صدمته بقوتي 🔥

١١

#صدمته_بقوتي_١١
الرقم حافظاته اكثر من اسمي و عارفاته كويس و مستحيل نكون غالطة و خصوصا فيه هو
و لا فوقها يهدد فيا اني نتنازل عالدعوة هههههه ميعرفش ان نوريان القديمة الطيبة قتلها و جت في مكانها وحدة اقوى من ما يتخايل لا ومزال طول عمره يتخايل فيا محتاجة فلوسه يلي حتى من الكروت عمري م طلبت منه طول عمره يجيب بروحه و لو قتله منبيش يدير جو الزعل اخخ ع الحقارة
كان هذا كلامي ل نفسي وقت شفت رقم فهد يلمع ع شاشة تليفوني و اني نحاول نستوعب و كانت صدمتي اكثر وقت قريت محتوى المسج يلي كان مكتوب فيه
{نوريان اللطيفة هه قمتي دعوة عليا ع اساس في حد بيسمعك ؟ لا حبيبتي الحلوة متنسيش اني مني و ولد مني يعني حتى لو قضيتك ربحت اسمك مش هيكون مرفوع قاعدة زي م انتي طفلة هه متعرفيش كيف تتصرفي مع الناس الراقية و البيئة طول عمرها تقعد بيئة ننصحك تسحبي الدعوة او تشوفي شيء ميعجبكش ي قنينة و قد اعذر من اندر ي جميلة و لو تبي فلوس نقدر نعطيك باش تسحبي يعني متنسيش كلامي عارفاتك تحبي الفلوس ههههههه
فكري كويس و سلامات }

بعد قرايتي ل كلماته زادت رغبتي فالانتقام منه و من تفكيره الساذج 🤦🏻‍♀️ وعدت نفسي اني نتمالك نفسي قدامه و نبتسمله ابتسامة النصر و الثقة اللي متعلمتها و اللي ابتسمتها ل محمود الفترة يلي فاتت وقت جالي اسلام
كنت نتحدى ف نفسي كنت قوية 🤘🏻🔥 وقوتي متنكسرش من عالساذج زي م نكسرت قبل و مش حنخليه يتنمر عليا من جديد 🔥

نضت درت دورة سريعة عالحوش و درت دورة ع نفسي و صليت و نوضت اسلام للجامعة م بين خش يدوش و يجهز نفسه اني درت فطور ع السريع لاني مستعجلة بنمشي ل خالتي مريم و نوصل وعد للجامعة لان عمر مريض و وائل قاعد ميقدرش يسوق
كملت الفطور جي اسلام فطرنا ع السريع لان حتى هو تأخر
اسلام : نوصلك ؟
- لا ي غالي بنمشي نوصل وعد و بنشوف وائل انت تأخرت برا و رد بالك من نفسك و ركز ف الطريق و ف قرايتك و وقت تجي مروح تخطم ع عبدو جيبه معاك الوحيد اللي لتوا مشفتاش♥️
اسلام : تمام ديري بالك ع روحك غاليتي ♥️
طلع اسلام و اني تليفوني شرين شفت لقيته نفس الرقم و اللي هو فهد شن يبي هذا مزال
درته عالسايلنت ونضت ضميت المطبخ بسرعهه لان وقت ع وعد و طلعت و اني طالعة لفت انتباهي ان الشقة المقابلة بابها مفتوح كنت هنسأل لولا ان مستعجلة وقت ع وعد
طلعت نجري ل البركيدجو خديت سيارتي و بووم للحوش كنت نجري زي الهبلة ع خاطر وقت ع وعد ومنبيش تتأخر ف قلت ناخدها و نرجع للحوش اتصلت بيها قتلها
- قريب نوصل انزلي وقت عليك بسرعهه♥️
وعد : اني لوطة نستنى فيك
- تمام اطلعي وصلت
