هلاوو ورودي🌹
#نيران العشق#🔥
#أسماء#❤
----------------------------------------------------
كالو ما تجي وكالو عليك بعيد
ودرب كلش طويل البينك وبيني
شح مني الدمع كد ما بجيت أعليك
وأعاتب بالكمر هلبت يواسيني
ظلم كلش ظلم تحيا وتموت بشوك
وجا شنهو العمر من تذبل رياحيني
تعب حتى الورق حبر ودمع مخبوط
وحسره وي القلم تأذيني وتبجيني
صفة رسمك حلم عذب حنايا الروح
مثل طيفك أبد ما شايف بعيني
نهر طولك عذب صافي ويرد الروح
وأنه الميت عطش وبكطره ترويني
أكتبلك شعر وأسطرلك الأبيات
وانته بلا بخت بالفركة تجويني
ود: بجيت مااتحملت
شنو وزيد وين الله يخليك كولي
عادل: اياج سالين عنا بعد
زيد زوج ونساج وعاش حياته
وانتي هم انسي وعيشي حياتج
ود:صدمت حياتي مستحيل زيد يزوج كعدت بالشارع
الله يخليك لتكذب عليه زيد ميسويها
عادل: اخذي اختج وامشي ناس تباوع علينا
فاطمه: كومي نرجع للبيت
ود: ممستوعبه داايصير حتى دموعي متقبل تنزل
فاطمه:ود بقت كاعده ومكالت شي خفت عليها كومتها وهي مو بوعيها وصلنا للبيت فتحت الباب لكيت ماما منتظره
سعاد: وين ..
فاطمه: اشرت لماما تسكت لان مااعرف ود صار بيها ساكته ومتحجي دخلتها للغرفه مددتها على فراشها وطلعت
سعاد: شبيها ود
فاطمه: حجيت ماما من رحنا لكركوك لكلام عادل
سعاد: عزااا رادت تنهزم
فاطمه: ماما ذاك صار ماضي وهسه هي مصدومه من الخبر
سعاد: تنسى وهي هم تتزوج قبل لتفضحنا وسوي شي
فاطمه: ماما هذا الكلام مو وقته خليها ترتاح وبعدها نحجي بيه
ود:سمعت الحديث صار بين ماما وفاطمه
ليش حتى امي متحس بيه وتريد زوجني تعبت من كولشي حياتي معقده صرت احلم افرح يوم ذكرت زهراء من انتحرت وقررت انتحر واخلص بعدها استغفرت ربي شبيج ود انتي صلين وصومين والانتحار حرام مرت الايام واني اكلي قليل وساكته ابد مااحجي ومااطلع من غرفتي وبيوم كاعده دخلت ماما
سعاد: عندي كلام وياج
ود: وهو
سعاد: اجوج خطابه بيت ابو
ود: مموافقه
سعاد: هسه انتي عرفتي ورفضتي
ود: مااريد اي احد فكرت زواج شايلتها من راسي
سعاد: انسي كافي زوج وعاش حياته وانتي تبقين هيج
ود: ازوج او لا ميهمني
سعاد: اي واضح من رجعتو من عادل وانتي ساكته ومتاكلين وحابسه نفسج بالغرفه
ود: الحمد لله على كول حال
سعاد: كافي تعبتيني ازوجي وريحيني
ود: اذا مثقله عليج ارجع لعلي
سعاد: لا مو مثقله عليه بس مااريد نهايتج مثل اخواتج
ود: ماما نهايه الكلام ماازوج بلغيهم رفضي
سعاد: سمعيني غصب عنج تتزوجين خوش ولد وابن ناس
ود: مثل علي كولهم نفس شي
سعاد: مو كول اصابعج سوه
ود: مااريد ازوج
سعاد: طلعت منها صايره نار اعرف اذا بقت هيج يجبروها على مصطفى وهذا اسوء من علي
ام سعاد: شبيج يمه صوتج واصل لهنا
سعاد: من ورا ود مااعرف على منو طالعه تعاند ولسانها بطولها
ام سعاد: على كيفج يمه لا يصعد ضغطج
سعاد: طلكت ومخلصت منهن اريد ارتاح
ود: تعبتج شكرا استقبلتوني هي الفتره بيتكم
سعاد: وين موليه
ود: من تكونين ام اجاوبج على هذا السؤال
