هلاوو ورودي🌹
#نيران العشق#🔥🔥
#أسماء#❤❤
--------------------------------------------------
شلون ارهم ببعدك واصبر شلون
اووين الكه الوفه وبياكتر وين
وجنتلي انت وفي يانور العيون
من حبيتك اني نسيت الهموم
وكمت اتباهه بيك ويه اليحبون
وحسبالك انساك وينتهي الموضوع
اذا انساك صدك اني مدفون
شلون انسه السنين الكضت وياك
وضحكة روحي انت وبيك مجنون
وعاديت الدهر من جنت وياك
وعاندت الشماته واليلومون
مااكدر اعوفك تدري يهواي
ومااكدر اضل ويه اليغدرون
حبيبي انت الدوه وتداوي الجروح
شلون تعوفني ابّين اليلجمون
راح انتظرك اني للحظة الموت
واتأمل واعاين عاليمرون
والّي فرقونه ورادو تروح
خيفرحون صار الي يريدون
وكلبي وياك وفاي الك
يبقى وابد ميخون
فاطمه:اني بنيه ذبها ابوها بعمر ٣ سنوات هي واخواتها لان صارت عندنا اخت مااعرف شنو ذنبنا نعيش بفقر بس لان احنا بنات عشت وي امي واخواتي ٣ سنوات بيت بيبي نتغدا منتعشا واني طفله كولشي اريد بس ماما تصبر بيه اليوم وباجر وهيج مرت ٣ سنوات ومن اجه بابا فرحت كلت هسه اكل واشتري العاب بس مااعرف راح تدمر حياتي من ضرب وفقر وبعد سنه من رجوعنا دخلت مدرسه الكول يضحك عليه ويسمعني كلام حتى من المعلمات بنت سكير الفكر كنت اموت قهر واتعارك كرهت الكول حتى امي واخواتي اريد البس احسن لبس اريد اطلع واعيش مثل باقي البنات عكس اخواتي راضيات بعيشتهن بس اني لا مااريد اشوف احد احسن مني وكنت من بابا يضربهم مادافع اكول انضرب وبس ليش ادخل مرت السنوات وضعي نفسه احسب يوم يوم اكبر وانهزم من بيت واعيش حياتي ابتعدت عن امي وزهراء وابد مااكولهم على يصير وياي واحتفظ باسراري دخلت للمتوسطه بدات اكون صداقات وي بنات طاكات واخذ منهم فلوس وبس يبدون يدخلون بحياتي اعوفهم واتعرف على غيرهم
ويوم الي انتحرت بيه زهراء خفت اصير مثلهن هي ومريم وبعد فكره ان انهزم براسي من كمت اروح وي ود للمستشفى اتعرفت على دكتور عمار وصارت بينا علاقه وحجيتله عن وضعي وعدني بس اكمل سادس ياخذني للاردن ادرس جامعه ابد مكلت لاحد عن السر اتقربت من بابا وماما حتي ليحسون بشي
وحتى من رحنا لكركوك اسمع اشكال الكلام بس مااحجي اكول هم اختارو حياتهم ليش ادافع عنهم واخرب مخططاتي ودائما اكرر نفس الكلام اتمنى اعيش بكركوك حتى مصطفى ميراقبني ويشك بيه
رجعت لبغداد امتحن والتقيت بعمار واتفقنا بعد النتائج احضر نفسي ونروح للاردن مرت ايام و الامتحانات ورجعنا لكركوك وحجيت وي بابا ورجعنا بعدها لبغداد مرت الايام وبابا نفس وضعا رجع للسكر واصدقائه ليل كوله ضحك وسوالف مكسره اقفل الباب على نفسي واتخيل نفسي دكتوره ومزوجه عمار ومخلصه من واقعي دائما اصبر نفسي هيج مرت الايام سريع واجه موعد النتائج رحت للمدرسه واخذت النتيجه وجان
ود: بيوم كاعده وحدي بالمطبخ اصفن اندكت باب حيل
ركضت فتحتها دخلت فاطمه تبجي وتكول باركولي واخيرا نجحت
ود:عاااا الف مبروك حبيبتي
سعاد:خير يمه شكو
فاطمه:ماما نجحت بمعدل عالي
سعاد:يايمه الف مبروك ياحبيبتي
ود:فرحانين وماما حضرت كولشي وهي بس تضحك
