_تفسير سورة الكافرون تفسيرًا مُيسرًا باللغة العامية🌸_
_تعالوا الأول نعرف شوية معلومات عنها_
عدد آياتها : 6
وهي سورة مَكية "ومَكية يعني نزلت على سيدنا محمد صلى الله عليه وسلم قبل هجرته من مكة إلى المدينة"
سبب نزولها : الكفار عرضوا على سيدنا محمد صلى الله عليه وسلم انه يعبد أصنامهم سنة وهما يعبدوا الله سنة فربنا عز وچل نزل سورة الكافرون علشان يرد عليهم
"ومعلومة كمان ان سورة الكافرون بتعادل ربع القرآن الكريم يعني لو قرأتوها أربع مرات كدة كإنكم ختمتوا القرآن بإذن الله"
"وكان الرسول صلى الله عليه وسلم بيصلي بيها هي وسورة الإخلاص فى سُنة الفجر وسُنة المغرب"
أعوذ بالله من الشيطان الرچيم
بسم الله الرحمن الرحيم
قُلْ يَا أَيُّهَا الْكَافِرُونَ (1) لَا أَعْبُدُ مَا تَعْبُدُونَ (2) وَلَا أَنتُمْ عَابِدُونَ مَا أَعْبُدُ (3) وَلَا أَنَا عَابِدٌ مَّا عَبَدتُّمْ (4) وَلَا أَنتُمْ عَابِدُونَ مَا أَعْبُدُ (5) لَكُمْ دِينُكُمْ وَلِيَ دِينِ (6)
_تفسير السورة بصفة عامة🌸_
بعد اما الكفار عرضوا على سيدنا محمد صلى الله عليه وسلم انه يعبد أصنامهم سنة وهما يعبدوا الله سنة..فربنا عز وچل نزل سورة الكافرون وبيأمر فيها سيدنا محمد صلى الله عليه وسلم انه يقول للكفار انه مبيعبدش اللي هما بيعبدوه ولا هما بيعبدوا اللي سيدنا محمد صلى الله عليه وسلم بيعبده اللي هو ربنا وحده سبحانه وتعالى وانهم عمرهم ما هيعبدوا ربنا لان ربنا سبحانه وتعالى كان عارف ان في بعض من المشركين عمرهم ما هيآمنوا بالله أبدا وهيفضلوا طول عمرهم كفار..وان انتم ليكم دينكم اللي أصريتوا تفضلوا عليه وانا ليا ديني اللي عمري ما هغيره وهفضل ثابت عليه
يارب يكون التفسير كان مُيسر عليكم وربنا يجمعنا مع بعض فى الفردوس وندخلها من غير حساب ولا عذاب اللهم امين🤲🏻💜
المتفائلة بالفردوس🤲🏻
#منى_صالح💜
