مساء الخير أحبتي ❤
أتمنى لكم قراءه ممتعه
بقلم: زهراء البياتي Zahraalbayati
دنحجي وجان نسمع صوت سهام تعيط
ركضنا على الصوت جان من فوك
صعدنا وشفنا سهام بالغرفه مال حنين ولازمه حنين الجانت متخربطه و حبوب يمهه و عبالك ميته
حطيت ايدي على حلكي و شهكت
زهراء لطمت على صدرهه..يمه اختتتتي
ركضت زهراء تضربهه راشديات وماكو حنين عبالك جثه و على الكاع
عاط بيه سهام..روحححي خابري الحجي
هزيت راسي ونزلت جوه ركض شفت الحجيه يم الدرج خايفه
الحجيه..شكو يمه شكو شنو هل صياح
..حجيه وين تلفونج حنين متخربطه
لطمت على صدرهه
..صخااام يمه بنيتي حنينه
عفتهه ورحت ادور على التلفون شفته بالغرفه مالتهه
شلته وخابرت على الحجي بسرعه
الحجي..ها يمه
..حجي حنين متخربطه لحك
الحجي..شلووووون هسه جااااي
سديته وباوعت على الحجيه الجانت تريد تصعد بس بلكوه
ريناد..تعاي حجيه تعاي لصعدين مو زين عليج
الحجيه..شبيهه حنين اريد اشوفهه اريد اقره عليهه ايات يمه حفيدتي
تعاي حجيه هسه انزلهه احنه
اخذت الحجيه وكعدتهه و جبت الهه مي لان بيهه سكر ليصير بيهه شي
..حجيه لتخافين هو انتي بيج سكر ليصير ييج شي
الحجيه..يمه حنين شبيهه ليش متخربطه
..مادري بس شاربه حبوب
الحجيه..يمه منتحره ليييش
صفنت عرفت انتحرت اكيد من وره العار اخو عذراء
سمعت صوت بجي درت وجهي وشفت زهراء و سهام شايلين حنين وينزلوهه من الدرج وهيه عبالك ميته
زهراء حالتهه حاله تبجي و تشهك
سهام..خابرتي الحجي
..اي خابرته هسه جاي
سهام..امشو بالتكسي البنيه حتموت ما انتظر اني
زهراء..اي هسه بس البس عبايتي
لبسن واخذن حنين للباب و كفو تكسي من الشارع وجابوهه صعدوهه
مرحت وياهم لان لازم ابقى يم الحجيه و هاله و علاوي
دخلت للبيت شفت الحجيه تلطم و تبجي
ركضت عليهه الزمهه اهديهه
..حجيه ليصير بيج شي ادعيلهه بدال هل لطم
الحجيه..يمه حفيدتي شفتيهه عبالك جثه جثه
يمه حنينه ليش هيج سويتي ليييش ولج بعدج طفله لييييش
..هدي حجيه بس هدي
سمعت صوت هلوله تبجي ركضت للصاله شفتهه على نايمه على الزوليه ويمهه الالعاب وكالبه نفسهه كامت تتعلم تكلب نفسهه
شلتهه واني ابوس بيهه
..اششششش ماما كافي
اخذتهه ورحت للحجيه نفس ما هيه هم تلطم وتبجي مسكتت
نزل علاوي و الخوف مبين علي..رحت بسرعه اخذتهه و صعدنا فوك
علي..شبيهه بيبي تبجي
..مابيهه شي حبيبي بس اذكرت جدك وكامت تبجي
علي..زهراء وين
..طلعو للسوك
دخلت لغرفتنا وحطيت هلوله على الجربايه
..تعال حبيبي يم اختك اني حنزل دقيقتين و ارجع ديربالك عليهه
هز راسه واجه يبوس بيهه
نزلت جوه و عفت الحجيه تبجي لان شكد مداحجي مديفيد كاعده و تلطم
اخذت تلفون الحجيه وكلت لازم اخابر ادم و اكله
دكيت علي مرتين بس مجاوب اكيد لو بالطياره لو بالمطار
اندك الباب ورحت فتحته لكيت الحجي شلون خايف و جهه اصفر
الحجي..وين حنين
..حجي اخذوهه بالتكسي للمستشفى
الحجي..يا مستشفى
..اكيد بهاي الاخذتوني بيهه
الحجي..ماشي حروح وانتو قفلو الباب عليكم وابقو هنا واذا يصير شي خابري عليه
..ماشي حجي
راح واني قفلت الباب نفس مكال
أنت تقرأ
الراهبه والطيار (مكتمله)
Ficción históricaالراهبه: هي امرأة عهدت على نفسها بأن تكرّس حياتها من أجل دينها. هي قد تكون زاهدة وتختار طواعيةً ترك المجتمع السائد وتعيش حياتها في الصلاه والتأمل في دير. كيف عاشت بطلتنا وماذا عانت؟؟ قصه باللهجه العراقيه حقيقه ترقبوا...
