفوا انك مظلومة ي روحي
وهي قاعدة تقول هكي خشت لمى ♥️ محاميتي التانية و يلي قلت ل سارة تقدر تساعدك ♥️ جت جهتنا و هي مبتسمة و متفائلة سلمت ع الكل و حضنتني و قاتلي وأخيرا نور حتاخدي حقك ♥️♥️♥️ ابتسمت و عرفتها ع سارة و خليتهم يتناقشوا ع المواضيع و ع شن بيقولوا لين انفتح الباب و نادوا علينا ♥️🔥 وبعد م خشينا قعد كل حد ف مكانه و بدت المحاكمة و بدت ب سارة ♥️
شوية و نسمع فيها تتكلم ♥️
سارة : سيدي القاضي وحضرات السادة الحاضرين
ان موكلتي ضحية لشاب متهور لا يعير القوانين التي سنّها المشرع من أجل الحفاظ على النظام العام والاداب اي احترام،فقد ارتكب الجاني جريمة الا وهي انتزاع شرف فتاة تبلغُ من العمر اثنان وعشرون سنة ونحن نعرف ان انتهاك الشرف في شريعتنا الاسلامية هوا أخذ الشئ ظلماً وقهراً ومع ذلك فهذا الشاب لم يكثرت لهذا وقام بالاعتداء على  شرف فتاةٍ دون رحمة وبدون رضاها،سيدي القاضي
ان موكلتي تعرضت ليس لهتك العرض فقط بل لكلام الناس والمجتمع الذي لا يرحم وليس هذا فقط بل ان اهلها لم يقبلوها في المنزل وقامو بإخراجها كأنها ليست فرداً منهم وبقت خمس سنوات بعيدة عنهم بدلاً ان يقفوا الى جانبها وقفو ضدها واتهموها بالكذب أُنتزع شرفها واتهمت بالكذب ارجو من سيادتك ان تحكم بالقسط وتأخد الفتاة حقها الذي ضاع بين مخالب ذلك المفترس...
كان هذا كلام سارة يلي خلى الكل مصدوم فيها ♥️♥️

مجرد حبر على ورق 🔥

بعد م كملت سارة جي وقت محامية فهد باش ترد و شوية سمعتها بدت تتكلم ✨
المحامية : سيدي القاضي وحضرات السادة المستشارين
موكلي المدعو عليه برئي وغير مسؤل عما حدث لهذه الفتاة ف موكلي انسان لا علاقة له بهذه الجريمة لليلة وقوع الحادثة كان في منزله مع احد اصدقائه ولدينا شهود علي صحة كلامنا وان كان فعلاً ما ادعته علي موكلي صحيح فلماذا لما تاتي من البداية وترفع القضية ان كانت فعلاً قعد تعرضت ل الاغتصاب ان هذا الشي مخطط منها لكي تسجن موكلي ف ارجو منك ياسيدي القاضي ان تفكر في ما حدث وان هذه الفتاة تقوم ب الافتراء علي موكلي🤦🏻‍♀️
كان كلامها كله كذب للاسف بس ممنوع علينا نتكلموا 🤷🏻‍♀️
بعد م كملت صار فيه نقاش بيناتهم و قررت المحكمة استئناف الحكم  ل بعد أسبوع 🤦🏻‍♀️ بس قال ان الجلسة الجاية بيقول الحكم طول و رفعت الجلسة نضنا طلعنا و اني نظرتي فيها شوية خوف من الحكم
وقت طلعت لقيت سارة واقفة عالقاضي و نسمع ف نقاشهم شوية
سارة : سيدي القاضي كل الأسباب و الأدلة موجودة ف الملف تبع القضية و اللي موجود عندك حاليا و تقدر تطلع ع كلشيء بنفسك و أتمنى منك الحكم بالعدل ♥️
شوية نشبح فيه يشبحلي و نادى عليا
- السلام عليكم
سالم (القاضي) : وعليكم السلام ي بنتي
كان القاضي راجل كبير و محترم و واضح عليه التقدير
صار فيه هلبا كلام بيناتنا و بعدها روحنا
مر الاسبوع بنفس البرنامج انوض و انوض اسلام و عبدو نطلع نمشي ل خالتي مريم نشوف العيلة نطلع للعيادة ناخذ حالاتي نطلع نروح للحوش نلقا عندي واحد من الولاد يصير نقاش و يروحوا كالعادة و هكذا
قعدت نستنى فهالاسبوع و اني ف تواصل مع سارة و ع أعصابي و كل يوم نعرف الاخبار اول ب اول
تسريع فالأحداث
جي يوم المحكمة و طبعا كالعادة نضنا بكري و ع أعصابنا وصلنا للمحكمة و حني ع نار 🔥

