صدمته بقوتي 🔥

٧

#صدمته_بقوتي_٧🔥
كنت هايمة خايفة حالمة
نضت ع تليفوني يرن فتحت عيوني بالشوية انا وين ؟ لقيت روحي ف غرفتي شفت بجنبي لقيت اسلام راقد قعدت نشبح ل عيونه البنية و شعره الطايح ع عيونه و نقول شن ذنبك انحرمت من اختك من صغرك و شن ذنبي انتبذت من مجتمع مقترفتش فيه اي خطأ فقط اني حبيت 🤷🏻‍♀️ ووقت سيبت الحرام و بعدت عالحب انخطفت و خطفي هذا كان سبب معاناتي ل ٥ سنين و المعاناة باقية ل يوم اللي نرد فيه حقي 😔
رن تليفوني من جديد شفت للساعة لقيتها ٣ فالليل 😳 رديت طول
- وعد يا قلبي شن في شن صاير
وعد : بسرعهه نور بسرعهه الحقينا وائل بيموت 😭
سكتت للحظة و انا نركز فالاسم وائل ؟ وائل بحاجتي ! بس ليش شن صاير ؟ و وينه هو صح انا مكلمتاش اليوم 😳
- شن في وائل وعد شن في ادوي بسرعهه و وين إنتوا
وعد : ف العيادة متعك تعالي بليز نوريان بليز 😭💔 و سكرت الخط ف وجهي
يالله الطف 🔥
جيت بنوض اسلام لقيته نايض و يشبحلي قتله بنمشي للعيادة عندي حالة طارئة قلتها و انا نبدل قالي
اسلام : استني متمشيش بروحك بنمشي معاك
لبس تيشرته و طلعنا بس طلعنا من الزنقة و ع رجلينا و انا نجري و هو وراي وصلت للعيادة لقيتهم شادين وائل و هو ينزف يا الله شن صاير 💔💔
- وعد بسرعهه جهزي غرفهه العمليات ما بين لبست الرداء
مشيت نجري نحيت و لبست و نحيت ل ويل حوائجه الملطخة بالدم و لبستله رداء العملية و قعدت نضغط عالجرح لين وصلتني إشارة من وعد ان كلشيء جاهز و ان بإمكاني نبدا ف رفعته و خشيت نجري ل غرفة العمليات و الف قصة ف دماغي 💔💔🔥
اللهم لا نسألك رد القضاء ولكن نسألك اللطف فيه
بسم الله توكلنا على الله ولا حول ولا قوة الا بالله
اللهم كما ابتليتنا اعنا و ساعدنا و احفظه لنا
رددت الادعية ف قلبي قبل م نبدأ و بديت و اني متاكدة اني بننقذ خوي و بنوقفه من جديد و كان هو غائب عالوعي و كانت في رصاصة داخلتله ف بطنه و تانية ف جنبه اليمين 🔥
بديت فالعملية اللي دامت وقتها ٥ ساعات و اني نخدم فيها بكل قوة نخدم و ندعي و بعد ٥ ساعات طلعت و اني فرحانة ان عقمت الجرح و نحيت الشظايا و الرصاص و نحمد ف ربي ع انه حفظهولي الشخص يلي كان سندي طول هالفترة هانقدمله كل يلي عندي و ان شاء الله نوفي حقه 🔥
طلعت لقيت خوي مقابلني خوي يلي محتويني و لاحقني ف كل تصرفاتي و عارف اني انظلمت
كان محتويني و كانت كلماته تقويني ♥️ و زاد قواني اكثر وقت مخلانيش نجي بروحي ف وقت متاخر و خاف عليا ♥️ و ب هكي افتخرت عندي اخ زي هككِ ♥️

مجرد حبر على ورق 🔥

مشيت ل خالتي و حضنتها و قتلها ويل رح يكون بخير و ان شوي و ينوض و بيشوفوه
خشيت للحجرة تبع العمليات تاني و مشيت ل خوي الله يحفظه 🥺♥️♥️ لقيته كيف فاتح عيونه و مش فاهم شيء من اللي صاير شبحلي نظرة احكيلي يا اختي الغالية وين اني 💔 شبحت ل عيونه نزلوا دموعي مشي مدلي ايده كأنه يقولي انا بخير يا غاليتي متخافيش🥺 شديت ايده و قتله حتصير احسن نوعدك 😔♥️
طلعت من الحجرة و حضنت اسلام و اني نشبحله ب نظرة احميني و اسندني ارجوك بعد م حسستني بالقوة رد بالك تسيبني 🥺♥️
شبحلي ب نظرة لو كان يذبحوني ذبح باش نسيبك نشد الموس و نذبح روحي وما نسيبك تاني 🖤 و يا محلاه من كلام ف نظرته
شوية جتني خالتي مريم و نادت عليا و نظرة عيونها تقول من هذا يا بنتي مربيتكش هكِ مشيتلها و داخلي يضحك و زعلان يضحك ع خالتي مريم يلي تخاف عليا و كأني وعد و زعلان ع انه مفيش حد يعرف خوي يلي من لحمي و دمي و يشوفولي كأنه درت جريمة بوقفتي معاه 🔥
خالتي مريم : بنتي حبيبتي عارفة نحن مش ف وضع يسمح ل سؤالي بس من هذا يلي جبتيه معاك ف نص الليل و تحضني فيه كأنه مفيش حد فالعيادة عيب يا روحي انا ربيتك و عارفة تربيتك شن هي و لو منعرفكش بنت ناس مندخلكش حوشي و زي م نعاقب ف وعد نعاقب فيك و حبي ليكم واللهِ الا نفسه ف يا بنتي و رحمة الغالي مطيحيليش راسي و متكسرينيش فيك 💔🔥
حطيت يدي ع كتفها و ابتسمت و كلامها لامس جرح داخلي كان ينزف جرح خلاته امي اللي من لحمي و دمي داخلي جرح و كسر و قلة حيلة سببتلي شعور اني نبي نحضنك و اني نبي نكون معاك ديما و بسبب الشعور هذا حضنتها و نزلت دمعتي و قلت