قاعدة مكملتش كلمتي الا ولقيتها ب أدبها واقفة تستنى فيا
وصلتها بسرعهه لان تأخرت و هي الجامعة مش بعيدة ف خديتها ورجعت
وصلت للحوش استقبلتني ست الحبايب خالتي مريم
نحبها هالمرا وربي تقول امي التانية ♥️
حضنتها وبست رأسها طبعا منسلمش عليها سلام عادي مستحيل
- كيف حالك ي ست الكل ♥️
خالتي مريم : حمد الله حبيبتي كيف حالك انتي وجهك منور اليوم شن في واضح سامعة حاجة حلوة فرحيني ♥️♥️
شبحتلها و لسان حالي يقول سبحان الله كيف تقدر تعطي كل هالقدر من الحب و ايجيها احساس الام ل بنت غريبة عليها ♥️
- اي والله خبر احلى من الحلاوة هههه خلي نمشي نشوف وائل و عمر و نرجع نحكيلك ♥️
خالتي مريم : تمام حبيبتي
خشيت شفت وائل لقيته راقد مشي غطيته وطلعت
مشيت ل عمر لقيته متكي و صقعان و حرارة ف شفته و عاينته بحكم ان يكره المستشفى ف أعطيته دواء عالاقل باش يستريح شوية و مشيت ل خالتي مريم
نضت درت فطور باش فطرنا مع بعض و هدرزنا ع الموضوع متع المحكمة و بحكم انها مكانتش تعرف التفاصيل ف وضحتلها يلي صار و ليش رفعت الدعوة وهكي و انصدمت لانها طول هالفترة متعرفش فقط تعرف اني تعرضت لافتراس مخلوق ساذج من ما تسبب ف طردي من بيت اهلي 😪💔
طلعت من خالتي مريم و اني مرتاحة و توجهت للعيادة طول درت دورة عالعمليات يلي عندي و لقيت نور تشوف ف احتياجاتهم ♥️ محلاها و محلاهم ♥️
- صباحو ي حلو ♥️
نوو : صباح النور دكتورة ♥️♥️
- كيف حالك اليوم
نور : حمد الله وانتي دكتر
- الحمد الله ♥️
جو الحالات ؟
نور : اي بدو يجو و يستنو فيك
- تمام هي خلي نمشي نشوفهم
مشيت و نبي نكمل بسرعة باش نطلع نجهز روحي ل غدوة
قعدت نشوف فالحالات لين جت اخت فهد و شفت شن صاير معاها بعدين قتلها ع امتا تقدر ترجع
فرح : اي يوم منغير غدوة لان لاهية ب خوي
- خيره خوك
فرح: عنده محاكمة و بيحول ل شقة ع خاطر خطيبته
نزلت كلماتها زي الصاعقة عليا بس فرحت لان فرح معاي باش نعرف يلي صاير
- اها الله يعاونكم تمام شوفي نفسك و اتصلي ب السكرتيرة ♥️
فرح : تمام مشكورة دكتر جدا ♥️🤤
- علاش محاكمة خوك ع شني .. اذا حابة تحكيلي طبعا ♥️
فرح : والله شن بنقولك
فاللحظة هادي اني فتحت تسجيل ف تليفوني منغير م هي تعرف
فرح : اني خوي علاقتي بيه هلبا
هو كان يحب بنت زمان و هي تحبه بس هو كان ظالمها هلبا و من الطبيعي انه تسيبه بما انه واحد كذاب و مرتبط ب بنت الناس و يكلم وراها ف مليون ف بعد م سيباته هو كلمها مبتش ترجعله و غروره خلاه يتعدى حدوده معاها مشالها قاللها امشي معاي برضاك ولا يصير كلام ميعجبكش و وقت هي عارضت هو غلط فيها خطفها و اغتصبها للاسف و هي رفعت قضية عليه و اعتقد انها بتكون خاسرة لانه هي عندها دلائل و بصراحة نتمنى انها هي يلي تفوز لانه غلط في حقها رغم انه خوي و منبيش نفقده فالحوش بس دارها ب ايده و نتخايل نفسي ف مكان البنت اللي انظلمت و انحرمت من أهلها و اعتقد ان اللي صاير معاي توا كله من راسه 🤷🏻‍♀️💔
