صدمته بقوتي 🔥

٨

#صدمته_بقوتي_٨
طلعت ناديت ع سام و قلبي يقول ي بنت خوك و ويل حينسجموا مع بعض هلبا ♥️
طلعت و قبل م انادي ع سام كلمت عمر قتله يروح ب خالتي مريم ووعد و اني قاعدة اليوم هني و غدوة تقعد معاه وعد و قالي به و قتله حتى انت مترجعش لان معاي اسلام قالي تمام و لو احتجتي شيء اتصلي بيا قتله تمام ♥️
خشيت اني و اسلام ل وائل و هو يستنى يشوف هالعظيم يلي انقذ اخته 🥺♥️
خشينا و شبحت ل اسلام لقيته مصدوم و كانه يسترجع فاللي صار قبل ٥ سنين وقت طلعني محمد و كان ويل معاي و لزني و مشيت معاه ✨
سام :- عادي نحضنه ؟ 🙁
شبحتله ب ملامح صدمة ملامح استغراب ملامح متتفسرش من طلبه الغريب 😳
- خيرك شن في 🤔
عاود نفس السوال
سام :- عادي نحضنه 💔 ؟
- قوله ليه هو 🤷🏻‍♀️
شبحتله ب نظرة سؤال و كان وائل مصدوم و بعدين افتحله ايديه وقاله تعال ♥️
مشاله سام حضنه حضن مليان كلام مليان جروح تنزف داخله 💔
سام :- شكرا هلبا وائل شكرا هلبا 💔🔥
ويل :- واجبي هذا ي حبيبي ♥️
قعدت نشبحلهم و لسان حالي يقول مش كان هادو عيلتي فعلًا ☹️♥️و اني نقول لو مصارش اللي صار كنت حنكون هني زعما ؟ 🤔كنت حنوصل للي اني فيه ؟ 🤔كنت حنقعد مع ويل و عيلته ؟ 🙁و مليون سوال ف راسي إجابتهم كلمة وحدة و اللي هي الله اعلم🤷🏻‍♀️
- هي سام برا للحوش صلي و ارقد شوية و جيبلنا حاجة ناكلوها و تعال خلي وائل يرتاح شوية حتى انت تعبت من الساعة ٣ هني و توا الساعة ١ اكيد تعبان
سام : وانتي ؟
- معاي وائل و معاي الأمن برا و نور جت و حاول تمشي ل اهلك تشوفهم ماما و بابا و البنات و عبادي مليهمش ذنب فاللي صار و اني بنشوف الحالات يلي عندي وعدتهم من الساعة ٨ نخدم بس قعدت مشغولة فالعملية لازم نشوفهم
سام :- تمام و توا نتفاهموا فيه بعدين نمشي نرقد توا و ردي بالك من نفسك و سلم ع وائل و قاله تشرفنا ي لعيب هههه
عرفت انهم هدرزوا عالنت و عالبلايستيشن و هكي ف ضحكت
وائل :- نتلاقوا ي بيزنس مان ♥️
طلعت مع سام صقدته و رجعت ل غرفة ويل اتكيت عالسرير يلي قاعد فالدار و قتله ارقد بنرقد حتى اني رديت روحي راقدة لين تاكدت ان رقد غطيته كويس و بستله راسه كأني نقوله بترجع اقوى من قبل ي روحي
كان راقد نوم عميق شبحت الساعة لقيتها ١ طلعت نشوف الحالات يلي عندي و بديت فالمعاينة حالة وراء التانية لين خشتلي حالة ملامحي تجمدوا فيها 😳 كانت اختي 🙁💔
انصدمت وقت شفتها رغم ان هي معرفتنيش بس اني انصدمت
- اهلين حبيبتي تفضلي
رغد :- اهلين دكتورة ♥️ تسلمي يزيد فضلك
كانت أنيقة زي م عاهدتها جمالها و ضحكتها كانت جداً بسيطة حبيتها
- كيف حالك ♥️
رغد :- الحمد الله وانتِ دكتورة
- الحمد الله ي جميلة ♥️
احمرت خدودها و ارتسم ع وجهها ملامحها الخجولة و عيونها يلي انحطت فالأرض كانت قل اعوذ برب الفلق تغيرت و ازدادت جمال ♥️
- خيرك عزيزتي شن يوجع فيك و كيف نقدر نساعدك
حكتلي ان عندها حبة طلعتلها أسفل صدرها و ان غريبة و هكي ف قتلها
- تفضلي معاي حبيبتي نديرلك كشف احسن من ان اديري عملية خصوصا انك واضح من مواليد التسعينات يعني قاعدة صغيرة ابتسمت و قالتلي حاضر
خشينا ل غرفة الكشف و درتلها كشف و حمدت ربي انه مجرد كيس يمشي بالأدوية
رجعنا ع المكتب و بديت نحكي
- حبيبتي عندك مجموعة اكياس ارتبطوا كونوا هالكيس و ارتاحي لانه يمشي بالأدوية يلي بنوصفهالك توا
و أني نكتب بديت نسال عليها
- الاسم حبيبتي
رغد :- رغد احمد ال.........
