الراهبه والطيار (مكتمله)

البارت 13

مساء الخير أحبتي
أتمنى لكم قراءه ممتعه ❤

بقلم: زهراء البياتي

ريناد..شو هذا كام واجه بأتجاهي
فزيت ورحت ركض للباب اريد اشرد بسرعه ليكتلني
بس جان سريعه بسرعه قفل الباب ولزمني من وجهي ودارني الهه
ادم..تزوجيني ريناد

صفنت بوجهه احس لساني انعكد احس اني بخيال عايشه او داتوهم..بقيت بالخمس دقايق اني بس صافنه اريد استوعب عمو كلي ازوجه؟؟!
ادم..اخذي راحتج تكدرين تفكرين
بس اريد الجواب منج يطلع واذا على عذراء ابشرج مستحيل ارجعلهه ومن باجر امشي بمعامله الطلاك
محجيت شي احس ماعندي حجي اكوله ولا اعرف شجاوب احس راسي حينفجر شديصير
ادم..مراح اضغط عليج بس اريدج تفكرين
اتقرب و باسني من كصتي
روحي بويه هسه
فتح الباب واني احس مو الباب انفتح الجنه انفتحت
بسرعه طلعت لان الهوى احس انكطع يمه

نزلت جوه بسرعه شفت الحجيه تصيحني حته مرحتلهه لان احس محتاج هوى.. طلعت للحديقه
وغمضت عيني و كمت اتنفس على السريع وكلامته ترن بأذني..تزوجي و يطلك
شلون ليش هيج اني اني عمو احسبهه نفس بابا الفقدته صح متعلقه بي واحبه بس حب ابوي..شلون يريدني ازوجه واصير نفس عذراء زوجته
لزمت كلبي اريده يهده..كعدت على الصبه وضليت صافنه..ازوج؟! يعني نفس عذراء من جانت زوجته نفس ماما من جانت زوجه بابا اي يعني اني معقوله ازوج؟؟

ادم.. اني انسان جنت اخر شي خاله بالي الزواج..لان شغلي معروف شهرين بره و شهر هنا.. بس بسبب ماما وحجيهه وتريد حفيد..قبلت ازوج عذراء عن طريق امي لان ام عذراء صديقتهه
حلوه عذراء حنطاويه وجسمهه حلو و دارسه ومكمله
مترردت ولا دخلت بعلاقه حب
كلت لازم هم استقر وازوجتهه.. ما اجذب حبتني هواي واني اي حبيتهه لان صارت بعد زوجتي وام طفلي
صح جانت علاقتنا دوم متوتره تسوي اشياء من كيفهه بدون متسأل و تحب ادور المشاكل بس جنه منتعارك هواي يومين واروح اصالحهه اني حته لو هيه غلطانه هذا طبعي احب ما اكسر بنيه تحبني و احتويهه بالحب والاهتمام ..بس هذا ااشي فقط يطلع مني منهه ميطلع غير المشاكل
جابت علي وجان هل يوم احلا يوم يمكن بحياتي
صرت اب لاحلى طفل..بس بمرور السنين عذراء كل شويه وتخلق مشكله واكثر المشاكل علمود شغلي
انته دومك مسافر شتعرف عليه جنت اسمع منهه هل كلمه جمله هواااي
بس ماهتم لكلامهه شغلي واحبه..

من دخلت ريناد حياتنا..كامت تخلق مشاكل بسبب غيرتهه جنت اغلس وهم اروح اصالحهه لان حقه اي بنيه تغار على زوجهه..بس من شفت هواي طلعاتهه بغيابي لبيت اهلهه ضجت لان شعدهه من اسافر اني يلا تروح بس جنت واثق بيهه زوجتي و ام ابني مستحيل اتسوي شي مو زين
بس من مره رجعت وكلتلي الحجيه نايمه وتعبانه
صعدت فوك وشفتهه صدك تعبانه وكلولي جانت ماخذه علي..رحت وسألت علي صدك جنتو بيت جدك كلي اي بس ماما طلعت ويا صديقتهه للسوك وعافتني عند جدو..عبالي صديقتهه اليم بيت اهلهه دوم تروح وياهه فغلست ومنتبهت على الموضوع