مساء الخير أحبتي
أتمنى لكم قراءة ممتعة
بقلم: زهراء البياتي
اعتذر عن التأخير هل بارت قصير لان كولش مريضه
وانفلونزا وتعرفون هل فتره فتره المرض
انشالله باجر انزل بارت طويل
ادم..اني خليني اوديها للمستشفى بس هيه منو أمنا تعاي خلينا نروح سوه ناخذهه للمستشفى
خزرته بعيني هو بسرعه فتح حلكهه وكال
..اووووويلي شهل عيون
بعدين نزل عيونه وضل يكح
عفته ومشيت على السريع دخلت للدير
رحت للمكتب مال أمنا أثناسيا شفت الامهات كلهن مجتمعات عليهه رحت دخلت بنصهن اريد بس اشوف أمنا أثناسيا بس الامهات ماكو واكفات ويدعن
ريم..يس سولي مجال رجاءا اريد اشوفهه
احجي بس ماكو ميسمعن وميصير اعيط
رحت بلكوه دخلت بينهن وشفت أمنا أثناسيا كاعده على الكرسي وجهه اصفرر و حلكهه اعوج صاير وعيونهه فاتحتهن على وسعهه
بس شفت شكلهه ضليت ابجي و لزمت الصليب
اريد من الرب يشفيهه هيه الربتني كافي كافي اخسر الاحبهم كااافي حطيت ايدي على وجهي وضليت ابجي
سمعت صوتهه وهيه تكول أمنا ريم
اني بسرعه بس كالت هيج رفعت راسي باوعت عليها
جانت تباوع عليه وتبتسم
رحت يمهه ولزمت ايدهه واني ابجي
..أمنا لتحجين هسه تجي مريم وتاخذج للمستشفى
أثناسيا..خلص اني حفارق الحياه بنتي
بس كالت هيج كمت اهز براسي بلا
..لا لا لتعوفينا أمنا لتعوفيني لتعوفيني
أثناسيا..بس اموت راح يتحقق حلمج وحتصيرين راهبه لتزعلين منج لان مخليتج اتصيرين وره ال ٣ سنوات جنت منتظره تكبرين و صدك كبرتي و شفتج كولش مطيعه للرب و تردين هل حياه الرب ينور طريقج
حجتهه بثقل بعدين ابتسمت و صلت بأسم الرب و الابن و روح القدس وغمضت عينها ومال راسهه على ايدي
شلون وحده ماتت
اني هنا فقدت كمت ابجي واهز بيها
و الامهات يبجن وأمنا مدينا كاعده تصلي عليها
بست ايدهه وراسهه وعفتهم و رحت طلعت من الغرفه
امشي والدموع موكفن
اخذت نفس و مسحت دموعي لان بساطه اتعودت على
موت الناس القريبين و الاحبهم
بهل لحضه دخلت خالتي و بس شافتني
ركضت علي حضنتني بس حضنتني كمت ابجي بصوت عالي بحضنهه
مريم..شبيهه
..ماتت
مريم..كلنا على هل طريق لتقهرين نفسج
هزيت راسي و خرت من حضن خالتي
وسمعت صوت الجرس يدك الساعه جانت بال 12 ونص
وبهل وكت يجي وكت الغده
كل المهات طلعن و راحن للمطبخ حته يتغدن
و أمنا مدينا و مجموعه من الكهنه اجوي حته ياخذون أمنا اثناسيا للكنيسه يصلون عليها و يسون مراسم الموت بس احنه منكدر نروح وياهن لازم مننشغل عن حياه الراهبات ولا كأنو شي صار
رحت اني هم للمطخ شفت الامهات كاعدات و يباوعن على مكان أمنا أثناسيا جان هيه تتأرس الميز
كعدت بمكاني وكمنا وحده تباوع على الثانيه خايفين بعد أمنا أثناسيا شحيصير بينا
أنت تقرأ
الراهبه والطيار (مكتمله)
Fiksi Sejarahالراهبه: هي امرأة عهدت على نفسها بأن تكرّس حياتها من أجل دينها. هي قد تكون زاهدة وتختار طواعيةً ترك المجتمع السائد وتعيش حياتها في الصلاه والتأمل في دير. كيف عاشت بطلتنا وماذا عانت؟؟ قصه باللهجه العراقيه حقيقه ترقبوا...
