صدمته بقوتي 🔥

٤

#صدمته_بقوتي..٤
تسريع فالأحداث
كنت فالعيادة بعد م وصلوني الأدوات و درت تزويقة سريعة و تبرعت ب كامل الأدوات يلي كانوا فالعيادة للمستشفيات العامة و شريت مكتب بيج و حولت من عند عيلتي التانية شريت شقة بسيطة ع قدي فيها ثلاث غرف و وسط الحوش و حمام و مطبخ

السكرتيرة الصبح درت وحدة منعرفهاش و التانية متع العشية كانت وعد ♥️ و شوية ممرضات متمكنات 🔥

صار هلبا اقبال ع عيادتي اللي سميتها بصمة امل 🤤♥️ بعد سمعوا ان اني يلي نخدم فيها ♥️

في يوم من الأيام بعد ما كمل دوامي الصباحي قعمزت نشوف فاللي جوني و ف مواعيدي و نشوف احتياجات العيادة و اللي بعته واللي خليته و اللي ناقص لازم نجيبه و اللي محتاج علاج مجاني و من هذا القبيل 🖤

شوية نسمع ف البنت اللي تخدم سكرتيرة اسمها نور تقول لو سمحت وقف لو سمحت معندكش موعد لو سمحت ره نتصل بالأمن لو سمحت
و هو يقول الأمن هما اللي فتحولي الباب سلم اختي خليني ف حالي

مجرد حبر على ورق 🔥

فجاءة انفتح الباب
نور: دكتورة الشخص هذا تعدى ع حقوق العيادة و خش منغير أذني و حاولت نوقفه بس معدلش عليا و اهو نتصل بالأمن و ..
- امشي نور و متتصليش بالأمن ولا شيء توا نتفاهم معاه تفضلي حبيبتي
طلعت نور و اني نزلت نظارتي و شبحتله ب شعور مش مفهوم وقفت خلف مكتبي مديت ايدي سلمت عليه و قتله
- صح قتلك تفضل ع عيادتي بس ميعنيش هذا انك تنتهك خصوصية العيادة او الدكتورة يلي داخل و ميعنيش هذا انك تخش بدون اذن انت ف مكان محترم و منسمحلكش بهالكلام حتى لو كنت مهم بالنسبة ليا مش شخص ليا ٥ سنين مشفتاش و ميندريش عليا حية او ميتة و نتمنى التصرف هذا اخر مرة يتعاود 👩🏻‍⚕️
اللي خش كان خوي محمد بس اني منسمحلاش بأي شكل يهين عيادتي 🤷🏻‍♀️ و احيانا يكون الضغط ع النفس مهم حتى لو كنت تتمنى حضن الشخص هذا والامان يلي فقدته من سنين 😔
محمد : اسف مكنتش نعرف اني لازم ناخذ الأذن قبل م نخش ع اختي يلي انا نكون محرمها و انا اللي كنت مسؤول عليها
- محرمها ؟؟ مسؤول عليها ؟؟ الكلام اهوا ليا سنين ما سمعته الكلام اهوا وين كان وقت اللي انت مسؤول عليها احتاجاتك انت او خوك المحترم ملقتكمش و صدقتوا واحد بيئة و ميستاهلش حتى اني نديرله قيمة و نقول عليه ألفاظ بذيئة لو سمحت تفضل قعمز و خبرني سبب رغبتك ف رؤيتي و سبب مجيئك لعندي
محمد: نوريان نوضي نطلعوا منقدرش نحكي هني تعرفيني
- كنت نعرفك بس معلش معنديش موعد للساعة ٤ و شقتي قريبة تفضل لابين سكرت ملفاتي و نضمت اموري و طلعت 🤷🏻‍♀️
ناض توأمي طلع و اني نحس ب حسرة نحس بدموع ع طرف عيني مهما يكون و مهما بيصير فالاخير خوي يلي كبرت ع ايده و ف حضنه و اللي حنيتله ف يلزم اني نحترمه مهما كان و حتى لو راح ل شقتي مش هيضرني لانه خوي فالاخير
نضمت ملفاتي و سكرت الدواليب و الخزائن يلي ف مكتبي صح ليا شهور مع نور بس معنديش ثقة ف حد 🤷🏻‍♀️ طلعت من المكتب سكرته و عطيتلها علم اني طالعة و لو جي اي حد تخبره يتفضل الساعة ٤:٣٠ لاني مش هنرجع ل وقتها 🔥