...تذكرين من نمشي بالابتدائيه وانتي تحجين عليه
ههه
فاطمه:ههه فاهيه احجي عليج
ود: لا تغارين لان ماما تخاف عليه
فاطمه:اي ولج اذكر حرامات تركتي الدراسه هسه انتي مخلصه من الثالث
ود:ان شاء الله ارجع سنه جديده
فاطمه:ان شاء الله
ود: سوينا كيك ونفاخ ونركص
سعاد:ان شاء الله اشوفج احلا دكتوره
ود:ممم دكتوره
فاطمه:وسم مو بعينج
ود: بس مو تعصبين على المريض
فاطمه:اذا فاهي اطرده من المستشفى
ود:هسه يشوفج يكول نداره تنكط بيضه متعرفين سوين
فاطمه: ولي خلينا نضحك بدون مشاكل
ود:اشاقه حبيبتي ان شاء الله صيرين دكتوره على مستوى العالم
فاطمه:فدوه اختي حبيبتي
ود: تبقين هنا مو
فاطمه:خاف بابا ميقبل ابقى هنا
ود:بابا هسه بدات سهرته اصلا ميدري عنج
..بقينا نحجي ونضحك الليل كوله
تعبت فاطمه ونامت بقيت اني ومثل كول يوم طلعت صبح رحت للحديقه انتضرت وهم مااجه رجعت للبيت شافتني فاطمه
فاطمه:وين جنتي كلبت البيت عليج
ود: رحت للحديقه يم بيتنا
فاطمه: شعندج رايحه وحدج وصبح متخافين
ود:لا
فاطمه:ادخلي اغسل واجي وراج
ود:دخلت ذبيت نفسي على الفراش ونمت
فاطمه: دخلت للغرفه شفتها نايمه عرفت باليل منايمه نقهرت عليها يارب تجمعهم سوه سويت ريوك وكعدت ماما وبيبي اكلنا ونظفت للظهر يلا كعدت ود
ود:كعدتني ماما ظهر
سعاد:يلا حبيبتي كومي غسلي وتعالي تغدي
ود: كمت غسلت وتغديت وفاطمه رجعت للبيت العصر
فاطمه: دخلت للبيت فارغ عرفت بابا مموجود قفلت الباب ودخلت للغرفه طلعت ملابسي وبداخلهن جنطه محضرتها صار شهور لهذا يوم اخلص سادس وانهزم
وي عمار للاردن وادرس جامعه هناك محضره كولشي رغم اكو خوف بداخلي بس مجبوره انهزم لان اعرف ود راح تتزوج مصطفى واني انجبر على شخص مااعرفه خايفه نهايتي مثل مريم او زهراء
رجعت ضميتها بالملابس وطلعت من الغرفه لازم الكي طريقه اشوف عمار بيها
...ثاني يوم طلعت الصبح اريد اروح لماما وشفت عادل اخو زيد ركضت للبيت دكيت باب
ود: اليوم مرحت تعبانه ومدده بالفراش اندكت باب حيل خليت حجاب على راسي وطلعت اركض
..اي جيت جيت
فاطمه:يلا بسرعه
ود:فاطمه شكو صاير شي
فاطمه:تعالي بسرعه وياي
ود:شكو
فاطمه: شبيج تعالي وياي
ود: اوكفي بس اعدل حجابي
..طلعنا وفاطمه تسحب بيه
فاطمه:يلا امشي
ود:غير افهم شكو
فاطمه:شوفي منو هناك
ود:درت وجهي شفت عادل اخو زيد نزلت دموعي بسرعه
فاطمه:شبيج مفروض تفرحين مو تبجين
ود:اكيد رجع
فاطمه:تعالي نساله
ود:مشيت اله كان يريد يدخل للبيت صحت
ابو اسراء
عادل:نعم
ود:شلونك اخويه
عادل:خير شعندج جايه
ود: اجيت اسئل عن خاله رجعت لو
عادل:صدك متستحين جايه وبكل عين صلفه تسالين
وهسه يجي ابن عمج زباله يطلعنا مو خوش
ود:انصدمت من طريقة كلامه
... واني سويت وتحجي وياي هيج
عادل:لج ساقطه ضحكتي على زيد وتفقتي وياه تنهزمين بس شاتوقع من بنت علي السكير شكد نصحته هو وامي يبتعدون عنج وهي تاليها يفضحنا ابن عمج الساقط بين عمامنا
ود: بجيت مااتحملت
شنو وزيد وين الله يخليك كولي
عادل: اياج سالين عنا بعد
زيد زوج ونساج وعاش حياته
وانتي هم انسي وعيشي حياتج....
يتبع........
