نيران العشق

27

هلاوو ورودي🌹💖

#نيران العشق#🔥
#أسماء#❤🌹
______________________________________

لا اريد ان اغرق في متاهات الحياة🔥

انا فقط اريد ان اكون معك

هذا كل شيء💔...

زيد: والله احبججج ياوردتي بس رجعيلي والله بعد مااكول ورد كوله ود
ود: نزلت دمعتي وكعدت بالكاع واسمع عياطه وشوي وخف العياط خفت ليصير عليه شي كمت شفت عادل اجه اخذاه ويعت بيه وراحو نزلت للغرفه طار النوم من عيني بقيت كاعده مااعرف شنو اسوي صارت ساعه ٣ سمعت الباب نفتح ودخل مصطفى

مصطفى: بعدج كاعده
ود: ماجاني نوم
..دخل للحمام وضعه مو طبيعي انتضرته يطلع
ووسالته
.... وين رحت
مصطفى: وانتي شنو وسألين
ود: وضعك مو طبيعي حبيت اسألك
مصطفى: لا سألين بعد انتي هنا مسمعين ولا شوفين شي

ود: اني مااريد اكل حرام اشتغل واعيش نفسي
مصطفى: شغل ماكو تريدين متريدين على راحتج
وهاا من باجر حضري الاستقبال عندي خطار
ود: منو
مصطفى: كلت ماسألين باجر يجون وتعرفين
ود: درت على جهه ثانيه ونمت كعدت الصبح نظفت الاستقبال وخليت بيه ميز بالوسط وسويت اكل ومنتضرته يجي ساعه ٥ اجه
مصطفى: ممم عفيه عليج ب ٨ يجون
ود: توضات وقريت قران كملت صبيت اكل واكلت وبعدها اذن المغرب صليت وكملت وكعدت بالمطبخ
ب ٧:٣٠ اندكت الباب طلع مصطفى فتحه اسمع صوت بنات وشباب وضحك ودخلو للاستقبال
واجاني مصطفى
...منو اجه
مصطفى: اصدقائي
ود: واصدقائك بنات وياهم
مصطفى: انتي معليج هنا خدامه تسوين الاطلبه وبس
ود: كوتلك اني مااشترك بالحرام الي تسويه ورحت جرني من شعري وكال
مصطفى: حضري الاكل وبدون صوت تره مايحصل خير
ود: حضرتهم الاكل ورفضت اني ادخل عليهم اجه هو اخذه وكملو رجعت المواعين غسلتها ودخلت للغرفه قفلتها شوي واجه مصطفى فتحت الباب
مصطفى: طلعي من الغرفه
ود: ليش
مصطفى: اريد ادخل تالا هنا
ود: شنو دخل ساقطه لغرفتي لهنا وخلاص
مصطفى: شوف منو يحجي بالشرف طلعي لا اطلعج بطريقتي يلا البنيه منتضره
ود: انته شنو من بشر ماعندك غيره بنت عمك ومرتك طلعها يم اصدقائك ودخل وحده بغرفتها
مصطفى: سحلتها ذبيتها بالهول وذبيت حجاب عليها ودخلت
ود: لفيت نفسي بالحجاب ودخلت للحمام وقفلت الباب خفت يطلع واحد منهم شوي واسمع صوت اثنين يدكون باب الحمام وظاهر شافوني من دخلت
... ها يحلوه وين طلعي
... هههه خجلانه ننتضرها شوي
ود: مااعرف شنو اسوي خفت منهم حيل بقو يدكون بالباب وبعدها راحو عرفتهم رح يرجعون فتحت الباب ملكيتهم طلعت امشي على اطراف اصابيعي وصلت لباب الهول سمعت باب الاستقبال الداخلي نفتح فتحت الباب وركضت للشارع حافي اركض مااعرف وين اروح اخذتني رجليه لبيت زيد وكفت بالباب ومحتاره ادكه لو لا الوقت متاخر والشارع فارغ تشجعت ودكيت الباب ماكو مطلعولي بقيت ادك ردت اروح بعدها سمعت صوت خطوات شخص انفتحت الباب وصار بوجهي زيد شمرت نفسي بحضنه وبجيت
زيد: بيج شي ود
ود: سد الباب واخذني للحديقه وانطاني مي
..شكرا
زيد: منو مسوي بيج هيج
ود: بدات احجي اله من اول يوم بيتهم والعذاب والحرك ولحد ماانهزمت من اصدقاء مصطفى
زيد: والله لاندمه على الساعه فكر يزوجج بيها
ود: الله يخليك لتروح معليك بيه
زيد: تريديني اسكت على هي سوايته
ود: انته متعرفه مصطفى منتمي لعصابه ويكدر كولشي يسوي
