مساء العسل💫💫❤
#نيران العشق#🔥🔥
#أسماء#❤♩
-----------------------------------------------------
وين ماخذهه وتريد انساهه؟🔥🔥
اني نص عمري كضيته وياهه! مكيف ابدلة عرس
انته مو كاتل نفس؟
شيل جفك مو احس اذااااهه
ادري مغصوبه إعلى الأبيض ما اون
غــصبـن اعلــى الـمات ينحط بجفن
يـــاخي عمـر عيــونك انته ما بجن
عوف حصت الغير لاتدناهه
عوفهه..... تحبني وردتهه بالحلال
والله اسميها جنت ام الجهال
تغيب وانطرهه ترد مثل الهلال
مني راحت والبخت سواها💔
الشيخ: ود بنت علي هل توافقين على الزواج من مصطفى ابن عباس زوجا لكي على مهر مقدمه ٥ ملايين
ود: احس كول حرف يكوله يموتني الى ان وصل قولي نعم وانته وكيلي اجرات اخذت نفس وكلت
...اني مموافقه على هذا الزواج
الشيخ: اني مااكدر اتمم الزواج والبنيه مموافقه
ود: توجهت الانظار عليه والكول متفاجا من سويته
اجت ام مصطفى تقربت مني وكالت
ام مصطفى: اتشاهدي نهايتج قربت
ود: احس نفسي ضاق من الخوف بس متندمت اموت ومااتزوج مصطفى السكير
تعذرت ام مصطفى من عماتها ودخلتهم للاستقبال بعد مراحو اصدقاء عمي بقيت وحدي بالهول افرك بايدي من الخوف واسمع عياطهم من توتر مفهمت كلامهم نفتحت بابا الاستقبال غمضت عيوني واقرا ايات وماحسيت الا على راجدي وكعني بالكاع
مصطفى: انتي شنو من بشر شنو هالعناد
ود: نزل عليه بالكلام مينلبس عليه ثوب بعدها سحلني للغرفه وقفل الباب
مصطفى: ليش رفضتي
ود: حجيت بتردد مامااريدك
مصطفى: ليش شنو ناقصني
ود: كلبي ميهواك
مصطفى: يهوا ذاك الساقط
ود: الله يخليك اتركني ترضاها على اختك تتزوج واحد متريده
مصطفى: ههه الفرق بينج وبين اختي هواي
ود: اذا اني معاجبتك مو مثل تربية اختك ليش متتركني
مصطفى: سامعه يكول كول ممنوع مرغوب وانتي منطيتيني مجال ومنعتيني عنج صرتي رغبه اذا ماازوجج ماارتاح
ود: تقربت منه واني مموافقه اضرب وسوي الي تريده مااوافق لو تموتني سحبني عليه وهمس باذني
مصطفى: باجر تسمعين بخبر حبيب كلب
ود: شنو قصدك
مصطفى: قصدي طلقه براسه وخلاص
ود: فتحت عيوني
..انت واحد مجرم وحقير
مصطفى: اي مجرم اذا طلعت من هذا الباب وانتي مموافقه حسبي كولشي انتهى
ود: اعرفه يسويها ٢٠٠٤ قانون ماكو كوله بايد العصابات وعرفت من خلال كلامه منتمي الى احد العصابات وباشاره منه زيد ينقتل وينذب كدام بيته
..موافقه
مصطفى: رايح اجيب الشيخ نعقد والخميس العرس
ود: طلع من الغرفه كعدت بالكاع وابجي مااعرف افكر وشنو اسوي اتمنيت ماانترك هيج اكثر وقت احتاجيت بيه امي واخواتي بس ماكو كول خذلني
ندكت الباب ودخلت ام مصطفى
ام مصطفى: سمعيني هسه تعدلين نفسج. طلعين وانتي مبتسمه وتكولين كنت خايفه على امي متخربطه مااريد اتفشل بين اهلي بسببج
