صدمته بقوتي 🔥

٦

#صدمته_بقوتي..٦
اتصلت بالرقم و داخلي يقول خوك هيسمع كلامك ♥️
رد سام و اني ساكتة
اسلام : الوو الوو مني يحكي الو
- اسلام 🔥
اسلام: اي مني معاي
- اني يا اسلام
اسلام : عفوا ؟ مني معاي ؟
- اوعدني متقولش ل حد قبل ما نحكيلك من انا
اسلام : عفوا خيرك انتِ ؟ مني معاي ؟ وليش متبيش نحكي ل حد ؟ حاسس انك غالطة اختي !
- مش غالطة اوعدني قبل ما نحكي و الا رح نسكر و ما عاد رح تسمع صوتي
اسلام : نوعدك منحكيش ل حد بس من انتِ
- انا نوريان 🔥
اسلام : أحو احو 😓 نوريان ؟ اختي ؟ متاكدة ؟ 🥺💔
- اي يا روحي اي انت وين ؟ ف طرابلس ؟ او ف البلاد ؟
اسلام : لا انتقلنا ل طرابلس انتِ وين اختفيتي
- اوك سام عندك سيارة ؟
اسلام : اي شن في ؟
- تمام تعال للعنوان يلي نبعتهولك ف مسج نستنى فيك 🔥
صكرت من اسلام وانا واثقة ان رح يتبعوه و انهم سمعوا كل المحادثة 🔥 و زي ما توقعت هو جي و محمود درس بعيد عليه 🔥 خش اسلام للعيادة و خش للريسيبشن وقالتله يرجع ٤:٣٠ زي م وصيتها ف اتصلت بيها قتلها خليه اللي جي توا اني فالطريق و قاتلي اوك 🔥 طلعت من الباب الخلفي للعمارة و خديت سيارتي و درست قدام العيادة و نزلت ب كامل قوتي للعيادة و الابتسامة ف وجهي 🖤 و كنت عمدا ندير هكي عشان نحرقهم 🔥
خشيت بفخر كالمعتاد و نظرتي المفتخرة بنفسي ♥️ و لقيت سام مقعمز و راسه مطبس لوطا شبحتله فترة لين نادت نور ع اسمي و قالت
نور: اهلين دكتورة انستينا و هذا يلي قلتيله يقعد
- شكرا نور
قام اسلام راسه و شبحلي بنظرة كلها فخر نظرة انتِ اختي يلي قامتلي راسي و اسمها اصبح مشهور فالعالم
شبحتله و ابتسمت و فتحت مكتبي و قتله تفضل 🖤🥺
خشيت للمكتب و سكرت الباب و قتله تفضل قعمز ♥️
اسلام : قبل ما نقعمز نبي نسلم عليك
- ههههه اسفه مركزتش تعال 🥺♥️
جاني اسلام بدل ما يمد ايده فتحلي أيديه كانه يقولي الأمان يلي كنتي مفتقرتيله رجعلك و هيقعد يحميك طول ما عينه مفتوحة فهالدنيا ف اني بطبيعة الحال بنرمي روحي ف حضنه بحكم انه مليشي ذنب هو كان صغير وقتها و مكانش عنده جهد ليا فعلا 😔

مجرد حبر على ورق 🔥

حضنته و هو شادني بكل قوته حاضنني كانه يقولي يا روحي اني قاعد معاك طول عمري و مش هنسيبك 🤷🏻‍♀️♥️ شديت فيه و انا واثقة انه خوي هذا مش هيسيبني طول عمره ♥️
حضنته و كأني نقوله انت يلي بتحميني من العالم و انت يلي بنفتخر بيك قدامهم وانت يلي هتكون الأمان بالنسبالي ارجوك متسيبنيش 🥺
- به لامتا بنقعدوا هككي يا مجنون خلاص هههه
اسلام : لين نحس ان الاشتياق يلي ف قلبي ليك و النار هدت 😔💔
- خلاص يا حبيبي قاعدتلك اني معاش بنمشي لأي مكان قاعدة هني
اسلام : وين اختفيتي
- كنت ف بريطانيا نقرا 🤤♥️ و نخدم لين وصلت لهالمكان ♥️🥺
اسلام : فخور بيك والله ♥️
قال هالكلمات و رن تليفونه و زي م توقعت بالزبط محمود 🙄

مجرد حبر على ورق 🔥

شاف التليفون و مردش شبحتله و قتله رد عليه و افتح المايك 🙄
اسلام : مفيش داعي اكيد بيسالني انت وين و انا مش ناقص نفخهم 🤦🏻‍♀️
- رد عشاني 🖤
اسلام : حاضر 🙄
رد اسلام و فتح المايك و زي م توقعت بالزبط محمود بيقول انت وين 🤷🏻‍♀️
محمود : وين انت نشوف ف سيارتك مدرسة بحدا عيادة جديدة شن في
اسلام : بتحاسبني ؟ معاش فرخ راني نقرا فالجامعة 🤦🏻‍♀️
محمود : خوك الكبير اني رد عليا ب احترام
اسلام : إنتوا خليتوا فيها احترام ؟ من يوم تبريتوا من اختكم مات الاحترام فالعيلة
ضغطت ع يده كأن نقوله اهدأ
محمود : نعرف كيف نتعامل معاك 🔥
صكر محمود الخط ف وجه اسلام و سام كان متعصب جدا
- ليش معصب اختك رجعتلك و بين ايديك 🤷🏻‍♀️
اسلام : منبيش نخسرك تاني 😔
- قاعدة والله و توا نرفعك ل شقتي و نوريهالك اوك ؟ 🤤🖤 شوية بس
قلت هالكلمات و ف داخلي خوف ، رهبة ، تردد من يلي هايصير و يلي حنواجهه 💔🔥

