مساء الخير أحبتي
أتمنى لكم قراءه ممتعه ❤
بقلم: زهراء البياتي Zahraalbayati
ريناد..وكفت كدام الباب مديت ايدي وهيه ترجف اتمنى الافكر بي ما اشوفهه لان كلبي ميتحمل بعد
فتحت الباب على السريع
وياريتني مفتحته
نايم فوكاهه على جربايه و يبوس بيهه و ملابسهه مشكوكه.. دار وجهه بسرعه باوع علي و عاط بيه
ادم..بت الكلللللللب اطلعي بره
سديت الباب بسرعه و ايدي ترجف
رجعت ليوره احس الدنيا دتفتر بيه..لزمت الحايط وكمت امشي واني لازمه الحياط
بلكوه اخطي خطوه نزلت الدرج واني على ساعه احس حوكع.. اجت بوجهي حنين فتحت عينهه بس شافتني واجت اتقربت مني
حنين..شبيج ريناد وجهج اصفر شكوو
اريد احجي بس ماكو حرف ميطلع مني
اخذتني من ايدي واجت زهراء فوك راسي هم كامت تحجي وياي بس حته مفتهمت شتحجي جنت من الصدمه بس صافنه و ساكته حته دمعه منزلت مني
سهام..شلون احنه كل يوم مسويه تمثيليه ونوديهه للمستشفى بلا عياره
حنين..ماما دتشوفيهه حتموت وجهه اصفر انوب متحجي
زهراء كامت تضرب بيه..دفعت ايدهه وكمت طلعت للحديقه رادت تطلع زهراء وياي بس اشرتلهه لا
زهراء..ماشي اني حباوع عليج من الشباك انتي روحي اشتمي هوى
هزيت راسي وطلعت للحديقه لزمت صدري و ركبتي احس شي واكف بجسمي مديخلني اعيط مديخليني ابجي.. كعدت على الحشيش اتنفس بصعوبه
رفعت راسي شفت السما غمضت عيني اريد تطلع صوتي اريد اسمع صوتي لربي اريد اعيط اريد اشكيله بس ماكو ميطلع صوت
لحد مأجه صوته من وره
ادم..بيج شي
درت وجهي وشفته مدنك ويريد يلزمني مادري منين طلع صوتي و عيطت بوجهه
..حيييييييييييييييوان الرب ياخذك يا حقققققير اني شلون انغشيت بيك شلون امنت بيك عود تحبني اني شلوووووووووووون هيج سويت ورطت نفسي بيك انته متستاهل ذره حب و احترام يااااااا حقير روح للزباله الفوك هو هذا مستواك ياااا حقير وخر لتلزمني
لزمني حيل وكومني واني ادفع بي وابجي بس جسمه ضخم واطول مني بسرعه عصرني بين ايده واتقرب من اذني
ادم..اشششش بس اهدي وجهج اصفر بس اهدي
..وخرررررر لتلزمني بأيدك القذره وخر
دفعته ودخلت للبيت شفت الكل يباوع عليه مهتميت و صعدت فوك لغرفتي واجت زهراء و ادم يركضون وراي
دخلت للغرفه لكيتهه تبجي و ادور ملابس من الكنتور مالتي..بس شفتهه فقدت
..لتلتزميييين غراضي بأيدج الوصخه يا ساقطه
جريتهه من شعرهه وكعتهه بالكاع وهيه هم ملختني من شعري وجان تجي زهراء تجرني
..عوفي زهراء اطيح حضههه لهل ساقطه ام الرياجيل ولج حته ويا يوسف نايمه هيه كلتلي بلسانه
زهراء..عوفيهه ولج
اجه ادم وشالني من وره وطلعني من الغرفه واني جنت ارافس اريد انزل ارجع املخهه تملخ
دخلني بغرفه علي و اخذ المفتاح و قفله للباب
كمت ادك بالباب محد يجاوبني
كعدت على الكاع وحطيت ايدي على وجهي وكمت اشهك من البجي
أنت تقرأ
الراهبه والطيار (مكتمله)
Historical Fictionالراهبه: هي امرأة عهدت على نفسها بأن تكرّس حياتها من أجل دينها. هي قد تكون زاهدة وتختار طواعيةً ترك المجتمع السائد وتعيش حياتها في الصلاه والتأمل في دير. كيف عاشت بطلتنا وماذا عانت؟؟ قصه باللهجه العراقيه حقيقه ترقبوا...