كان كل كلامها لصالحي و كان قلبي واجعني عليها لانه مليهاش ذنب و كانت هي الضحية متعنا و كنت حندخل لو ان قلبي سكتني و قالي رح تفضحي نفسك 😔💔بس لازم تعرف ان اني لان موقف سيئ جدا ان غدوة تشوفني و هي تجيني ومتعرفش ان اني
- اهاا اي نعرفها القصة و حنكون من اول الحاضرين غدوة 😅 و ح تعرفي من وين غدوة
وقفت فرح و ملامح الصدمة ع وجهها
فرح : نوريان هادي انتي 😳
- اسفهه لان مقتلكش من اول يوم بس توقعت انك واقفة مع فهد فرح
فرح : بالعكس اني معاك و نتمنى تربحي 😔 و نعتذر منك 💔
- بالعكس حبيبتي مفيش داعي للاعتذار انتي مليكش ذنب
قعدنا نهدرزو شوية بعدها جي بوها روح بيها و اني قعدت فالمكتب شوية و روحت و خطمت ع وعد روحت بيها و نزلت اطمنت ع العيلة و هدرزت ع وائل و حكيتله اللي صاير و قتله ان يمشي غدوة و روحت شبحت للباب لقيته مصكر و اني خاشة للحوش لقيت ورقة عالارض مكتوب فيها
{ نوريان ..
اخيرا شبحتك بعد هالسنين كلهم ✨ تغيرتي هلبا و احلويتي كالعادة 🙂
اول مرة نلقاك مستعجلة هكي 🤣
متستغربيش كيف عرفت حوشك متنسيش ان ايشيء نبي نعرفه نعرفه ي حلوة 😎
عارفاتك عرفتيني و مش مهم 🙂 الشقة اللي مقابلاتك شقتي 🙂 شريتها اليوم 🔥 و هادي نقطة تانية باش تعرفي ان اللي نبيه بنوصله 🙂 تسحبي الدعوة احسنلك و ردي ع تليفونك 🙂
مع تحياتي حبيبك فهد 🙂 }
سكرت الورقة و نشبح للشقة كنت هنخش نهجم عليه بس شديت روحي غدوة محاكمة مفيش داعي نقوله حتى كلمة لا و زيادة يقول حبيبك هه وهمي العيل للاسف
به هذا دليل تاني ع تهديده ليا غبي ميعرفش اللي صاير حتنحبس ي فهد نوعدك
كنت نقول فهالكلمات و اني بعد هالسنين كلهم تملكني شعور الخوف و الرهبة من اللي جاي 🤦🏻‍♀️💔
اتصلت ب اسلام قتله لو طلعت من الجامعة تعال للشقة 🔥 وقال بيخطم ع عبدو و جاي ♥️
لفيت عالحوش م بين جو سام و عبدو و م بين وصلوا كنت اني رجعت ل ثقتي و رجعت شديت حيلي 🔥♥️ خبط الباب ومشيت نفتح حطيت يدي عالباب واني متوقعة انه اسلام بس تفكرت ان عنده المفتاح ف شبحت طول لقيته فهد لا اله الا الله
اتصلت ب اسلام قتله بسرعة فهدد يخبط 🤦🏻‍♀️💔
اقل من ٥ د ونسمع ف اسلام يقول
سام : تفضل ي خوي من تبي
فهد : وانت شن دخلك
سام : قلنالك تفضل متكثرش الدوة احسن من نكسرلك هالخشم 🤦🏻‍♀️