سعاد: وين رايحه لبيت ابوج السكير
ود: اي واعيش بخوف ولا بذل
طلعت من البيت مشيت لبيتنا دكيت الباب طلعت فاطمه شمرت نفسي بحضنها وانفجرت بالبجي
فاطمه: اسم الله حبيبتي شبيج
ود: محتاجتج فاطمه الله يخليج لتركيني
فاطمه: شبيج حبيبي منو وياج
ود: حتى امي تخلت عني الكول مايريدني
من اوكع الكول يتخلى عني الكول خذلني تعبت بيه صرخه توصل للسما اريد ارتاح
فاطمه: ود تهسترت وصرخ دخلتها غسلت وجها وهي مستمره بالبجي
....كافي تاذين نفسج الي باعج بيعي
ود: زيد ميبيعني اكيد اكو شي
فاطمه: لعد ليش مرجع مو اخو رجع
ود: مااعرف مااعرف الله ياخذني مااعرف
فاطمه:اشش كافي نامي ارتاحي شوي
ود: خليت راسي على المخده واذكر من يوم دافع عني واني عمري ٧ سنوات ليوم اتفقنا ننهزم واني عمري ١٥ سنه معقوله هانت عليه هي السنوات كولها ونساني وزوج اووف ياربي انت اعلم بحالي
فاطمه: اغسل بالطرمه وندكت الباب فتحتها دخل بابا
..الله يساعدك
علي: هلا هلا
فاطمه: احضرلك العشا
علي : لا ماكل حضريلي الهول وخلي ذني عليه
فاطمه: انطاني الشرب مخلي بعلاكه سوده مااعرف من وين يجيبه اخذته حضرته ونسيت ود
علي: منو هنا
فاطمه: هاا ود
...بعد ممكمله كلامي ركض دفع باب الغرفه
ود: راسي صار ثكيل وصار عندي صداع غمضت عيوني نمت ومااحسيت الا واحد سحلني من شعري وذبني بالكاع رفعت راسي شفت علي
علي: لج ساقطه شعندج رجعتي
ود: تعبت حتى من الكلام نزلت راسي ودموعي تنزل بهدوء
علي: هاا طردتج امج اجيتي مو اني مااريدج
ود: سكتت شنو يصير بعد يضرب يرزل عادي لان جرحي اكبر من كول هذا
فاطمه: بقيت صافنه على ود ساكته متعلمه عليها تصرخ وترادد
ود: اجه سحلني من شعري وطلعني بالشارع وسد الباب
...افتح الباب حرام عليك وين اروح احجي وادك بالباب كسرته ماكو مفتحه اسمع بس صوت عياطه وسبه وحدي بالشارع وبدون حجاب والوضع مو امان ناس ماكو بقيت كاعده بالباب واسمع صوت كلاب وميته خوف شفت سياره اجت عرفت اصدقائه كمت ضميت نفسي بالفرع خفت منهم وخصوصا هم سكارى شفتهم دخلو للبيت رجعت كعدت بالباب بهاي ليله عشت رعب من الخوف اتمنيت لو باقيه بكركوك ولا راجعه سمعت باب انفتح طفرت من مكاني
فاطمه: بابا طلع ود بالشارع خفت عليها دنيا ليل والوضع مو امان ولا همه مكدرت انام خليتهم يسكرون وطلعت امشي على اطراف اصابيعي فتحت الباب
ود: خوفتيني
فاطمه: تعالي عرفتج مترجعين لبيت بيبي نامي هنا والصبح الله كريم
ود: دخلنا قفلنا الباب ونمنا كعدت الصبح طلعت مااريد فاطمه تتاذه بسببي طلعت للشارع وبقيت واكفه مااعرف وين اروح اخذتني رجليه للحديقه
كعدت كدام الشجره الي كتبنا عليها حروفنا اني وياه
W❤Z
ابجي واعاتب بيه ليش زيد تركتني هيج هنت عليك اني والله احبك ليش زوجت شلون الك نفس بغيري اكيد حبيتها وعايش بسعاده وياها واني عايشه بالضيم لخاطر اسمع خبر عنك حبيتك اكثر من نفسي تحملت الضرب والكلام لخاطر ارجع واشوفك حرام عليك تنسى حبنا هيج ارجع الله يخليك محتاجتك
...شلونج ورد...
يتبع....