زيد: عصابه؟؟؟ عصابة شنو
ود: مصطفى منتمي لعصابه تخطف ويطلبون فديه من اهل المخطوف وبعدها يقتلو مثل دايصير بالناس هسه
زيد: المفروض نبلغ عليه
ود: وين القانون لدخل نفسك بدوامه
زيد: لعد ابقى ساكت واشوفه يقتل بالناس الابرياء
ود: مو بس انته تتاذه رح ياذون حتى عائلتك وهواي ناس يعرفون بمصطفى وعلي بس خايفيين يحجون
زيد: وعلي هم
ود: اي وياهم
زيد: وانتي قابله تعيشين وي مجرم
ود: مجبوره اعيش وياه
زيد: عرفت سبب زواجج منه
ود: هاا من وين عرفت
زيد: هددج بيه مو
ود: هاا لا
زيد: بدون كذب
ود: هزيت راسي بنعم
زيد: اني اعرف شلون اتصرف وياه
ود: ديربالك منه هذا واحد حقير وكولشي يسوي
زيد: دخلي نامي بغرفتي
ود: لا اني اروح
زيد: وين تروحين دخلي للغرفه واني انام بالهول
ود: دخلت لغرفته وسديت الباب اووف يعطرك نمت بفراشه واشم بعطره اتمنيت ابقى العمر كوله هيج واتمنيت ميطلع الصبح نمت كعدت الصبح هلى صوت خاله وزيد
ام زيد: انته شلون جيب وحده مزوجه وتنام يمنه
زيد: شتريديني اسوي انتي مشفتي حالتها
ام زيد: يمه اني اخاف عليك وهاي ماوراها الا المصايب
زيد: يوم اني ود مااتركها وحدها
ام زيد: نسيت سوته بيك وخلتك لا ليلك ليل ولا نهارك نهار
زيد: اني احبها واريدها ومااكدر مااساعدها وهي بهاي الحاله
ام زيد: وين تبقى هنا
زيد: اي
ام زيد: مااريدها تبقى بيتي واذا عرف بيها عادل موجوده هنا رح تصير مشكله
ود: اسمع كلامهم ومااعرف شنو رح يصير طلعت من الغرفه
..شلونج خاله
ام زيد: لا هلا رجعتي ورح ترجع مشاكلج
زيد: يوم كافي
ام زيد: معليك نسوان ونفهم على بعضنا
..ليش زوجتي ابن عمج
ود: والله جبروني
ام زيد: اذا جبروج وانتي وافقتي وزوجتي شكو رجعتي
ود: ردت احجي اشرلي زيد اسكتي عرفت مكايل لامه على الموضوع
ام زيد: خاله احنا ناس سمعتنا تهمنه واذا عرفت الناس انتي هنا تاكل وجوهنا
ود: وصلني بسمارها اني ممهتمه بسمعتي واجيتهم طلعت اجه زيد يركض وراي
زيد: اوكفي
ود: شكرا الك على وكفتك وياي وكدرت اوصلك ليش اني تركتك وزوجت وهذا اليهمني من يوم انته تهمتني اني الهم متعبني ومكدر انام الليل هسه ارتاحيت وبعد ميهمني شي
زيد: وين رايحه
ود: راجعه للبيت والكاتبه الله يصير اتمنى متتقرب مني او من مصطفى
زيد: ابقي هنا واني حجيت وي صاحبي عنده شقه انطانياهه
ود: بس اني سمعتي تهمني ومااكدر اكعد بشقه وحدي
زيد: بس
ود: قبل ليكمل كلامه طلعت مااريد يتاذه بسببي رجعت للبيت فتحت الباب لكيتهم نايمين بالهول والاستقبال دخلت للغرفه شفت مصطفى وتالا نايمين رحت للحمام دخلت وقفلت الباب لاظهر كولش سمعتهم راحو طلعت
مصطفى: انتي هنا
ود: اي واجو اصدقائك وسمعوني كلام وسخ مثلهم
مصطفى: ميسووها
ود: لا سووها وبعد لتجيبهم هنا ناس شنو تكول علينا
مصطفى: الناس والناس هو ناس مو نفسهم قتلو اختج ومن انتي طفله وللان يحجون عليج
ود: انتي صدوك واحد بلا غيره
مصطفى: اني اعلمج بلا غيره شنو يسوي
ود: هجم عليه ملخني وطلع بقيت كاعده وابجي واجمع بشعري الي وكع بالكاع شوي واندكت الباب سحلت نفسي وكلت منو
..فتحي الباب جبنا مصطفى
ود: فتحت الباب شفت اثنين شايلين مصطفى وهو مدمه وميكدر يتحرك دخلو وراحو بقيت اضحك عرفت زيد سواها..

يتبع....