- العمر ✨
رغد :-٣١ سنة
قالت الكلمة هادي حسيت بحد طعنني ف قلبي معقولة اختي خشت للتلاتينات و اني بعيدة 💔💔
ابتسمت و قلتلها بطول عمرك ♥️
- متزوجة ؟
استغربت من سؤالي بس ابتسمت و جاوبتني ♥️
رغد :- لالا الحق مزال ♥️
- مخطوبة ؟ ♥️
رغد :- اي و العرس عن قريب ان شاء الله ♥️
- ربي يتمملك ع خير حبيبتي و تنوضي بألف عافية
الدواء هذا تاخديه كل ١٢ ساعة
و هادو أعشاب تطييبيهم ف المية و تخليهم يغلوا كويس مع بعض بعدين تاخدي الأعشاب و اديريلهم عسل و تصبي كاشيكين مية و تحركيهم كويس و تاخدي منهم تلاتة مرات فاليوم ♥️ و بالشفي عليك حبيبتي ✨ ترجعيلي بعد شهر من توا و انشوفوا شن صار ♥️
رغد :- تمام دكتورة صحيتي هلبا تعبتك معاي
بقداش ؟ ♥️
- نتفاهموا عالسعر بعد م تتعافي و ترجعلك صحتك ♥️
رغد :- بارك الله فيك والله شن اسمك حققا مسألتكش
- اسمي نوريان ♥️
شفت ملامح الصدمة الشوق الحب كلهم ف نظرة وحدة استاحشتها ♥️
رغد :- نوريان ؟ زي اسم اختي المختفية 🥺
- وينها ؟ ربي يرجعهالكم بالسالم ي رب 🤲🏻♥️
رغد :- ظلموها و معاش رجعتلنا ومعاش تفتح ف اكاونتها و اختفت 💔
- اكيد حترجع ♥️ ربي يسمعكم عليها الخير ♥️
رغد :- ان شاء الله هي خليني نمشي اني بابا البرا يستنى فيا ♥️
- تمام خلي نطلع معاك اني عندي شن اندير برا ♥️
طلعت و اني مشتاقة نبي ننهار نبي نحضنها و نبي نحضن بابا طلعت نبي نشوفه نبي نقوله بنتك دكتورة ي بابا زي م تمنيتها نبي نقوله بنتك مظلومة ي بابا ليش خليتهم يظلموها طالعة و متملكني خوف غريب ان يعرفني و حني طلعنا فم باب المكتب نلقا اسلام جاي فنصت فيه بمعنى ولا حرف و هو فهم عليا شبح ل رغد و رغد ارتسمت صدمة عليها بشوفتها اسلام شبحتلي و شبحتله و دموعها عبوا عيونها 💔💔
اسلام :- شن اديري هني و خيرك بتبكي
رغد :- انت شن ادير هني اني جيت بنعالج 🙁
اسلام :- اني جاي بنشوف صاحبي دار عملية و شفت بوك برا توا وقت نروح نخطم عليكم
رغد :- اسلامو بليز وقت تجينا بنمشي معاك ل نوريان بليز 💔
اسلام :- نروح و نتفاهموا عيب قاعدين بحدا الناس
رغد :- اوك تمام نستنى فيك
طلعت رغد و طلعت وراها نشوف ف بابا من بعيد و دموعي ف عيوني لين الحرس لاحظوا هالشيء و اني ف النظرة هاديكا جت وعد و خالتي مريم باش يشوفوا وائل و جابهم عمر و اني نشبح ل بابا ولا كانه هما قاعدين و نظرتي نظرة شوق و نظرة عتاب و نظرة مليئة بكلام مش قادرة نقوله كلام يقول ي بابا علاش سيبت بنتك الصغيرة للذئاب يلي ميرحموش خشوا خالتي مريم و وعد و جالي عمر هو كيف جي جالي اسلام من وراه بعد م مشا بابا 💔 شبحلي عمر و اني الدموع ف عيوني و مبيتش أنزلهم و هو نظرته تقول انفجري ي اختي يكفي يلي تحملتيه طول السنين يلي فاتت و اني نظرتي تقول لو الموت ب ايدي ره متت من زمان 💔💔
اسلام :- حبيبتي روحي ارتاحي فالحوش سلم غزالتي
- عندي حالات مقعمزات عيب
اسلام :- وانتي تعبانة خلاص
- قتلك عيب هما محتاجيني و امس مخدمتش
عمر :- نور روحت ؟
- مشعارفهه خليتها هي و وعد الداخل
خلاص خلوني نخش الناس تستنى
خشيت ل مكتبي و استقبلت حالتين و خشلي اسلام قال ماشي ل اماليا قتله تمام قالي نجيب رغد قتله
- منغير م تقول ل الباقي قوللها تقول ان تبي ترفعها ل محل و قبل م تجوا كلمني باش نطلع من هني
طلع اسلام و بديت نستقبل ف حالة وراء التانية لين كملت مع الساعة ١٠ و اني كيف نكتب ف حالاتي و الناس لفتتني حالة اسمها مش غريب فرح ال .... و بعد تمعن فالاسم اكتشفت انها .
#يتبع