مساء العسل🌹♥
#نيران العشق#🔥
#اسماء#🌹
--------------------------------
سنون عمري في زحام الحزن تتركني شظايا
في كل درب من دروب الأرض من عمري.. بقايا
وعلى جدار الحزن صاح اليأس فارتعدت دمايا
ودفنت في أنقاض عمري أجمل الأحلام يبكيها صبايا
ليس لي غير الحزن صديق
ومن بالحزن غيره يبقى معي💔
ود:دخلت شفت ناس ماعرفهم بقيت ع وكفتي صاح بابا تعالي سلمي عليهم
مشيت سلمت عليهم كلي بابا هذا عمج
اخوية ود أشوفه احسن من بابا ويا بنته وابنه وزوجته حلوين و مرتبين وحنا بس آثار ضرب وملابسنه قديم هنا بديت أحس ب فرق بين الأشياء وأكثر زيد وعاني عليهن بدل من أروح للمدرسة ب قميص وسخ كلي اغسلي مااكو أحد علمني صح من خطا بدأ زيد يعلمني لاتحجين وي هذا امشي هيج وهواي اشياء ماعرفهم كعدت يمهم زوجة عمي تحجي وتضحك وامي تعبانه وجهه مورم من ضرب أحس كول مرتاح بس اني كمت منهم رحت لل غرفة ذبيت نفسي نمت لان مقارنه تعبك
كعدت عصر ماكو أحد رحت لغرفة ماما
شفتها نايمه طلعت فاطمة تقرأ سألتها ع زهراء كالت تنظف طلعت للطرمه فتحت باب مخنوكة وهوى بداية صيف عجبني أتمشى ب شارع وحتى مسالت ع بابا ولا ع عمو رجليني اخذتني لبيت زيد دكيت باب
زيد:هلا ورد شونج
ود:شوكت تكول اسمي صح
زيد:😒اني عاجبني تعالي دخلي الحديقة
ود:دخلت الحديقه طبعا زيد عايش وي والدته والده متوفي وعندة اخ مزوج
كعدت ع مرجوحة وكعد قريب مني
زيد:يوم مااكو كتب
ود:ما اريد أقرأ
زيد:شبي حلو زعلان
ود:انفجرت بالبجي وبديت احجيله زيد اني أكره بابا لان هواي اذاني اني كول يوم انام من خوف تحت ميز يضرب ماما اني اكرها بس ماما خطية ياذيها تقرب زيد مني ومسح دموعي
زيد:لا لاتحجين هيج مهما يكون هو ابوج ونتي صيري قويه ولتخافين و كول مضوجين تعالي لهنا نلعب اني ونتي والي ياذيج اكتله
ود:ههه اي مثل ذولي وكحين
زيد:هه اي مثلهم
كلتي لاختج نتي جايه
ود:لا
زيد:بس لازم تخبريهم قبل لتجين
ود:ملكيت أحد اجيتك
زيد:لطلعين مرة لخ إذا مكلتي لاهلج ماشي
ود:ماشي
زيد:تعالي نطلع
ود:مااريد ارجع لل بيت
زيد:لا مو للبيت
ود:طلعت وي زيد اشترالي حلويات وعدني اذا نجحت الاولى راح يشتريلي كولشي اريد ودعته ودخلت صارت بوجهي زهراء
زهراء:وين جنتي
ود:بيت زيد
زهراء:اني كم مره كلت ل تروحين بيت ناس مانعرفهم
ود:بس زيد صديقي واني احبه
زهراء:نتي شو تعاندين دااكولج ل تروحين
ود:زهراء احبج احبج احبج وأحب زيد
زهراء:ولي خبلة
ود:دخلت شفت ماما رحت بستهه
وكعدت يمها
ماما وين عمو راح
سعاد:رجع ل كركوك
ود:اني أول مرة أشوفه
سعاد:اي حبيبتي ميجي هواي
ويوم صار واجه
كامت ود دخلت غرفة تقرأ واني محتارة شون أخلص نفسي وبناتي من علي ميرحم يكفي فقدت مريم واخاف ع زهراء لان كولش حساسة وتتاثر بسرعة اخاف يزوجها وتاذي نفسها وأكثر من مرة فتح موضوع زواجها وأحاول أجله لتخلص ثالث وتدخل معهد معلمات هذا حلمها مبقالها شي اتحمل ضرب سب كولشي لخاطرهن نفسي من دنيا بس علي اوف علي بسببه فقدت جزء مني مريم اووف شكد مشتاقتلها بناتي كولهم حنينات و يضغطن ع نفسهم لخاطري بس فاطمة وحيدة تختلف عنهن دائما تقرأ وتهتم بنفسها كولش تكول حتى أعيش وماابقى مثلكم ذكيه وسوي كولشي لمصلحتها ودائما تردد إنشاء الله مثل مريم اطلع بعد ماارجعلكم وهذا وسخ وهي هيج تلبس وهي هيج تحجي تحب مضاهر وغنى عكس أخواتها كل وحدة منهم شخصيتها مختلفة
ود:كملت قراية وطلعت للطرمه شفت زهراء تبجي تقربت منها وسالتها ليش تبجين
زهراء:مبيه شي
ود:لعد ليش تبجين
زهراء:هاي مسحت دموعي بعد ما ابجي ابد يا احلى أخت ب دنيا
ود:رغم صغر سني بس فهمت زهراء تبجي خوفا من بابا حضنتها وبينت الها اني مااعرف بداايصير
... طلعت صبح للمدرسة وفاطمة مداومت بيومها زيد منتضرني مثل كول يوم
..صباح الخير
زيد:صباح الأنوار شونج يوم
ود:الحمد لله
زيد:عيونج شبيها ليش منتفخة هيج
ود:نمت واني ابجي
زيد:ليش شنو صار
ود:كالعادة صراخ وضرب واني نمت جوه الميز
زيد:اووه شكد جبانة
ود:كمت ابجي ليش تكولي هيج
زيد:زيد متعرفين دافعين عن نفسج نامي ب غرفتج تركي نوم جوه الميز
صيري قوية مو كل شخص اذاج ب كلمه تبقين تبجين ردي عليه وسكتي مهما يكون وهسة عرفتي ليش نتي جبانة
ود:ماشي حسوي الي كولته أحبك يا احلى صديق
زيد:بأي ورد
ود:ههه بأي
..دخلت مدرسة وحاولت أكون صداقات يكفي خوف ونجحت صار عندي 2 صديقات وبديت ألعب وياهن خلص دوام ودعت نبأ وإيمان صديقاتي
لكيت زيد منتضرني باب مدرسة
زيد:هلا شونج
ود:بخير
زيد:شلونها مدرسة يوم
ود:حلوه وصار عندي صديقتين
زيد:هاا خاف تحبيهم اكثر مني
ود: مستحيل نته أحبك هوايييي وفتحت اديناتي ع كبرهن
زيد:ههه هلكد تحبيني
ود: اي ونته شكد
زيد:اني ما احبج
ود:مااا زعلت بعد لتجي يمي ولي
زيد:ام لسان بس وياي
ود:ما احبك ولي
زيد:ورد احبج بكد ورود دنيا هههه
ود:عفته ودخلت للبيت صار بوجهي .....
يتبع....
إنشاء الله يكون عجبكم البارت لتنسون التصويت😘♥
