مساء العسل🌹♥
#نيران العشق#🌹❤
#أسماء#🌹♥
----------------------------------
أبشرك خلصوا مابقوا عندي هواي🔥
كل المشتريهم رخصوا بيه
أصافحهم واحس باطراف اديهم غيض
كاتل منهم ومادافع الديه
بسد بوساتهم دفنوا شكَد أنياب
واكَول يجوز جانت عن حسّن نيه
ويمر طاريّ ويذكرولي للشينات
واصد لغيبه اسمي التنوكل نيه
وانه الجنت اضل واكَف بالأستعداد
من أسمع عزيز يفوت طاريه
حسبالي العدد بي ثمرة من يزود
وعن قلة الواحد تفرق المية
بس تالي ادركت طين الكَلوب اصناف
والعِشرة الطويلة تريد نوعية
على كلًّ عِشت ماخذت بس طيت
وي ليل المجازة الماشفت ضيّه
وينه وينه اللكا بيه جاي يبيع
وين الانه مطني من هوه الريه
والزم جفني خاف من ارمش يزعلون
واتناسه لحجاية البذني محجيه
ومن لكَالي حكَـ عند مُحب ماداعيّ
اكو حكَـ برجعته يعيب راعيه
عرفتلها كَمت مازاعل اليرحون
ولا ع الباب اظل متناني ليلية
من شفت الحلم ينوخذ مو ع اللون
بعد بطلت اظم احلام وردية
الناس اختلفت وظهرك اتجيّ وين
اذا ماتلّكَه حايط تكّعد ابفيه
لهسه وماعرف عايش وياهم ليش
ويذوب الثلج بس ينجوي شويه
حتى جروحي من عدهم خذتهن شوكَـ
ابد ماحسستهم بيها من نيه
من سألوني صح كَالوا اطوّك جروح
لا كَلت لشماته انطوني عيديه
شايف من تجيك الطعنة من أحباب
هيج جروحك تحس بيها روحية
تصور تبتدي تشتاكَـ للچتال
اذا جف التطعنك بيها حنية💔🔥
ود:فتحت عيوني غرفة صغيرة وريحة الديتول تضرب بخشمي عرفت نفسي بالمستشفى تعبانة مااكدر اتحرك شويه ودخل الطبيب سألني عن حالي وطلع معرفت منو دخلني مستشفى بعد مطلع الطبيب دخل زيد وخالة وياه تحمدولي على السلامة عرفت همه مدخليني أهلي تركوني ومسالو عني الم بداخلي ميحس بي بس المجربة نزلت دموعي درت وجهي ع جهة لخ
زيد:كافي بجي ترة مراح ترجعين راح ارحمي نفسج
ود:درت وجهي اله لكيت خالة مموجودة حسيت نفسي اكدر افضفض على راحتي زيد اني مدمرة أهلي تركوني كلام ناس الكوابيس و علي واصدقائة الوحدة اووف الوحدة دمرتني اريد ارتاح خلاص انتهيت بجيت وطلعت كل الم بداخلي تقرب مني زيد أخذني لحضنه دفنت راسي بصدرة ويردد انتي قوية تحملتي
كول هذا حتتخطي انتي قوية واني مراح اتركج بعد هي كلماته حسيت براحة ابتعد عني وكال
زيد:هاا خلصت دموعج
ود:ههه لا ...حسيت بنضراته الي سويت نفسي ممنتبها
زيد:اني نازل اجيب عشا
ود:خجلت منه بس مجبورة مااكو أحد من اهلي
....زيد:هذا عشا
ود:شكرا
زيد:مو الج اني جوعان
ود:ههه لعد ماكل
زيد:تعالي اكلي 😒
ود:مممم موافقة كملنا عشا نزل زيد يشرب جاي واني غيرت ملابسي دخل زيد اريد اساله عن الجامعه والبنات ومترددة آخر شي سالته
...بنات الجامعة حلوات لا
زيد:بعضهن
ود:اهاا
زيد:ليش هالسؤال
