هلاو حبايب قلبي كيفكم مشتاقتلكم واجد🌹♥
#نيران العشق#🔥
#بقلمي أسماء#🌹
------------------------------------
اخذوا جنّطتي ولبسوني حلقة وتاج
وزفوني بچفن والزفة دفنة وخوف..!
وباگو دفّتري الإحلم أترّسة أحلام..!
توني تعلمت أرسم شمس وحروف..
عساها_بخت_كل_عگال_بالديوان !
وأبوي الباعني وهدّم بروحي صفوف..
من لعابتي وطبشوري والاقلام
من حلم الطبيبة الجان بية يطوف..
لحضن شايب عليل الموت منة يخاف
عرف يگطع_وردتّي وهو ابد ميشوف.!
عرف يآكلني مثل النهر من يفيض
من يتخبّل ويآكل وجه الجروف!
شد أعگالة بية وگوة جرني بليل
سد الباب بيدة وشگّكّ النفنوف..
......
مريم:ماما بجي سمعت بابا يكول ل صديقي بنيه الك ع اتفاقنه
سعاد:وج شداتحجين نتي شوكت هالكلام اي اتفاق كافي بجي وفهميني
مريم:هسه من اخذت جاي الهم ويكوله وين احصل زوج ل بنتي أفضل منك ونته صديقي ...
سعاد:دانحجي ودخل علي
.. علي شنو هالكلام سمعته
علي:وشنو سمعتي
سعاد:لتغشم نفسك اي بنيه تنطيهه اله
علي:مريم ل صديقي عدنان
سعاد:نته شداتحجي من عقلك هذا كلام طفله عمرها13 سنه تزوجها ل رجال بكد أبوها ومزوج 2
علي:وشنو بيها هي بنيه هسه او بعدين تتزوج واني ماتحمل مسؤلية اربعة
سعاد:أني مستحيل انطي بنتي ل رجال بكد أبوها وما اسمحلك نته تقرر حياتها جاي بعد 3سنوات حتى تزوجها
لان صديقك طلبها رجعتنا ع بيت
علي:ونتي منو حتى تمنعيني اسوي الي يعجبني فهمتي بنتي وحر بيها
سعاد:نفس ما بنتك هي بنتي مريم شاطرة مستحيل تترك دراستها حتى تتزوج
علي:لج حقيرة ظاهر خلال 3 سنوات نسيتي منو علي اني يوم اذكرج
مريم:اشتد نقاش بين ماما وبابا إلى ان
بابا بدأ يضرب بيها وأخواتي يبجون
... مريم بابا الله يخليك اتركها
علي:والله يوم اربيجن من جديد
مريم :بدأ يضرب بينه اني وزهراء وأختي فاطمة عزلت نفسها تخاف لتنضرب ود بس تبجي ماتت وهو كول رحمة بقلبه ماكو
علي:الخميس العقد اني منطقي كلمه والي يخالفه يكون عقابي وياه مختلف
مريم:بس ماازوج ودراستي ماتركها
كلت ذولي كلمات وما حسيت إلا بابا جرني للغرفة وقفل باب وبدأ يضربني ب حزام هاا وج حقيره بعدج بكد فصمه
وتعاندين إلا اربيج يوم بقى يضرب إلا أن نهاني طلع من غرفه وكال
علي:كلمه بعد ماسمع فهمتووو
سعاد:طلع علي بعد ماجنزنه حنه 3 اجتي بنتي فاطمه
فاطمه:ماما لزعلين مني اسفه بس والله اخاف منه
سعاد:لا حبيبتي ماازعل
...اشوف ود تبجي وخايفه ولامه نفسها كمت الها تعالي ودي بنوتي حلوه شلتها سكتتها كولش اخاف عليها لا كولش تخاف وصوت عالي يخوفها وتبقى تبجي...
مريم:طلعت من غرفه كوه امشي
شفت ماما ود بحضنها وزهراء تبجي
سعاد:اشوف بنتي مريم تتعذب ومااكدر اسوي شي شعور كولش صعب مااكدر أساعد بنتي
... مرت الأيام وكول يوم يقرب موعد زواج اشوفها تتعب وجهه يذبل أكثر تحت عيونها اسود ليل كوله تبجي وتكولي ماما شرديني ساعديني واني ا جاوبها ب بجي
فلوس الي انطاها عدنان كولهم اخذهم علي يكول اصرف بيهم ع بناتج...
اجه يوم خميس بنتي مو كأي عروسه لا جهزت نفسه وحزينة وحتى اكل متاكل عقد عليها عدنان زوجه3 إله وبنفس يوم اخذهه بدون زفه وكان هذا شرط احد زوجاته وقبل لتطلع كلتلي كلمات ب عمري مانساهن
مريم:حطلع من بيت ومراح ارجعله بحياتي مثل مبعتوني حبيعكم اكرهكم ومراح يجي يوم واحن عليكم ذبحتو طفولتي وخسرتوني مستقبلي
سعاد:ماما شنو بيدي سويت كولشي يا حبيبتي
مريم:ماما اكو هواي طرق نتي محجيتي لخاطر بناتج واني مو مهمه بالنسبه الج كولشي بداخلي مات من صرت باسم عدنان الي يشرب ومزوج2 وحرامي مع السلامه ماما
سعاد:اني اعرف نفسي غلطت لو مشتكيه عليه مصار هيج اكو حلول هواي بس اني سكتت طلعت مريم بنتي وأول فرحتي ودموعها تنزل ونضراتها متوجها النا اني وعلي بيهن حقد عتاب ألم خوف بس ماكدر اسوي شي غير دموع تحركت سيارتها ركضت وراها اجه علي دخلني للبيت واني ابجي بنتي راحت لغير محافظه وبعد مشوفها ودعتني وراحت لانسان قذر اعرف حيدمرها بعد زواج مريم تعبت هواي واهملت ود بدات زهراء تعتني بيها.. علي بدء يسهر ب ليل ويجي بوقت متأخر اسئله يبقى يصرخ
إلى ان اجه بيوم ....
يتبع....
