مساء الخير أحبتي
أتمنى بكم قراءه ممتعه
بقلم: زهراء البياتي
ريم..جنت بالمشغل داسوي كلاده و صليب
اجت أمنا مدينا و صاحتني
استغربت شمسويه اكيد تريد تلومني بشي
كمت ورحت وره أمنا بس شفتهه طلعت من الدير
طلعت وراهه
دارت وجهه وكالت
مدينا..تعاي للبابا حته نختار اسم جديد الج
صفنت و بلعت ريكي بس محجيت شي رحت وراهه
بكل هدوء و هيه تمشي كدامي
دخلنا للكنيسه و شفت خالتي يم البابا كاعد تصفط شموع طبعا خالتي اغلبيه وكتهه بالكنيسه لان زوجهه قس هيه تجي هم تساعدهه و تنظف
شافتني و ابتسمت
وكفت كدام البابا و هو بس شافني ابتسم
و انطاني الكتاب المقدس
البابا..تعرفين من تبدين حياه جديده لازم نغير اسمج
هزيت راسي و لزمت الكتاب و كمت اكلب بي
يعني لازم اختار اسم من اسماء سيدات من الكتاب المقدس او قديسات بالمسيحيه
مريم..لا مو انتي تختارين البابا يختار
دنحجي وسمعنا صوت البابا وهو يكول
..ريناد
عكدت حواجبي
..ريناد شنو
البابا..اسمج ريناد اذا معجبج الاسم تكدرين تختارين انتي من الكتاب
..لا لا عجبني الاسم بس شنو ريناد
البابا..بصراحه دائما اختار اسم من الكتاب المقدس بس حسيت ريناد يناسبج معنى الرائحه او العطر الجميل
وناس يكولون موطن الغزلان يسمو ريناد و يحمل هواي صفات من الرقه و الجمال
ابتسمت و دنكت
..شكرا بابا
هز راسه و مسح على راسي
بعدين شفت خالتي واكفه وتباوع علي بفخر
فززني صوت أمنا مدينا وهيه تكول
..خلصنا شغل أمنا ريناد خلينا نرجع
هزيت راسي و رحت وره أمنا مدينا
دخلنا للدير وكلتلي علمي كل الامهات انو اسمج ريناد
هزيت راسي و رحت جنت كولش فرحانه
لان عجبني الاسم
رحت للمشغل اكمل شغلي
بعدين اجت أمنا مدينا و صاحتلي مره ثانيه
اووف شكو بعد
رحت وراهه للغرفه
جانت هيه متوتره من شافتني حجت بأمر
مدينا..انتي من اليوم و رايح راح يصير عليج شغل المسواك من بره و المشترى
فتحت حلكي متعجبه بالداسمعه
..أمنا بس اني ما اعرف اي شي من الخارج
مدينا..أمنا المفتشه راح تاخذج وتشوفج وين السوبر ماركت و وين تشترين صمون هنا بس مكانين ترحين كل يوميه وترجعين مطولين ساعه افتهمتي
هزيت راسي
..بس ليش اني
مدينا..حته اشوفج من اطلعين تنجرفين للحياه البره لو تبقين على عهدج للرب
..أمنا اكيد اريد ابقى
مدينا..اني كلت نشووف حته بأقل غلط منج اخليج بره الدير افتهمتي ريناد لان انتي اختاريتي هل حياه ولازم تتحملين التجارب الحتمرين بيها
هزيت راسي
بعدين اجت المفتشه اخذتني و كلتلي عدلي الزي مالتج
عدلته واخذت نفس خايفه اطلع بره اني كولش كولش
اروح بس للكنيسه شلون راح اضل اطلع كل يوم
طلعنا من الدير جانت المفتشه مره جبيره عمرهه بال ٦٨ وكولش حبابه اسمهه أشوريا
جنت فاتحه حلكي على الناس التمشي و البنات الابستات لبس مادري شلونه
ونصهم يباعون علينا اني و أمنا اشوريا لان لابسين زي يختلف عنهم
اشوريا..لتخافين من نضرات الناس و لتخجلين لازم تفتخرين بزيج و ديانتج معليج بالعالم و بهل حياه
هزيت راسي و رفعت راسي بشموخ بس اي واحد يباوع علي ادنك راسي و أمنا اشوريا ترزلني
أنت تقرأ
الراهبه والطيار (مكتمله)
Historical Fictionالراهبه: هي امرأة عهدت على نفسها بأن تكرّس حياتها من أجل دينها. هي قد تكون زاهدة وتختار طواعيةً ترك المجتمع السائد وتعيش حياتها في الصلاه والتأمل في دير. كيف عاشت بطلتنا وماذا عانت؟؟ قصه باللهجه العراقيه حقيقه ترقبوا...