ود:وانته معاجبتك وحدة
زيد:بعدج صغيرة على كلام هذا ماريد اسمع مرة لخ
ود:هو سؤال واني مو طفلة
زيد:صدك والله
ود:زعلت منه هو سؤال أي والله اني أريدك صديق بس الي
زيد:ومنو كلج أحد يأخذ مكانج
ود:لا اني صغيرة ويجي الأكبر يأخذ مكاني
زيد:لو تعرفين انتي شنو بالنسبه الي مكلتي هيج
ود:لا مااعرف كولي انته تقرب مني
ارتبكت وحسيت بشعور غريب قاطعنة دخول الطبيب ابتعد عني بسرعة انطاني إبرة ونمت بعدها حسيت بأيد تخنكني وجثث ودم شي مرعب ودخلت مكان نسوان تلطم وصراخ قوي أحس نفسي بدأ يختفي استجمعت قوتي وأخذت نفس قوي هزيت سرير نايمة علية فاطمة حضنتني تريد تهديني واني اشوف زهراء بالغرفة كمت أصرخ يمكن بوقتها المستشفى كولها عرفت بحالتي
الألم النفسي الي دااحس بي فضيع مااتمنى لعدوي ضربوني مهدا وهنا يموتوني اكثر مااكدر اصرخ ولااحجي موت بطيء ...
زيد:دكتور شنو حالتها هي سنة الثالثة وضعها يزداد سوء
...اسمعني أستاذ زيد وضعها كولش صعب ونفسي يعني المستشفى متفيدها ننطيها بس مهدئات تحتاج راحة وطبيب نفسي يشرف على حالتها
زيد:شكرا دكتور
..ولو أستاذ
زيد:أخذت نفس عميق يارب انته تعرف الي بكلبي ساعدني
ود:كعدت بعد معاناة وكوابيس لكيت زيد وفاطمة حاضنتني وتبجي
فاطمة:كافي ود مبقالي غيرج اذا تركتيني
ود:قاطعتها مااتركج
زيد:تعالجي عند طبيب
ود:ما اعترضت لان دااموت باليوم الف موته انتهيت
زيد:كملت أوراق الخروج من المستشفى ورجعتها هي واختها على بيت مكدرت ادخل وياها لان بنات ويكفي ناس تحجي عليهن
ود:دخلت البيت الي أمنيتي احركة واحرك ذكرياتي بيه حضنتني فاطمة و نمنا كعدنا على صوت باب تكسر راحت فاطمة فتحتها اجتي سعاد تركض حضنتني وتبجي دفعتها عني لتتقربين مني
سعاد:ماما والله بالي يمج واريدكم يمي بس علي ميقبل
ود:تعبانة اريد انام ورجعت خليت راسي على المخدة اسمع صوت بجيها طلعت من الغرفة وراحت ...
صباح الخير
فاطمة:صباح النور تعالي اكلي
ود:اكولج فاطمة شوكت نبدأ بالعلاج
فاطمة:مااعرف اليوم احجي وي زيد
ود:اهاا تمام
فاطمة:شنو بينج وبين زيد
ود:هاا شنو قصدج احنا اصدقاء
فاطمة:ود اني مو طفلة مااكو صديق يهتم هيج انتي مشفتي بالمستشفى شلون حاضنج ويبجي زيد يحبج وانتي مو ملاحظة
ود:مااعرف اجاوبها تركتها ولهيت نفسي بالتنظيف وافكر بكلامها اندكت باب ...منو
زيد:اني
ود:هلو شلونك
زيد:هلا
ود:تفضل
زيد:لا مااكدر انتو بنات وتجيكم حجاية اني منتضرج بيتنا والوالدة تريد شوفج
ود:ثواني ..دخلت بدلت وعدلت نفسي ورحت لبيت خالة ام زيد
ام زيد:ياهلا ب ود بنيتي حلوة
ود:هلا بيج خالة
ام زيد:تفضلي حبيبة شلونج
ود:الحمد لله
ام زيد:اخذي راحتج اصلي ونتغدا
ود:على راحتج خالة