فهد : جاي نشوف خطيبتي انتو من
سام : تعلم تكذب ي فهد تعلم 🤦🏻‍♀️ برا اسقد بالله
فهد : كيف ؟
سام : فهد اني اسلام ف توكل احسن
ارتسمت ملامح الصدمة ع فهد و بووم طلع و كان من زمان مصارش معاه هكي 🤣 فتح اسلام الباب و لقيت عبدو معاه 🥺♥️ استحشته ولدي هذا 😔♥️
عبدو : اسلام ي دراه ليا ساعة نقولك وين رافعني تي رد
اسلام : اول مرة نعرف انك نفاخ 🤦🏻‍♀️
- شن حالك عبادي ♥️
عبدو : حمد الله وانتِ (وملامح الاستغراب ع وجهه م حد يقوله عبادي غيري 😪 )
- بخير .. تفضل خش باش تفهم كلشيء ♥️
خش اسلام و هو يشبح للحوش و يشبح لإسلام نحس فيه يبي يضربه 🤣 بعد م خش قعمزنا نهدرزوا و فهمناه كلشيء
عبدو : كنت صغير ف وقتها 💔
- عارفهه ي روحي انت ♥️
عبدو : سامحيني مدورتكش
- خلاص أنسى توا غدوة يبان كلشيء
عطيتهم اللي يبوه و قلتلهم ديرو شن تبو اني بنخش نرقد باش نكون مصحصحة غدوة
خشيت رقدت و خليت اسلام وعبدو يتصرفوا ♥️
نوضني اسلام الصبح و هو لابس بدلته الرسمية و مجهز روحه للمحاكمة ♥️ كان قل اعوذ برب الفلق جماله ♥️ نحبه الولد ♥️
اسلام : هيا ي غاليتي اليوم بيتاخذ حقك ي روحي و ترجعي مرفوعة الرأس ♥️
- باذن الله ي غالي و بنرفع راس بابا و ماما يلي طاح من سنين ♥️
اطلع خلي نجهز روحي 🤘🏻♥️
طلع اسلام و اني خشيت دوشت عالسريع و صليت و طلعت فطرنا و اتصلت ب سارة نسأل ع الساعة و قالت انها فالمحكمة حاليا تكمل فالأوراق و فالادلة يلي بتقدمهم و اني ندعي و قلبي خايف رغم ملامح الثقة يلي عندي ♥️🤷🏻‍♀️
طلعت اني و اسلام و ابتسامتي و ثقتي ب نفسي اقوى م يمكن و وصلت للمحكمة و اني الابتسامة ع وجهي 😎♥️
شبحت الناس و نظرتي تقول اخيرا حنثبت نفسي ليكم و حتعرفوا القوة يلي عندي و اني مظلومة
شبحت فرح من بعيد ابتسمتلي و اني اوريدي مبتسمة و الف شعور مراودين نفسي بس مش حنضعف
خشينا و تواصلت مع سارة و العيون كلها عليا و اني نمشي ب اتجاه سارة ♥️
وصلتلها سلمت عليها و قالت ان الجلسة تبدا الساعة ١٠:٣٠ بالضبط و انها طلبت لو ايصير استئناف للقضية يكون مستعجل يعني بينهم على الأكثر أسبوع 🤘🏻♥️
أعطيتها الأدلة في فلاش داخله التسجيلات و نضرتي كانت مفتخرة بنفسي
جاء وائل و هو متعرج و معاه خالتي مريم يلي تشهد ع استقبالها ليا و ع منظري يومها و قالت بتكون عون ليا و حضنتني بغرض انها تهدي نفسي ♥️
كانت نظرتها بحد ذاتها احتواء فما بالك بحضنها ♥️
و حني نهدرزو شبحت للباب جتني صدمة من الحاضرين و تعبوا عيوني دموع بس مبينتهمش ل حد رجعت حضنت خالتي مريم ع امل نتقوا بس سارة و ويل لاحظوا لانهم كانوا عارفيني كويس ♥️

#يتبع ♥️