مساء الخير أحبتي
أتمنى لكم قراءه ممتعه ❤
بقلم: زهراء البياتي Zahraalbayati
ادم..اكو شي يضحك
ريناد..درت وجهي واني ابتسم
..لا بس اشتاقيتلك هواي عمو
ادم..اشتعل عمج
..ليش
ادم..تكولي ليش امشي طبي جوه يلا
درت وجهي واني ابتسم فرحانه كولش بوجوده
اجت عذراء واول مشافته راحت حضنته
عذراء..مشتاقتلك حبيبي ليش هلكد تأخرت
حضنهه وهو يبوسهه من كصتهه
..واني هم مشتاقلج شسوي لان بسبب الجو اتأخرنا بمواعيد الطيران
ام ادم..هلا يمه نورت البيت
..هلا يوم
جنت واكفه واني اشوف الكل شلون فرحان بجيته
حته علي طاير من الفرح بأبو بحيث بقه يحضن بأبو ميريد يعوفه
اتمنيت اني لو عندي هم هيج عائله نفسهم عائله حقيقه انتمي الهم يحبوني نفس ميحبون زهراء و حنين
ويعاملوني بأحترام ويدلعوني
فزيت من صفنتي على عذراء وهيه تصيح
..دروحي صبي الغده شمنتظره
هزيت راسي ورحت بسرعه للمطبخ
ورايه اجت زهراء تساعدني
صبينا الغده و جانت ام ادم مسويه هواي انواع مقلوبه و دولمه و بورك و هل سوالف..اني اكصكص واكلي وهيه بس تكلي هيج حطي و هيج يعني اكثر شي اني الطاح حضي بالاكل
زهراء..يمه صيحيهم خلصنا
ام ادم..اخوج ميحب ياكل على الميز تعرفي هناك بالصاله يريد ياكل افرشو بالكاع
رحنا وحولنا الاكل من المطبخ للصاله
زهراء..يلا راح اخذ المواعين وانتي الدولمه شيليهه
هزيت راسي ورحت شلت الدولمه جانت ثكيله كولش
درت وجهي اريد امشي واجه علي ركض عليه شايل مسدس جايبلهيا ابو هديه..جان يركض على السريع اني بسرعه عطت وكلتله
..وخر علي..بس جان جاي يركض انضرب بيه وماحس غير اني واكعه على ضهري والدولمه فوكايهه واكعه
زهراء وهيه تلطم على صدرهه
..صخام راحت الدولمه
علي هم عثر وكع
كام بسرعه وهو خايف وكف على زاويه يباوع عليه
اجو الكل ركض للمطبخ يردون يعرفون شصار
واول وحده استلمتني رزايل عذراء
عذراء..عزه بعينج يلغمه يلثوله بلا هاي سوايه من الله يطيح حضج مابيج خير
ام ادم..غببببيه شسويتي يلثوله
الحجي..يلا مصار شي كافي انتن هناك اكل مليان
كومو البنيه من الكاع خطيه
عذراء..حجي شنو خطيه كله من وراهه هلثوله هاي
اجه ادم واول مشافني حجه بنتر
..عذرااااء امشي طلعي ولا حرف تحجي بعد
عذراء..شبيك
..شنو شبيه البنيه واكعه بدال متكوموهه جاين تغلطون و تعيطون..يحجي واتقرب مني مد ايده حته الزمهه
جانت الدمعه بعيني خجلانه و مستحيه
كمت اوخر من البصل مال دولمه الي بركبتي و وجهي
لان حته على شعري صاير بي التمن مال دولمه
لزمت ايده وكومني وكفت على حيلي انكت بملابس وهو جان شبهه ابتسامهه مرسومه على شفايفه
عذراء بس شافتنا هيج دارت وجهه وطلعت من المطبخ
ام ادم..تعال يمه تعال اتغده وانتي لمي السويتي و روحي عود سبحي
هزيت راسي واني اريد ابجي من الخجل
ودم..لا خليهه تتغده
ام ادم..شتتغده ومتروسه من فوك ليجوه دولمه والله يالله هزت بأيدهه وراحت معاجبهه الحجي
زهراء..خل اروح اني هم اتغده بس والله ابد ممسامحتج ريناد على هل سالفه كلشي وكعي ملكيتي غير الدولمه..راحت زهراء والدمعه بعينهه عبالك مقهوره اكثر مني
أنت تقرأ
الراهبه والطيار (مكتمله)
Tarihi Kurguالراهبه: هي امرأة عهدت على نفسها بأن تكرّس حياتها من أجل دينها. هي قد تكون زاهدة وتختار طواعيةً ترك المجتمع السائد وتعيش حياتها في الصلاه والتأمل في دير. كيف عاشت بطلتنا وماذا عانت؟؟ قصه باللهجه العراقيه حقيقه ترقبوا...
