مساء الخير أحبتي
أتمنى لكم قراءه ممتعه ❤
بقلم الكاتبه : زهراء البياتي
طبعا اني كلت المواعيد كل يومين نشر و يوم استراحه
واليوم استراحتي بس لان اني حبابه فهذا البارت اعتبرو هديه او تصبيريه او شكر مني الكم على تفاعلكم 😘 يلا خلونا ويا البارت
.........
مرة زعلني وضجت...
وكَلت هاهية أنتهت بيناتنا
وحتى لو صدفة وتلاكَينا بدرب..
أعتيادي تنعكس خطواتنا
وشاءت الصدفة وتلاكينا بدرب..
هو رايح ....وآني جاي..!
كَلبي شكــَ صدري وطفر وافتر وراي
وكام يدفعني على دربه.. ويكَول..
فدوة فدوة والله آخر مرة هاي
ريناد..متحملت نزلن دموعي ورحت ركض حضنته حيل دفنت راسي بركبته نفس مجنت اسوي لبابا من يجي للشغل
حسيت بي انصدم من حركتي بحيث متحرك
بعدين رفع ايده وحطهه على شعري يمسح علي
واتقرب من اذني وهمس
..بنيتي انتي بس كولي شبيج منو مضوجج حته ادفنه هنا كلشي ولا دموعج
مجاوبتهه جنت محتاجه هواي لحضنه
غمضت عيني اريد اشم عطره اريد اختل بي
بس قاطعتنا زهراء وهيه داخله للمطبخ
فزت اول مشافتنا
اني بسرعه وخرت و مسحت دموعي
بس ادم ولا عبالك ولا اهتم لوجود زهراء
اجه تقرب مني ولزم وجهي بين ايدي وهمس
ادم..احجيلي منو مضوجج
باوعت على زهراء الجانت فاتحه حلكهه وصافنه
..محد مضوجني عمو بس لتتأخر هيج اني هواي اشتاقلك
غمض عينه وجر نفس
ادم..يصير خير بنيتي هاي يمج اني ماريد اشوف دموعج مره ثانيه
هزيت راسي و هو قرب راسي منه وباسني من كصتي
ودار وجهه شاف زهراء غمزلهه وطلع من المطبخ
زهراء جانت فاتحه حلكه وعيونهه
ريناد..شبيج
..صخام الصخمج شنو شبيه اوكفي هل استوعب الصار هنا ولج حضنتي ادم
ريناد..اي لان اشتاقيتله
..عزه العزاج يبووو انتي حتخربين بيته
عكدت حواجبي شدتحجي هاي
..شايفتني سوبر مان واخرب بيته مثلا افجر البيت يعني حته اخرب بيته
شو هاي جرتني وراهه وطلعتني بره للحديقه اتجرجر بيه..استغربت شبيهه هاي
زهراء اكعدي هنا
كعدت على الكرسي اباوع عليهه اريد انتظر واشوف شحسوي
كعدت على الكرسي الكدامي و بدت تحجي
زهراء..شوفي ادري انتي جنتي مسجونه ومتعرفين اي شي بالحياه جنتي كاضيتهه بس عباده لربج
بس هسه اختلف الشي هسه انتي عايشه نفس حياتنا عايش بين وحوش تاكل و وحوش تحمي واكو وحوش تريدج بس مصلحه
الوحوش التاكل مثل عذراء و التحمي مثل اخوي ادم
و المصلحه مثل خالتج
..انتي تعرفين سالفه خالتي
زهراء..اي عرفنا ابويه حجالي اني و امي وافتهمت كولشي المهم خليني اكمل ولتقاطعين
..كملي
زهراء..عذراء و ادم مزوجين شلون مجانو ابوج و امج مزوجين تذكريهم الله يرحمهم مو
..اي
زهراء..ابوج جان يحب امج و امج تحبه مو
..اي
زهراء..لو ابوج حب بنيه ثانيه وكرهه امج جان شسويتي
..اكرهه لبابا
زهراء..ليش
..لان هو لازم يحب بس ماما ميصير يحب وحده ثانيه
أنت تقرأ
الراهبه والطيار (مكتمله)
Fiksi Sejarahالراهبه: هي امرأة عهدت على نفسها بأن تكرّس حياتها من أجل دينها. هي قد تكون زاهدة وتختار طواعيةً ترك المجتمع السائد وتعيش حياتها في الصلاه والتأمل في دير. كيف عاشت بطلتنا وماذا عانت؟؟ قصه باللهجه العراقيه حقيقه ترقبوا...