ود: هزيت راسي بالموافقه
طلعت وبعدها دخلت اسراء بدون اي كلمه عدلت مكياجي واني ابجي
اسراء: خلص المكياج على وجهج كافي بجي
ود: دفعت ايدها
..طلعي اريد ارتاح
اسراء: هزيت ايدي وطلعت
ود: اجه شيخ ثاني وسالني ووافقت حسيت هنا انتهى كولشي وفقدت الامل وكرهت علي وسعاد ومريم وزهراء وفاطمه ومصطفى عقدنا الاحد والزواج الخميس مرت الايام واني ساكته ومااعرف كولشي عزلت نفسي بالغرفه واقرا قران يوم الاربعاء دخلت اسراء
اسراء: اريد انظف وجهج وجسمج باجر عرسج
ود: بدون اي كلمه خليتها نظفت جسمي وحفت وجهي وعدلت حواجبي باوعت على المرايه صرت حلوه بس الحزن واضح عليه طلعت اسراء مددت بفراشي ونمت كعدت الصبح على الهوسه طلعت من الغرفه شفت النسوان والجهال كلت بقلبي كركوك كولها جايه طلعت شفت التحضيرات اعرف هاي كولها ترتيبات مصطفى اجو سلمو عليه نسوان هواي
مااعرفهم دخلت للحمام غسلت وجهي وطلعت صار بوجهي مصطفى مبين جاي من الحلاق
مصطفى: هاي بعدج ممحضره نفسج
ود: بعد وقت شعدنه من الصبح
مصطفى: حاجز بصالون والمفروض انتي هسه هناك
ود: ماكو داعي للصالون
مصطفى: بدون عناد امشي غيري ملابسج
ود: دخلت للغرفه لبست بنطرون وقميص طويل ولفيت شال على راسي وطلعت هم ام مصطفى واقاربها مو محجبات وحتى فاطمه اختي مو محجبه
امي تلبس عباية راس واني زيد نصحني البس الحجاب وصلنا للصالون نزلنا اني ومراه متوسطه بالعمر مصطفى يكولها عمه
دخلت للصالون بيه هواي بنات كعدت سالتني على المكياج كولتلها على ذوقج وبدات بشعري وكذلك سالتني على التسريحه كولتلها على ذوقج تقربت مني وكالت
..لو فرحانه بزواجج تختارين كولشي على ذوقج مو على ذوقي
ود: نزلت دمعتي
..مجبوره
..لا عيني بعد ماكو جبر رفضي مره اثنين
ود: سككت ماتفهمني لان ممجربه
كملت حتى مشفت نفسي بالمرايا
خابرت المراه على مصطفى واني لبست عباية راس لفيت نفسي بيها اجت بنيه كالت زوجج يريدج بغرفة تاجير البدلات رحت وياها دخلت للغرفه زغيره وبيها بدلات تاجرهن العروس كلت يمكن اجه ياجر دخلت والبنيه راحت صار بوجهي اخر شخص اتوقعت اشوفه اجه تقرب مني سحب العبايه وبقى صافن عليه
زيد: هذا اليوم الي مو لغيري
ود: زيد شلون عرفت اني هنا
زيد: مو مهم اجيت اسالج سؤال
ليش وافقتي
ود: مجبوره والله
زيد: لو متحمله اسبوع بعد كان صرتي الي
ود: انتهى كولشي زيد وبجيت
زيد: بكل سهوله بعتيني ونهيتي كولشي لج اخويه تركني وامي متحجي وياي لان رحت لعمامي وانذليت حتى قبلو يجون يخطبوج بست الايادي ونمسحت كرامتي بالكاع وانتي مرتاحه ومو هامج
ود: انته ليش متفهمني والله احبك جبروني مغصوبه على زواج
زيد: لو تحبيني كان حاربتي لخاطري نفس محاربة اني
