صدمته بقوتي 🔥

٣

#صدمته_بقوتي..٣

نضت اني و وعد بنديرو العشي بعد م اني و عمتي مريم كل وحدة تحلف من جهة ووعد مسكينة ف الحالتين بتحصل هههه
خشيت اني و وعد و نفكروا شن نديرو مشي قتلها نضفي الدجاج و قصيه نديرو شاورما و عجنت خبزة منزلية خبزة الشاورما 🤤♥️ و درت سلاطة و بطاطا مقلية و حطينا السفرة و تعشينا 🖤 و ناضت وعد بتضم السفرة بحكم ان كملنا كلشيء قعدت السفرة بس و اني نضت نهدرز ع وائل خشينا ل دار وعد باش نهدرزو 🔥
- وراس خوي غدوة نطلعوا ندورو مكان للعيادة 🥺 وراس الغالي
وائل : حاضر يا روحي حاضر اهو حتى توا هي
- احلفففف
وائل : والله هي وتي روحك
نضت بدون شعور حضنته و اني بنطير من الفرحة
- اطلع خلي نبدللل ههيااا
وائل: عبااية تسمعي ولا
- حاضر والله
طلع وائل واني لبست عبايتي و ميك اب بسسيط ووشاحي طلعت شانطتي تليفوني و سماعاتي و شحني و تيزداني و طلعت
قلت ل وعد هي تطلعي قاتلي لا بنرقد عندي مدرسة غدوة

مجرد حبر على ورق 🔥

طلعت مع وائل ندورو ف مكان وقتها كان ساعة ٩ مشعارفة كيف تجرأت و طلعت معاه بروحي مشينا و لقينا عيادة كبيرة الله ايبارك مكتوب عليها للبيع خشينا شفتها و عجبتني كانت زي م نتمنى فقط ناقصها إمكانيات و لكن كنت مصرة ان العيادة م هياخدها غيري بما ان زي م نبي و حلفت و قتله العيادة م هيخدم فيها ولا دكتور غيري و هيكون عندي سكرتيرة و شوية ممرضات و كانت ع دورين بس كانت فقط محتاجة شراء اجهزة و اني و لله الحمد عندي سعر العيادة و سعر الأجهزة ف فورا خلصت العيادة و كتبوها ب اسمي و الحمد لله 🤲🏻♥️ بدينا بالشوية و بنوصل باذن الله 🔥

طلعت من العيادة اني و وائل و خطمنا خدينا حاجة حلوة للعيلة و روحنا كلمت صاحبتي ف بريطانيا قتلها ادورلي كل أشكال الأجهزة و المعدات من غادي و كل حاجة تبعتلي بيها عدد و قتلها ع السعر يلي نقدره مشت طلعت طول ف هداكا الليل و دورتلي حاجات و حجزتهم وقتلها غدوة نحولهملك و اشريهم و اشحنيهم ♥️♥️

خشيت للدار بدلت و اتصلت ب سارة حكيتلها ان روحت و هككِ و هدرزنا شوي و قتلها عالعيادة و ان تفكر معاي ف اسم و كانت معاي بقوة نحبهها 🥺♥️

قررت اني نخش ل اكاونتي القديم و نشوف المسجات الرهيبة يلي عندي خصوصا محمد

سميت بسم الله و خشيت و كان شعور القوة متملكني اكثر من اي وقت فات 🔥

اول مسج لقيته من محمد و لقيته قبل دقائق و كان مكتوب فيه ارجوك طمنيني عليك 🥺🔥

خشيت ع المسجات وركبت ل اخر مسج بعته و اللي هو صدقني متصدقهمش و هو رد اسف كلشيء واضح 💔💔

بعدها ب أسبوع من الحادثة بعتلي مسج يتأسف من الموقف يلي صار و ان مستاحشني بس ف وقتها معاش قاعدة اني

ف شهر ٢ و ف يوم ميلادنا من كل سنة لقيت منه مسج يا أغلى من روحي نبي نفهم شن صار يا مداوية ل جروحي ضلمتك و الظلم نار 😔💔

و واحد من المسجات ف يوم ميلادنا مكتوب فيه
يا العزيزة يا الوخية يا الودادة يا الحنية وينك يا روح روحي يا النشادة عليا ميلادنا اليوم و يا غالية عساهم سنينك كلهم حلوين و سامحينا يا الوخية
و طبعا تائهة
اي تائهة بين نصدقه و نرجع نستند بيه او ان نهزبه و نطلع و فالاخير قررت نخليه يعرف اني مظلومة و ان اني مستحيل نرضى بالظلم

