الراهبه والطيار (مكتمله)

البارت 24 الجزء الثاني

مساء الخير أحبتي❤
أتمنى لكم قراءة ممتعه

بقلم: زهراء البياتي

طبعا بالبدايه اعتذر لان منزلت البارت بس متوقعت هيج رمضان صعب بالكتابه يعني بين ما اقره قران و اكابل الجهال و اسوي الفطور والسحور مديصير عندي مجال اكتب
بس داحاول ما اتأخر عليكم اتمنى متزعلون اذا صار النشر بين يوم و يوم وحشوف حسب طاقتي يمكن باجر هم انزل بعد حسب

.....

ريناد..عوووفني اريد اوخره بس لازمني من خصري حيل
ادم..راهبببتي بس اسمعيني
رفعت راسي وعيونه مدمعه
..اكرهك ادم اكرهك
كلتهه ودفعته من صدره حيل
وطلعت من الغرفه سمعته من وره يسب
فرحت كولش بداخلي..دخلت غرفه زهراء واني مبتسمه
زهراء..ها بشرري
..اني الرفضتهه
زهراء..هلا اللعب تعاي يمي احجيلي
رحت كعدت يمهه وحجيتلهه وهيه تسمع بتركيز
زهراء..عفيه خليج هيج شوفي اريدج تسحلي سحل لاخويه لان الولد هيج يحبون واحد يسحلهم و يطيح حضهم ويحبون الصعب هم ميحب وحده تسحل نفسهم عليهم
هزيت راسي وكلت
..لتخافين حسحله لاخوج
جان تكرصني من ايدي
زهراء..ولج مو ترحين تكليله راح اسحلك لان زهراء كالت اطيح حضج لان
..لا ماكول

زهراء..نامي على جربايتي
..وانتي
زهراء..اني انام على جربايه حنين هيه بعد من راحت صارت جربايتي احس بيهه ريحتهه
كالتهه وراحت ضحكتهه
..كلنا نموت زهراء
زهراء..صعبه ريناد اني و حنين مو خوات لا صديقات هم من اول منولدت واني جنت طفله امشطلهه و جنت مرات اغار منهه حته بالمدرسه اني وديتهه جنت اني بحسبه امهه بهاي الغرفه تعاركنا و ضحكنا و بجينا سوه جانت متخليني انام بليل اضل تغني بصوتهه واني جنت اضوج واكله اسكتي واقلد على صوتهه نتناكر لحد الصبح اتمنى ترجع حته ما اناكرهه ولا ازعلهه اضل بس ابوس بيهه واحضنهه
..الله يرحمهه
زهراء..روحي نامي يلا
هزيت راسي وكمت شفتهه لفلفت نفسهه وضلت تبجي جوه اللحاف عفتهه تبجي حته ترتاح لان مو سهله عليهه حتبقى هيج لحد مضل تتعايش و تنسى

رحت نمت على جربايه زهراء وجنت كله افكر بأدم شيسوي هسه اكيد هاله تكعد من الفجر تبجي
خلي هو يحير بيهه يستاهل
لفيت نفسي بالغطه ونمت واني احمد ربي صدك من يكولون مينسى عبده و صح صبرت وتأذيت بس بالاخير نكشفت الحقيقه

كعدت ثاني يوم على صوت هاله
فزيت من النوم لكيتهه يمي بالفراش و زهراء دتمشط شعرهه
زهراء..ادم سافر
..ساافر؟؟
زهراء..اي رجع لشغله حيبقه شهرين
..شهرين؟؟
زهراء..اي لان اخذ اجايز هواي
شلت هاله وحطيته على صدري اهز بيهه.. بس ضجت كلش شهرين هواي

مرت الايام و الايام صارت اسابيع لحد مصار اليوم شهر و ادم ماكو جنت اشتاقله هواي بس اسوي نفسي كدامهم ممهتمه.. جان كل يوم بليل يخابر الحجيه يسأل عليه والحجيه تنطيني التلفون اني اخذه واسده بوجهه مرات صرت انقهر علي اكول ميتعب كل يوم يخابر و نفس كل مره اسده بوجهه والحجيه تكعد ادردم عليه.. هلوله كبرت و صارت تضحك و تسولف بس منفتهم طبعا عليه شي و علاوي روحه بيهه مرات يجيب لفه ويريد يوكلهه بس احنه نكله لا بعده صغيره هو يزعل و يروح
جان بليل يجيني ويكولي مشتاق لماما اني اخذه وانيمه يمي بالغرفه لان من ادم راح رجعت انام بيهه
اخلي يمي ينام واقراله قصص لحد ميسكت
لحد مكام يتعود على غيابه