ود: اني هم احبك وحاربة بس تعبت ويستغلو نقطة ضعفي
..سحبني من ايدي وصرت قريبه عليه وانفجر بوجهي
زيد: فهميني شون اتحمل اشوفج وي غيري كولي ليش كذبتي عليه ليششش؟؟؟
ود: والله مجبوره ليش مصدكني شلون اتركك ونته حبي الوحيد
زيد: تركتيني وخلاص ماسامحج للموت كذبتي عليه وعدتيني تموتين ومتزوجين غيري واني مامن تالي ارجع من البصره الكاج عاقده واليوم عرسج
ود: دفعني وراح صحت وراه مرجع كعدت بالكاع بجيت الى ان تعبت كمت لبست عبايتي وطلعت شافني مصطفى
مصطفى: وين صار ساعه ندور عليج
ود: رحت لغرفه ايجار البدلات
مصطفى: ميحتاج اشتريتلج بدلات
ود: من فلوس الحرام
مصطفى: ضغطت بقوه على ايدها وسحبتها صعدتها بالسياره ورجعنا للبيت
ود: دخلت للبيت يهلهلون ويطشون جكليت وشغلو دي جي والكول يركص رح ازوج مصطفى اكرهه لهل شخص انسان حقير مريض اناني شون حكون زوجته مااكدر اعقل الي اني بيه ضياع قطع صوت تفكيري الرمي والهوسات نزلت دموعي واني انتظر امي او فاطمه او خاله ام زيد او زيد يجي ينقذني حسيت باحساس محاسته بحياتي الم ضياع خوف حقد تعب احس نيران حبي لزيد بدات تحركني هذا اليوم اصعب يوم مر عليه مستحيل انساه الخميس ١١/٣/٢٠٠٤ اجت سيارات الزفه صعدت بسيارة عمو ابو مصطفى ومشت السياره مدنكه راسي وابجي حسيت بالم رفعت راسي شفت زيد واكف ويشرب بجكارته وعيونه حمر باوعلي بنضرات الم وعتب واحتقار بقيت اباوع عليه الى ان اختفى عن نظري الطريق من بغداد لكركوك اني كاعده ابجي واذكر مواقفي ضحكاتي وياه وحزني وتعبي ومرضي موجود بكولشي وياي احساسي مثل طفله ويبعدوها عن امها انفتحت باب السياره ودخلني مصطفى للبيت واني فاصله عن العالم دخلت للغرفه دخلو يحجون وياي على الزواج وشنو اسوي واني بالي مو يمهم اجه مصطفى طلعو سد الباب طفرت
صرت بالجهه الثانيه من الجربايه
مصطفى: مم هه تره اني احبج ليش داتبتعدين عني
ود: بس اني اكرهك ومجبوره عليك افهم مااريدك يااخي
مصطفى:هههههه المهم صرتي الي وكسرت خشمج
ود: اي الك بس كلب يم غيرك
.. ماحسيت الا براجدي
مصطفى: اياج ذكرين اسمه كدامي مرة لخ امحي من الوجود
ود:نزلت راسي ودموعي متقبل توكف
بدا بتقرب مني رجعت لوره
مصطفى: شبيج خايفه مراح اكلج تعالي
ود: بدا يتقرب مني واني ارجع الى ان سحبني للجربايه واخذني ماخليت واحد ماسبيته ولعنته ودعيت عليه
..لو عندك كرامه متاخذ وحده متريدك
مصطفى: فركت حلكها وكتلها ههه اخذتج وهي البدايه ست ود الا اراويج نجوم الظهر وباجر ساعه ٥ تنزلين تشتغلين مثل الخدم وشيطلبون امي واختي تلبين طلباتهم واي حجايه متعجبني اخلي زيد يودع الدنيا
ود: طلع واني ابجي اكرهكم الله ينتقم منكم
سوف تعيش ود معاناة اخرى انتضروني بالبارت القادم
يتبع...