..دخلت خالة لغرفتها صلي
زيد:شخبارج
ود:تمام
زيد:انطوني عنوان دكتور بس هسة مسافر من يرجع تعالجين
ود:غمضت عيوني ورجعت راسي على القنفة كل ثانية اموت مااضمن حياتي لما يرجع الدكتور زيد تقرب مني وحضني
زيد:اششش مااريد اذكرين الموت على لسانج
ود:ليش مهتم للموضوع زيادة
زيد:ابتعدت عنها غير صديقتي
ود:لا كول ملاحظ اهتمامك
زيد:شنو قصدج
ود:لترد السؤال بالسؤال جاوبني
زيد:أي مهتم بيج صحيح بس اني بنفسي مااعرف السبب
ود:ارتبك وصار عصبي بس ليش ميعترف ويكولها احبج
سلمت عليه وعلى خالة توسلت ابقى للغدا بس اني ضجت ورجعت لبيت حجيت لفاطمة
فاطمة:يخاف عليج
ود:من شنو
فاطمة:وانتي ليش مهتمة بيه
ود:احبه واريدة بس الي بس هو معتبرني طفلة
فاطمة:واهتمامة
ود:عطف مو اهتمام لان معندنا أهل
فاطمة سكتت وبقيت أفكر ياربي اني عايزة هم وتعب وحبيت زيد عمري 15 سنة مشفت يوم راحة حاولت ابتعد عنه مااريد اتعلق بيه واتعب نفسي اكثر
بدأت علاج أول يوم دخلت بيه للدكتور حجيت واني ابجي وأذكر الضرب والخوف وموت زهراء و كولشي بدأ يعالجني زيد متركني انطاني روايات الهي نفسي بيهم ورجع يعلمني رياضيات وانكليزي وباقي المواد حتى ارجع ادرس حالتي بدأت تتحسن تدريجيا
بس تعلقي ب زيد دايزيد مااعرف احبة لا كول الي اريدة يبقى يهتم بيه ومتدخل بنت بحياته غيري
فاطمة:ماما تسأل عليج
ود:حنينة كولش وتسأل عن بنتها
فاطمة:أفتح باب
ود:داانتغدا اني وفاطمة اندكت باب طلعت فاطمة فتحتها دخل علي تفاجات ميجي لبيت بس بوقت النوم ودخل بعده رجال شايفته بس مااذكر وين ولد شاب بقيت بمكاني
علي:ود هذا عمج معرفتي
ود:تذكرت هذا عمي الي اجة هو وعائلته ..مااذكر عندي عم تركتهم ورحت لغرفة هي شنو من ناس سنوات متجي ولاتسال ماما والدها متوفي بس هي وبيبي وبابا أهله متوفين وكول تاركهم عمامهم وخوالهم بسبب مشاكلهم لهذا حتى اقارب معدنا ...طلعت من غرفة اريد احجي ويا علي على موضوع الدكتور
لكيته كاعد وحدة
..بابا اريد احجي وياك بموضوع
علي:فضيها شكو
ود:دااعالج عند دكتور واريد انته تكون وياي يكفي خالة ام زيد تعبناها ويانا وهم تبقى غريبة
علي:اسمعيني بنت سعاد فلوس معندي للدكاترة وتعال ودي وجيب مالي خلك تخجلين منهم لتروحين
ود:تركته وكمت اعرف الكلام وياه ميفيد وميهمة اموت اعيش بس اني بعد ماانذل خلاص واشوف نضرات العطف بعيون الكل قررت انهي العلاج واني حالتي تحسنت شوي بعد سنة ونص من العلاج ...صار مغرب صليت وحضرت عشا ابن عمي ابد متركني ونضراته جريئة خليت عشا ورحت لغرفتي وبعدها رجعو لبيتهم ارتاحيت شوي قررت الصبح احجي ويا زيد وخالة بموضوع الطبيب ....
يتبع...
لهنا وانتهى البارت إنشاء الله يكون عجبكم لتنسون التصويت😘🌹