مجرد حبر على ورق 🔥

طلعت من العيادة ب شخصيتي القوية يلي قاعدة زي ما عاهدوها رغم ان الضعف يلي داخلي و الانهيار مش قادرة نبينه خصوصا و توأمي معاي طلعت لقيته واقف ب أناقته المعتادة و ابتسامته و شهامته الحلوة اخخخ يا خوي
- الحقني
محمد : اهيا سيارتي خلينا نمشوا مع بعض
- صح اني بنستقبلك في شقتي بس هذا ميعنيش اني مسامحاتك او اني نركب معاك ف سيارتك او اني نديرلك قيمة كنت مدايرتهالك قبل ٥ سنين و انت لوحتها 🔥 صح انت خوي بس اسما مش تصرفا و وقت يشوفوني الجيران او اي حد راكبة معاك و هما ميعرفوكش هترجع الفكرة السيئة للكل و انا ما صدقت تنحت الفكرة منهم ف تفضل ل سيارتك لو سمحت و الحقني 💔
كنت ننطق فهالكلمات و شعور الكسرة في داخلي قوي
كانت دموعي تبي تطلع بس قوتي خلتني نكتمها و كانت شقتي ع الرجلين نوصلها بس اني كنت نجي ف سيارتي ع خاطر لو بنطلع ل مشوار او شيء منمشيش ل شقتي المهم وصلنا و كنت شبه نرجف خشينا للعمارة و وصلنا شقتي و شايفة ملامح الإعجاب ع خوي 🔥
فتحت الشقة و قتله تفضل يا خوي 💔
خشيت اني و محمد و سكرت الباب حطيت المفاتيح ع المدخل و قتله شوي نخش للحمام "حشاكم"
خشيت ل حمام داري باش نبدل حوايجي و بدلتهم و لبست توتة كم تام و سروال و لميت شعري كعكة بسيطة و طلعت
لقيت محمد مقعمز يتفحص فالحوش بعيونه قتله
- تقدر تتفضل نخشوا ل دار التقعميز قاعدة نعرف انك متحبش القعدات العالية 😔💔
ضحك ضحكة خفيفة حسيت فيها الكسرة و الفرحة ف نفس الوقت و قال
محمد: رغم كل يلي مريتي بيه قاعدة تتفكري تفاصيلي البسيطة 😔 نيال يلي وقف معاك ف ضعفك هذا قداش متحصل من الحب و الاحترام 💔
حاولت اني نخفف الوضع المتوتر شوي لاني حتى اني منحبش شعور التوتر هذا و منحبش الضغط النفسي منهم 🔥
- فطرت ؟ اني مفطرتش بنوض ناكل حاجة تنوض معاي ولا حابب تقعمز هني
ناض بدون كلام كانه يقولي شكرا لانك اعطيتيني فرصة
لحقني محمد بدون كلام و خش للمطبخ قبلي شبحلي نظرة تسمحيلي نديرلك فطور و ندلعك زي ما كنت نديرلك زمان و لاني كنت مكسورة ف محبيتش نكسره شبحتله ب نظرة اني برا 😔💔 قعمزت شوية في وسط الحوش على الصالون 🤷🏻‍♀️

مجرد حبر على ورق 🔥

كان التوتر مالي المكان و كنت حاسة اني نبي نبكي ف رددت ف خاطري اني ف شقتي و داري ف حنخش نبكي و نرجعله
- محمد اني ف داري احتجت اي شيء خبط عليا و نطلعلك كلشيء تابع الفطور متوفر ف الثلاجة و الدولاب يلي فوقها و اللي جنبها ايشيء مخصص للأكل تلقاه فيهم و الماعين افتح و خود شن تبي
خشيت داري منغير ما نستنى رده و سكرت ع نفسي حذفت روحي فوق السرير و بشعور لامتناهي من القهر و التحطم بدو دموعي ينزلوا و الرجفة ف ايدي و اني منهارة نفسيا و جسديا 😔💔 بعتت مسج ل وائل قتله ان محمد عندي و ان مينشغلش عليا و اني ف شقتي و مش فالعيادة 💔 و سكرت تليفوني و طلعت تليفوني القديم يبي متوفر فيه كل يلي صار زمان فتحته و سمعت صوته القذر فالتسجيل
فهد : اطلعي معاي نويرا احسنلك
- لو سمحت فهد تفضل وتباعد من عليا
فهد : نويرا رح تندمي
- اعلى ما في خيلك اركبه لو تهدد 🙄
مقدرتش نسمع اكثر من هكي سكرت و انهرت ع سريري ب شهقات مكتومة من مخدتي يلي حطيتها ع وجهي 💔💔
شوية و نسمع ف محمد اينادي نويرتي الحلوة اطلعي الفطور جاهز
خشيت غسلت وجهي منغير ما نرد عليه و طلعت و اني واضح اني كنت نبكي 🔥

#يتبع