مجرد حبر على ورق 🔥

بعتله
السلام عليكم يا توأمي الذي صدق الخرافات عني و باعدني عنه حتى حينما حاولت جاهدا ان استند عليه
اما بعد
كنت لي سندًا كبيرًا ولن انكر هذا ولكن حينما صدق الجميع كلامهم كنت من ضمن المصدقين
سأكون واضحة معك ... صحيح انني اشتقت لذلك الحضن الذي ارتمي فيه من شدة التعب او من صراخ اخوك التوأم علي او من ظلم اختك الكبرى لي و كنت تحتويني و تبعدهم عني 💔
صحيح انني كنت استند عليك و اهرب من الجميع لغرفتك الصغيرة و سريرك الصغير الذي ادفن وجهي في صدرك و انام بجانبك حتى الصباح ولا استيقظ الا عند سماع صوتك و انت تقول حبيبتي الجميلة انتِ متاخرة عن مدرستك و انا ايظا هيا اذهبي ل تجهزي نفسك للخروج 💔 لا انكر انني اشتقت لصوتك وانت تصرخ عن من يزعجني و تغضب الجميع لأجلي 💔 ولكن الا يكفيك انني كنت لمدة ٥ سنوات بمفردي في مكان بعييييد و مؤلم بعده جدا و تريد مني مسامحتك ؟🔥 الا يكفيك كل الألم الذي شعرت به و كل الأوقات التي احتجتك فيها و انت تصدقهم ؟ الا يكفيك 💔💔
بعتله المسج و اني كاتبة هالحروف ب إيدين يرعشوا و رجلين حملوني ل غرفة ويل و اني منقدرش نوقف و دموع ع طرف عيني 💔🥺
خبطت الباب و الدموع ف طرف عيني و اني معاش نقدر نتحمل و اول ما فتح الباب و شاف منظري دخلني منغير م ايدير اي صوت و قعمزني ع السرير و جي قعمز جنبي رميت روحي ف حضنه و بديت نبكي بالعبرة و طلعت كل احاسيس القهر و الألم يلي كنت حاستهم 💔💔 و هو كالعادة مش قادر يقول شيء الا
وائل : ارجوك يا أغلى الناس لقلبي اهدي 🔥 اهدي و احكيلي شن صاير يا روحي انتِ
و كالعادة بكلمة منه نهدا ♥️
هديت و وريتله المسج و قالي
وائل : مفتخر بردك حبيبي اهدي و توا يرد عليك ♥️
قاعد ويل مكملش كلامه الا و المسج واصلني من محمد و كالاتي
يا حورية البحر الغارق اعلم انك لن تقبلي اعتذاري و رغم انني لا اعرف ما جرى و لكن انا واثق ان ابنتي الجميلة لن تقوم ب اخطاء كهذه عمدا و لن اصدق ابدا 🔥 صحيح اني فالبداية صدقت و صدمت كثيرا حينها و لم اقدر تقبل ما يقال عنك و لهذا لم اقدر تقبل سماعك و لكن عرفت خطائي بعد أسبوع فقط من خروجك من منزلنا ولكن ارجوك فقط اريد روية تلك العيون العسلية تلك العيون التي اغرق في سحرهن و اقبلهن كل ما زاد اشتياقي ارجوك اود لقائك اخبريني اين انتِ ارجوك 💔🥺
وريت كل حرف منهم ل ويل كأني نستنجد بيه قالي أعطيه فرصة قتله دمرني ويل قالي فرصة مش هضر قتله مش توا رديت
اني ف طرابلس كنت ف بريطانيا عنوان عيادتي ............. مواعيد خدمتي ........... تبي ايشيء تفضل و تصبح على خير

رد نحبك يا ملاكي و جايلكك وعد

طلعت من مسجاته و خشيت ع باقي المسجات

وفي واحد من المسجات كان ف قروب عيلتي و اللي هما خواتي و ماما يجهزوا ل عرس اختي 😔 و اختي الكبيرة جابت بنوتة سمتها ملك 🥺 كلشيء فات عليا بس مش مشكلة حيعرفوا انهم ظلموني 💔🔥
#يتبع