صدمته بقوتي 🔥

٢

#صدمته_بقوتي .. ٢
مشيت ركبت فالطائرة و اني ف عالم تاني و نسمع ف ناس توشوش عليا و للاسف عرفوني بس كانت صدمة كيف و وين كنت و الصدمة الأكبر هي اناقتي و حجابي هذا يلي زاد صدمهم يعني كأنه كنت مش كويسة و فجاءة تغيرت 💔🔥 ميعرفوش ان كل اللي صار و كل اللي انقال كذب و ميعرفوش اني مظلومة و ان اللي صار كله اني معنديش أيد فيه 💔
وصلت ل ليبيا بعد رحلة طويلة و اني تعبانة و طبعا مقلتش ل وائل و سارة ان اني جاية ف اتصلت ب وائل و مردش عليا 😳 انصدمت ليش مردش عاودت مرتين و تلاتة و هو مردش بعتله مسج رد الله يهديك مشي اتصل بيا ✨

مجرد حبر على ورق 🔥

رديت عليه
- وينكك
سكت شوية و رد
وائل: تي كيف تي رقمك تي انتي وين خيرك مترديش فالنت و كيف رقمك الليبي اتصلتي بيه كنت نحساب حد من عيلتك حرق الشفرة وكلمني بيها غير
- تي اسككككت اعطيلي فرصة نتكلم وانت زي اللي بالع راديو خيركك
وائل: تفضلي يا ستي مه مفهمتش بس
- متبيش تجي تستقبلني و تروح بيا ؟ ولا ناخذ تاكسي 😹😹
وائل: مش وقت برادتك يا فرخة ادوي كيف رقمك ليبي وين انتِ
- تي برادة شني اني ف المطار تعالا روح بيا ارفعني الحوش يا دراه
وائل: امي تعرف ؟ وعد تعرف ؟ تي حتى عمر يعرف ؟
- تييي وااااك دوتك هلبا كان خديت تاكسي ره اوصلت
وائل: هيا هي اهو جايلك يا خرا وكلخرا باي 🤓
سكرت من المجنون وائل و قعدت نتصفح ليا من الحادثة معاش خشيت ل صفحتي القديمة ف ضربت ف دماغي قلت خلي نخش ل صفحتي القديمة و نشوف المسجات يلي وصلوني قبل ٥ سنين و قبل ما نفتح اكاونت جديد
خشيت و انصدمت ان عندي ٥٠ مسج شن هذاا و كيف و شن صاير و اول مسج خشيتله كان من جو ٥ ايام و من خوي محمد وكان كالاتي :-
(فخور بيك شفت صورتك يلي نزلوها و التكريم يلي داروهولك ع انك أفضل جراحة ف السنة هادي و مفتخر بيك يا اختي الجميلة عارف ممكن مش حتقري المسج هذا بحكم ان ليك ٥ سنين مفتحتيش بس نحبك و استحشتك
خوك التوأم محمد ) و هلبا مسجات تانية من محمد بس اني قريت هذا بس اني نقرا و الدموع ف عيوني و مليون شعور تجمعوا ف لحظتها معرفتش نعبر عليهم بس مستحيل نضعف لان ف الوقت يلي كنت محتاجاته سيبني و صدق زيه زي كل العالم يلي صدقوا الكذبة و توهموا ان ممكن اني ندير شيء زي هككِ 💔 و الباين ان كل حادثة تصير او كل ما يسمع حاجة يكلمني بس اني مكنتش نرد و توا طلعله ان وصلوا و ان قريتهم و هو قاعد بيكتب طول سكرت الاكاونت قلت بعد م انظم اموري ف ليبيا تو نفتح تاني و ف وقتها نرد عليه 🔥