مجرد حبر على ورق 🔥

نادو علينا و خشينا و وقفوا سارة و المحامية ف اماكنهم و استاذ سالم ف مكانه 🔥♥️
محكمة ..
حكمت المحكمة حضوريا بعد الاطلاع على ملفات المدعى والمدعى عليه وبعد سماعنا للشهود وإطلاعنا على الادلة بالسجن المجني مدة عشرة سنوات وأخد حق المجنية عليها
وقت قال القاضي هالكلام بدي فيها ملامح صدمة ع الوجوه و دموع و هلبا احاسيس و اني نتلفت و نشبح شوية و نسمع ف محامي فهد يقول اعترض ف رد عليه
القاضي : عمره م فيه قاضي عادل يقبل بالرشوة
قال هالكلمتين وطلع من القاعة
تلفتت ل سارة و اني مليون شعور فيا و نشبح فالشرطة ياخذوا ف فهد 😭♥️
شبحت ل عيون ماما و بابا حضنت خالتي مريم و طلعت نحضن فيهم بالواحد
ريم : نوريان 😭♥️ حبيبتي ♥️♥️ الف مبروك ي روحي ♥️
نادية : حبيبتي ي بنتي 🥺💔
احمد : بنيتي 😔♥️
رغد : نورييي ♥️♥️♥️♥️♥️
محمد : غزالتي ♥️
محمود : نوريان ربحتي ره ♥️♥️♥️
نشبحلهم بالواحد دموعي مفارقوش عيوني بس منزلتش ولا دمعة شبحت ل خالتي مريم عيونها كانوا يقولو رفعتي راس اهلك بري احضنيهم ي بنتي و كل الموجودين يقولوا سامحيهم ♥️ افتحي قلبك ل عيلتك ي بنتي لآخر مرة لأهلك ♥️ بوك امك خوتك و خواتك كلهم جوك بريلهم احضنيهم ♥️
- بابا 😭😭 ماما 🥺♥️
حضنتهم الزوز و فاللحظة هادي انهرت ♥️ مشيتلهم سلمت عليهم بالواحد و حضنت سارة ♥️♥️♥️♥️ بفضلها كنت قعدت مذلولة ♥️🥺 طلعت للشارع و عيطت ♥️ عيطت بأعلى صوت و قلت ضهر الحق و زهق الباطل ان الباطل كان زهوقاً حتى لو تاخر 🥺♥️♥️
—————————————————-
كانت نوريان بنت مظلومة و منبوذة من مجتمع لم تقترف فيه اي خطأ فقط انها حبت الشخص الغلط يلي تسبب في تدمير حياتها 🤷🏻‍♀️
نوريان بطلة روايتنا عانت هلبا و صار معاها هلبا مواقف و انكسر بخاطرها هلبا بس قاومت الظروف و ربي وقف معاها وخدت حقها بعد ٥ سنين رغم كل معاناتها ♥️
انت ياللي تقرا رد بالك تظلم اختك و كون سندها اوفي بوعودك ليها و خليك درعها و أيدها اليمين يلي متمشيش الا بيها ♥️ كون معاها و كون قوتها ✨ و رد بالك تصدق كلام الناس عليها لا بالعكس اسمع منها ♥️
رد بالك تجري ب بنت ناس او تغلط فيها لان كله بيرجع ف حد قريب ليك و هتندم بعدين زي م صار مع فرح و فهد و كيف ان فرح بدت تعاني من وراء فهد ✨
اختاري أصدقائك صح و اوقفي معاهم ف كسرتهم ♥️ متصدقيش كلام الناس عليهم لانه وقت يطلع الحق ح تندمي و حترجع عليك ♥️
متخليش خيرك يمشي ل غير خواتك و اهتم بيهم وقت يكلموك و هما بحاجتك متخليش خيرك يمشي ل غير خواتك ✨
وائل كان صديق نوريان ل سنين من الحادثة ووقت صارت الحادثة كان ليهم ٧ سنين أصدقاء ف وقت احتاجت خوتها و ملقتهمش مفكرتش ف حد الا فيه و ف وقتها كان ليها سند يلي ملقتش السند هذا من خوتها ✨
و بهكي نكون وصلنا ل نهاية روايتنا ♥️ و ان شاء الله تكون عجبتكم ✨ تاني رواية ليا ♥️ و نتمنى تكون وصلت فكرة الرواية ل كل من قرأها ✨
انتظروني ف رواية جديدة 🔥 رأيكم ♥️