مساء الخير أحبتي ❤
أتمنى لكم قراءه ممتعه
بقلم: زهراء البياتي Zahraalbayati
ريناد..جان يمد ايده و يحضني من خصري
فزيت وباوعت علي
ادم..ماطول هيج غيرانه لازم استغل الفرصه اني
باوعت علي مفتهمت شيريد جان هو يضحك بمكر
..مفتهمت تستغل شنو
ادم..ااششش لتحجين اي تصرف منج ميعجبني اروح اضحك واحجي وياهه
فتحت عيني مستغربه
..تهددني شنو
ادم..بعد بكيفج
جان يحجي و شبهه ابتسامه مرسومه على شفايفه
ادم..اتقربي مني لتصيرين هيج بعيده
..ماريد
ادم..لعد خليني اتقرب من هدى احسلي
بسرعه طفرت وكعدت يمه وهو ضل يضحك
ادم..هيج اريدج عفيه
درت وجهي امنيتي اطيح حضه اعيط بوجهه بس ماريد ينطي عين لهدى اباوع عليهه لازمه هاله بس عيونهه علينا
سهام..اليوم مترحون تباتون
ام هدى..لا والله منكدر
سهام..ماريد اي اعذار تباتون يعني تباتون
ام هدى..خاف تصير زحمه
سهام..يا شبيج شنو زحمه هو اني اكيف من تجين التهي وياج بالسوالف
هدى..اي يوم خلينا نبات مشتاقه لزهوره
ام هدى..بس باجر العصر نروح
سهام..انشالله
عضيت شفتي شيخلص هل يوم انوب يباتون هاي شنو متستحي تكول لامهه نبات ماعدهه احساس
جان يتقرب من اذني و همس
ادم..اليوم حشعل اهل اهلج بس اصبريلي
باوعت عليه و خزرته
..الظاهر اني انطيتك مجال تتمادى
كمت وعفته ورحت يم زهراء اساعدهه بالعشى
داساعد زهراء و اكصكص بالخيار
جان اسمه صوت هاله تبجي بسرعه عفت لابيدي ورحت للصاله شفت هدى كاعده بنفس المكان الجنت كاعده بي و تلعب هاله بس ادم ممهتم الهه مدنك و يلعب بتلفونه
اني هنا صرت نار رحت بسرعه اخذت هاله منهه
هدى..مادري على ساعه كامت تبجي
..اي يمكن جوعانه هدى عادي ترحين انتي ساعدين زهراء واني بس اشربهه حليب واجي
هدى..ها اي اكيد
راحت هدى تساعد زهراء ولو هيه معاجبهه الست رادت تبقه كاعده يمه
كعدت يمه وخزرته ودرت وجهي وهو بس يضحك و عاجبه الوضع..شربت هلوله الحليب وكمت اهز بيهه لحد منامت ضليت صافنه اذا اصعدهه فوك خاف انزل وهم اشوف هدى يمه
ادم..وين صافنه
..ها
ادم..شبيج يحجي وشبهه ابتسامه مرسومه على شفايفه اعرفه حاب هل وضع مال اني اغار
..روحي صعد هاله نيمه فوك عفيه لتكعد
هز راسه واخذهه مني وجان يهمس بأذني
ادم..متجين انتي انيمج بحضني هم
مديت رجلي و على رجله على كيف
جان يضحك و ياخذ هاله فوك
رحت للمطبخ ساعدتهن بالمواعين بعدين
صحناهم اجو كلهم
اني رحت بسرعه كعدت يمه جان تجي هدى تكعد من الجهه الثانيه
هدى..تذكر ادم من جنه صغار نتعارك على الاماكن
ادم..اي شلون ما اذكر
اباوع عليهم يضحكون و يسولفون كون اشيل السجينه وادخلهه بعينهه اخليهه خوش تذكر
درت وجهي واحس وجهي صار اصفر
بدينا ناكل وهيه ضحك و سوالف الحلو بيهه مرحه تحب تسولف و تشاقه بحيث الكل يحب سوالفهه
واني كاعده تكل بروحي
من خلص العشى بسرعه كمت لان لو باقيه جان كتلتهه
رحت اغسل المواعين لان زهراء سوت العشى واجت هم تساعدني و هدى راحت تسوي جاي للحجي و ادم
هدى..وين الهيل ادم يحب هيل ويا الجاي
..لا ميحب اني اسويله عادي جاي نفس كل الناس
هدى..اي عادي يشرب الجاي بس اني اعرف يحب ويا هيل جنت اسويله قبل تذكرين زهراء من جنت ابات يمكم اكثر من اسبوع ونكعد نتعلم طبخات براس اخوج
زهراء..ايييي والله ايام متنعاد
هدى..اي حلوه الطفوله
زهراء..اليوم حتباتين مو حته نرجع ايام قبل
هدى..اي اي خلينا نلعب ورق وادم هم ويانا نفس قبل بربج تحجي بدلع وتضحك وهيه صوتهه منا ناعم
زهراء..اي نلعب ليش لا والله مشتاقه لهيج ايام
هدى..اي زين هسه اروح اشوف الورق وينه حته نلعب
زهراء..عندي الورق بغرفتي اني اجيبه
هدى..ماشي
راحت صبت الجاي و طلعت من المطبخ
شكد صلفه ومتستحي وتكول نلعب اني وياج و ادم واني هنا عبالك حايط حته متذكر اسمي الحيوانه
أنت تقرأ
الراهبه والطيار (مكتمله)
Fiction Historiqueالراهبه: هي امرأة عهدت على نفسها بأن تكرّس حياتها من أجل دينها. هي قد تكون زاهدة وتختار طواعيةً ترك المجتمع السائد وتعيش حياتها في الصلاه والتأمل في دير. كيف عاشت بطلتنا وماذا عانت؟؟ قصه باللهجه العراقيه حقيقه ترقبوا...