مجرد حبر على ورق 🔥

اتصلت بجماعة الأمن و سالت ع مواصفات السيارة هل قاعدة او لا و قالوا انها كيف طلعت مليهاش هلبا و هما بيراقبوا الوضع كويس

كنت واثقة فيهم كانوا ناس محترمة جدا كانوا امان ليا و حقيقي خايفين عليا كأني نعرفهم من سنين رغم اني مكنتش نعرفهم الا وقت اشتغالي ف المصحة و لان جابهم ويل ف انا واثقة فيهم ♥️
كان الوضع متوتر بس انا ليش منبيش محمود يشوفني ؟ ليش هاربة منه ؟ ليش حاسة بالذنب و خايفة نشوف عيونه ؟ شن الذنب يلي اقترفته ؟ شن الذنب يلي مخليني نهرب ؟ انا مظلومة صح ؟ انا مخطوفة ! انا مذلولة ب شيء ملياش ذنب فيه ؟ بس واقعنا و مجتمعنا يخليك تحس بالذنب حتى لو انت ضحية لهالذنب بس نوعدك يا فهد نوعدك نرجع حقي و نرفع راس فرساني الأربعة و رأس صقري بابا و نوعدك نرجع شرف هالعيلة و نطيح شرفك انت 🔥
طلعت اني و اسلام و كل الخوف و التوتر مات لاني في كل الحالات ملياش ذنب و مفيش داعي نهرب او نخاف 🤷🏻‍♀️
ركبت سيارتي و لحقني اسلام و انا نحس ان وراي فارس وراي سند وراي قوة وراي سور مينهدمش كل هالاحاسيس فقط لان وراي خوي 😔♥️
خشيت شقتي انا و اسلام و اسلام انصدم ب كمية الأشياء يلي فيها 🔥 و الصدمة الأكبر ليه وقت شاف غرفة نوم مجهزة ب زوز أسرة و فاضية 🖤 سألني فورا ب غضب ب حيرة و قلة حيلة سالني و النار تتطاير كالشرار من عيونه 🔥
اسلام : من يبااات معاك
- غرفتك انت و عبد الرحمن 🔥🤷🏻‍♀️
كانت نظرته كفيلة انها تتأسف مني ل شكه و كانت كانه تقولي انتِ كنتي عارفة ان مش حنسيبك ؟ عارفة اني سندك ؟ عارفة ان خوك مش حيصدق كلام حد عليك ؟ كانت نظرته كفيلة ب ان يفهمني كل الكلام يلي مش قادر يحكيه شوي و نحنا نشبحوا ل بعض فتحلي أيديه كانه يقولي تعالي يا عصفورتي ل عشك تعالي يا أميرتي احتمي خلف جدران قصرك تعالي يا دكتورتي داويلي قلبي تعالي يا غاليتي احتمي في قلبي و اهربي من كلامهم القاسي 🥺♥️ و فورا ارتميت ف حضنه كأني نقوله حسسني بالأمان بين ايديك زي ما كنت نديرلك زمان ارفعني ل عالم مفيش خوتك مفيش فهد مفيش اهلك ارفعني ل ايام كنت طفلة بريئة و كنت انت حبيبي الوحيد 💔🔥😔 حضنته بقوة كأني نقوله ارجوك خبأني بين ضلوعك و خودني ل مكان تاني بليز 😔♥️ قعدت بين أيديه ل وقت طويل و عيوني مسكرتهم كلمت وعد قتلها اني مش هنجي للعيادة الا لو في عملية مستعجلة و اي حد عنده موعد عندي قوليله غدوة بدل ١٠ بنفتح ٨ و اي حد يبي يجي يتفضل و حتى فالقايلة مش هناخذ ريست و قتلي حاضر و جي ويل روح بيها و شوية نسمع ف سام يتكلم فالتاليفون
اسلام : مش هنروح قتلك خلاص اخطوني اني مش فالشارع اني عند صحابي اطلعوا منها
محمود : تي نقولك روح في كارثة تقولي مش مروح
اسلام : كارثة شن ترا ؟ كارثة ان اختك رجعت ؟ من امتا بدت اختك كارثة ؟ من امتا بديت قاسي محمود ؟ هذا و هي توأمك ! بدل ما تحس ب وجعها ؟ بدل ما تحتويها ؟ جاي تنكر فيها و تنفر منها !! انت حرام فيك كلمة تؤام 🔥 انا مش مروح و بعد صحابي بنمشي ندور ع اختي عجبك باهي معجبكش ملح و هي باي 🙄
صكر اسلام منه و اني عيوني قاعدة مسكرتهم و داخلي نقول هذا اللي يستاهل كلمة سند و اخ و دعيت ف قلبي ان يحفظهولي من كل شر و يبعد عليه اي حد يوجعه
#يتبع