مجرد حبر على ورق 🔥

صح نضعف قدامهم محمد و محمود فالاخير تواءمي و كل شيء ف حياتي كان يمشي و هما معاي بس كسروني كسرة قوية متوقعتهاش ف يوم بس ربي عارف الحق وين 🤲🏻♥️ و هيبينه للكل 🔥
واني غارقهه ف بحر تفكيري حسيت ب حد حاضنني من تالي انصدمت من هيكون ووقت تلفتت لقيتها حبيبتي الجميلة وعد 🥺♥️♥️ حضنتها و اني حرفيًا مستاحشتهم هالعيلة رغم ان مقعدتش عندهم غير شهر الا ان كانوا احن عليا من عيلتي و بعدها اصريت ان نأجر شقة رغم انهم عارضوا هلبا بس فالاخير اجرلي عمر شقة لا بين كملت إجراءات سفري و دراستي🥺
كان وائل جاي جهتنا سلمت عليه و كنت هنحضنه بس عيب مهما يكون و مهما تكون علاقتي بيه و مهما يكون حبي ليه كبير و قداش م تكون معزته ف قلبي زي خوي الا انه فالاخير مفيش حد هيقدر ان البنت هادي يلي تشوهت سمعتها قدام الكل نيتها صافية مع خوها يلي تعرفت عليه من الإنترنت و مشافهاش الا يوم الحادثة 💔
لاحظ وائل شرودي بس ميبيش يدوي قدام وعد فالاخير صح يعرفوا قصتي بس ميعرفوش اي تفاصيل فقط يعرفوا ان انظلمت لكن شن السبب او ليش اهلي تبروا مني او شن الكارثة يلي صارت ميعرفوش زيهم زيكم مفيش حد فالعائلة يعرف الا وائل رغم ان قتله لازم تقوللهم باش نقعد الا ان قالي مدخلكش فالموضوع 🤷🏻‍♀️🔥
طلعنا من المطار و وعد شدت فيا نركب من قدام رغم ان منبيش لكن حلفت 🤷🏻‍♀️ و وقت وائل لاحظ ان الطريق كله ساكتة بحجة اني تعبانة من السفر شدلي أيدي طول الطريق ع خاطر نوصل للحوش و اني هادية كانه يقولي يا جميلتي اخوك سندك و ان وقف العالم كله ضدك 🖤 و لسبب ما كنت عندي من الهدوء ما صدمني وقت وصلت للحوش ♥️
خشيت سلمت ع عمتي مريم ام وائل وحضنتها و بست رأسها و شدتني كأنها تقولي وين غيابك يا الحنينة استحشتك و استحشت ريحتك الحلوة كان حضنها يحكي ف كل شيء بدون ما هي تحكي و دموعها كفيلة انها تعبر ع شوقها ليا فعلا استاحشتها و استحشت حنيتها عليا كأنها ماما يلي ملقتش جهد ليا و مش راضية عاللي صار 😔💔 و في نفس الوقت قدروا الناس يخلوها تصدق هالكلام ع بنتها الصغيرة 🔥💔 و لقيت عمر فالشغل و مش قاعد

مجرد حبر على ورق 🔥

حلفت خالتي مريم ان نقعد عندهم و مش هنطلع لا توا لا بعدين و اضطريت اني نوافق بس بشرط و اللي هو ان نقعد هالفترة ما بين كونت نفسي و بنطلع و اضطرت هي انها توافق 🤷🏻‍♀️🔥
خشيت ل داري يلي هي داري اني و وعد حطيت حاجاتي و خشيت دوشت بمية سخونة ل حتى ترتخي الأطراف امتعي و طلعت قتلهم بنرقد طوول خشيت مكاني و مشيت ل عالم تاني ✨

نضت تاني يوم بس من التعب محسيتش بنفسي الا و اني نايضة الساعة ٦ العشية و العائلة المحترمة يلي عندهم مبوش اينوضوني من التعب يلي فيا رغم اني راقدة بكري اليوم يلي قبله الا ان يخشوا كل مرة يطمئنوا عليا و يطلعوا و وائل يبعتلي ف مسجات احترامًا ليا و لاهله ميبيش يخشلي او ايكلمني الا لو بحداهم كلهم تقديرا ليهم ✨ وحرفيًا نحبه 💛
نضت خشيت دوشت و لبست لبس محتشم و وشاح و طلعت من الدار ملقيتش حد فالحوش الا عمر سلمت عليه و قتله
- اهلين عمر 🖤
عمر : الهبلة عندنا اهلين يا حلو 💛
- كيف حالك
عمر : الحمد الله وانتِ
- الحمد الله بخير وين وائل و خالتي مريم 🖤
عمر : مشوا بيجيبها شوية حاجات توا راهم ع خشة
قاعد مكملش كلامه و هما خشوا و كانو الله ايبارك مبضعين محلاهم ♥️
نحس بالانتماء لهالعيلة اكثر من انتمائي ل عيلتي يلي تخلت عليا 🔥
سلمت عليهم و هدرزنا شوية عالسفر و ع جيتي و قتلهم اني خلاص بنستقر ف ليبيا و بنفتح عيادة و بنكون دكتورة مشهورة حتى هني ♥️🔥
#يتبع 🖤